Giọgis 8:1 - Edo Bible (E Baibol Ẹdo) Version 1996

¹ Ivbi Ifreim keghi tama e Gidiọn wẹẹ, “Vbọzẹ ne u ma na tie ima yi vbe u ra khọn ivbi Midian? Vbe u a na ru ima vberriọ hẹẹ?” Iran keghi kakabọ gui yọ ẹsẹse.

Giọgis 8:1 ပူးပေါင်းရင်းမြစ်များ

II Samuẹl 19:41

Ẹre ivbi Izrẹl hia na bu ọba gha khian, iran tama rẹn wẹẹ, “U gha tọ u kpẹre Umogun, vbọzẹ ne etẹn ima ighẹ ivbi e Juda na rhie ruẹ kpao, iran na su uwẹ kevbe ẹgbẹe ruẹ kevbe emwa ruẹ fian e Jọdan rra?”

II Samuẹl 19:42

Ivbi e Juda wanniẹn wẹẹ, “Ma ru ẹe rhunmwuda, ovbi ima ọ re ọba khin. De ne uwa ghi mu ohu yi vbọ yi? Ọ ghọ ima yọ ra, ra ọ rhie emwi rhọkpa ne ima?”

Job 5:2

Ne ọmwa, rhunmwuda ighẹ emwi sọnnọ ẹn, kpokpo egbe ya uhunmwu yọ, uyinmwẹ ukọnmwẹ akpa vbe abobo ọre nọ.

Itan 15:1

Ewanniẹn nekhuẹrhẹ ọ re ọ dọ ohu yọ, sokpan, te ẹmwẹ ne ọ wegbe gua ẹe kpao.

Asan-Ibo 4:4

I vbe rẹn emwi ne ọ si ẹe nẹ, ne emwa na miẹn ẹsọn sẹrriọ vbe agbọn na, ne ọ miẹn ehe na dunna ne iran: emwi ne ọ siẹe ọrọre wẹ emwi ne ogieva iran mwẹ viẹn ye iran aro, sokpan, ọna i vbe mwẹ esa, te ọ yevbe ne a khu ẹhoho khian.

Hozia 13:1

Vbe ẹghẹ nẹdẹ, ẹwae Ifreim gha guaan, ohan ghi mu ẹwae Izrẹl nekpa hia. Ifreim ọ re iran ghe ẹre aro. Sokpan, emwa ni ru orukhọ vbekpa ne iran na ya gha gho e Bal, te iran ra wulo ye aighẹru ne iran ru na.

Giọgis 8:2

Sokpan rẹn keghi tama iran wẹẹ, “Emwi ne imẹ ru ma zẹdẹ sẹ vbe ne uwa ru hiehiere. Uhin emwi kherhe ne uwa ne ivbi Ifreim ru kpọlọ sẹ emwi hia ne ekhuarha mwẹ he ru ukhukhu uri.