Giọgis 8:23 - Edo Bible (E Baibol Ẹdo) Version 1996

²³ E Gidiọn keghi wanniẹn wẹẹ, “Mẹ i ra kha yan uwa, ovbi mwẹ i vbe kha yan uwa, e Nọyaẹnmwa ọ re ọ khian gha kha yan uwa.”

Giọgis 8:23 ပူးပေါင်းရင်းမြစ်များ

Psalm 10:16

E Nọyaẹnmwa ọrọre ọba ẹdẹ kevbe ẹdẹdẹmwẹdẹ. A gha ho iran ni ga ẹbọ bẹkun, vbe otọ Osanobua

Psalm 149:2

Izrẹl gha ghọghọ, rhunmwuda Ayi ne ọ yi uẹ; wa gha ghọghọ wa ne ivbi e Zaiọn, rhunmwuda ọba uwa!

Aizaia 33:22

Ugbalọmwẹ ne a gbalọ okọ nii, i mwẹ asa, ukpọn ne ẹhoho ya sua ẹre khian i gia tan. Ma gha viọ emwi ne avbe ivbiyokuo eghian mwa mwẹ, iran gha bun sẹ vberriọ wẹ uhin ghẹ te obọ avbe arọ gha vbe vba vbọ. E Nọyaẹnmwa tobọ ẹre ọ re ọ ra gha re ọba mwa. Rẹn ọ re ọ ra gha khaemwisẹ yan mwa, ọ ghi vbe gha degue mwa.

Aizaia 63:19

U ke ghi ru ima zẹ vbene a gha a kha ighẹ u ma he ka gha re ogie ima ẹdẹ, vbene a gha a kha ighe ma ma he gha re emwa ruẹn ẹdẹ.

II Kọrinti 1:24

Ẹ i re te ima tae ye uwa obọ wẹ, ghe emwi ne uwa gha yayi, rhunmwuda wa tobọ uwa mudia nẹ gbain vbe uwu iyayi, sokpan te ima deba uwa winna ne ọyẹnmwẹ uwa.

I Pita 5:3

Ghẹ gha ho ne u gha khaemwisẹ yan iran ne a viọ nuẹn ne u gha gbe aro ghe, sokpan gha re ne a ghe ru ne oghẹn ohuan.

Giọgis 10:18

Emwa kẹkan avbe ọkaolotu Giliad keghi nọ egbe iran ọta wẹẹ, “De ọmwa ne ọ gha ke odaro ne a ya gu ivbi Amọn gbinna? Rẹn ọ re ọ khian gha re ọkaolotu emwa ni rre Giliad hia.”

Giọgis 2:18

Ẹghẹikẹghẹ ne Nọyaẹnmwa ya rhie ọkaolotu ne iran, ọ ghi yi ẹre obọ, ọ ghi miẹn emwa rẹn fan vbe obọ avbe eghian iran vbe ẹghẹ ne ọkaolotu gha ya vbe agbọn. E Nọyaẹnmwa keghi tohan iran rhunmwuda, iran da tie ẹre vbe ẹghẹ oya kevbe ukpokpo.

Giọgis 8:22

Iyeke ọnii, ivbi Izrẹl keghi tama e Gidiọn wẹẹ, “Gha re ne ọ kha yan ima, wẹ kevbe ovbi uẹ ke eyẹ ruẹ ne ọ gha leluẹ. U miẹn ima fan vbe obọ ivbi e Midian.”

I Samuẹl 10:19

Mẹ ọrọre Osanobua uwa, ne ọ viọ uwa hin uwu ukpokpo kevbe ọlọghọmwa ne uwa ye rre, sokpan banbanna nian, wa he mwẹ yotọ, wa na wẹ ne I rhie ọba ne uwa. Ọ maa khekherriọ, wa do si egbe koko ye odaro mwẹ vbe uniẹn kevbe ẹgbẹe!’ ”

I Samuẹl 12:12

Wa ghi vbe miẹn wẹ e Nahas ne ọba Amọn mu egbe ne ọ gu uwa gbinna, wa keghi he e Nọyaẹnmwa zẹ vbe ọba uwa, wa keghi tama mwẹ wẹẹ,