Giọgis 8:10 - Edo Bible (E Baibol Ẹdo) Version 1996

¹⁰ E Zẹba kevbe Zalmuna kegha rre Kakọ, iran kevbe ivbi iyokuo iran. Vbe uwu ivbi iyokuo ẹwae ni ke ato rre, arriaisẹn ekesugie (15,000) ọre ọ ghi ke ẹe, a gbele arriaisẹn iyehan (120,000) vbe uwu iran.

Giọgis 8:10 ပူးပေါင်းရင်းမြစ်များ

II Ọba 3:26

Ọba e Moab ghi miẹn wẹ ẹmwẹ okuo nii i ra de ẹse, ọ keghi viọ iyisẹn ihinrọn (700) vbe uwu iran ni fi umozo ba egbe, ọ na te wẹ ne irẹn ya uhunmwu zẹ ẹbu eghian gberra bu ọba e Siria gha khian, sokpan ọ ma sẹtin.

II Krọnikol 13:17

Abija kevbe ivbiyokuo ẹre keghi gbe ivbi Izrẹl ugbemwẹ oya. Omwa arriaisẹn ekigbesiyeha (500,000) vbe ivbiyokuo ni maa sẹẹ vbe Izrẹl kegha re ne a gbele ua.

II Krọnikol 28:8

Egbe ne a rhe ya miẹn wẹ ivbi ẹvbo ọkpa iran hia khin, ivbiyokuo Izrẹl keghi ye munọ ikhuo kevbe ibiẹka arriaisẹn uri (200,000) vbe Juda oghunmwu hẹ gha rrie Sameria, deba emwi ọrhẹnrhẹn ne iran fu hẹ gha rrie.

Aizaia 37:36

Odibosa e Nọyaẹnmwa keghi la agọ ivbi Asiria, ọ keghi gbele ivbiyokuo arriaisẹn isẹn yan iyi ihinrin (185,000). Ẹdẹ ghi gbe vbe owiẹ ne ọ lelẹe, ehia keghi wulo lele otọe bẹẹrẹ!

Aizaia 9:4

Rhunmwuda, wẹ bun urọnghọn ne ọ te mianmwẹ iran nẹ! Kevbe ukpokpo ne ọ te gbe iran izabọ wẹ khọn ẹvbo ne ọ te zẹ emwa ruẹn kpokpo ne ọ na vbe do iran ọzuọ ne zẹ vbene u ka khọn ivbiyokuo e Midian vbe ẹghẹ ne ọ kpee fua.

Giọgis 20:15

Iran keghi tie ivbi iyokuo arriaisẹn enẹ irrọvbọgban (26,000) ladian vbe ẹvbo iran. Yevbe gberra ọna, emwa Gibea kevbe hannọ arhin iyisẹn yan uri eha (700) ladian, emwa ne a wa mobọ hannọ. Vbe uwu iran ọre arhin iyisẹn yan uri eha ni rre ẹkpẹn nagobọ ye, iran na hia gha sẹtin ya umọvọn ya okuta fi ukpẹ eto ọkpa vbe ne ẹ i na ba ẹe ku.

Giọgis 20:17

Ivbi Izrẹl kevbe hannọ arriaisẹn uri eva (400,000) vbe ne a i na ka e Bẹnjamin yọ, iran ne a ma ẹre ẹmwẹ okuo ne a khọn.

Giọgis 20:2

Avbe ọkaolotu ẹwae Izrẹl hia kevbe gha rre ehe ne emwa Osanobua na si egbe koko na. Ivbi iyokuo ni ya owẹ khian kegha re arriaisẹn uri eva (400,000).

Giọgis 20:25

Vbe ukpogieva na, emwa Bẹnjamin kevbe ladian ke Gibea gha dee, iran kevbe gbele arriaisẹn eva i rrọvbugie (18,000) vbe ivbi iyokuo ne a ma re emwi vbe ivbi Izrẹl.

Giọgis 20:35

E Nọyaẹnmwa keghi rhie akhọnmiotọ ne ivbi Izrẹl vbe uhunmwu ivbi e Bẹnjamin. Ivbi Izrẹl keghi gbele arhin iyisẹn yan arriaisẹn ekesọgban (25,100) vbe avbe eghian iran vbe ẹdẹ nẹdẹrriọ.

Giọgis 20:46

Inu emwa Bẹnjamin ne iran ghi gbele ẹdẹrriọ kegha re arriaisẹn ekesọgban (25,000), ehia keghi wa re ivbi iyokuo ni din.

Giọgis 6:5

Iran ghi viọ ẹmila iran kevbe owa ukpọn iran ni bun vbe irhiso gha dee. A i sẹtin ka iran kevbe ogologo iran vbene iran ghi bun sẹ. Iran kegha rhia otọe nii uan.

Giọgis 7:12

Ivbi e Midian, Amẹlẹk kevbe iran ne ẹwae ni rre uwu ato keghi wa gba iya nii zẹ vbe irhiso, iran keghi vbe mwẹ ekẹtẹkẹtẹ ni bun zẹ vbe ekhae ni rre ọkpẹn okun.

Giọgis 7:13

Ugbẹn vbe Gidiọn ghi sẹ evba, rẹn keghi họn vbe okpia ọkpa ta imina ne ọ minaẹn ma ọse ẹre. Ọ keghi gha kha wẹẹ, “I mina imina ọkpa. Ududu ebrẹd ne a ye irhuarhua ọka le keghi werriẹ fi agọ, ọ keghi degbe owa ukpọn, owa ukpọn nii keghi de guo, ọ na wa gha rre otọ wawawa.”

Giọgis 7:22

Ẹghẹ nii, iran iyisẹn eha nii ghi na kpee okpe iran, e Nọyaẹnmwa keghi ru ẹe ne iran ni rre agọ nii, ya umozo yan egbe iran. Iran keghi lẹ ghe odẹ Zarẹta ya sẹ Bẹt Sita ya sẹ Ebẹl Mehola vbe ọkpẹn Tabat.

Giọgis 8:11

E Gidiọn keghi lele odẹ ne ọ rre ọkpẹn ato vbe odẹ ahọ ọghe Noba kevbe Jogbeha, ọ na dekun ivbi iyokuo nii vbe amaro amakọ.