Giọgis 7:8 - Edo Bible (E Baibol Ẹdo) Version 1996

⁸ E Gidiọn keghi rhunmwuda onii wẹ ne ivbi Izrẹl hia gha rrie, sokpan iran iyisẹn eha nii, iran ni viọ avbe evbare mwẹ kevbe avbe okpe, iran keghi sẹ eni rae ye otọ. Agọ emwa Midian kegha rre ototọ iran vbe iya nii.

Giọgis 7:8 ပူးပေါင်းရင်းမြစ်များ

Aizaia 27:13

Ọ gha sẹ ẹdẹ ne ẹdẹrriọ, a gha kpe okpe ne a ya tie ivbi Izrẹl hia ni rre iwe vbe Asiria kevbe Igipt gha die owa. Iran gha rre do ga e Nọyaẹnmwa vbe Jerusalẹm, vbe oke ẹre nọhuanrẹn.

Levitikọs 25:9

ọ gha ghi sẹ ikpẹdẹ ne ogigbe ọghe uki ne ogihinrin, ẹdẹ Erinmwian nọ, u ghi giẹ ọmwa ne ọ si orhu la ẹvbo hia.

Nọmbas 10:9

Wa gha khọn vbe otọ uwa, ọnii nọ we vbe uwa a gha gu emwa ni mu okuo gie uwa khọn, wa ghi ye avbe okpe na kpe okpe orhu okuo Mẹ ne Nọyaẹnmwa Osanobua rua gha yi uwa obọ, I ghi miẹn uwa fan vbe obọ eghian uwa.

I Kọrinti 15:52

Ẹgiẹgiẹ, vbe ifua aro ọkpa, ẹghẹ ne okpe ne okiekie gha na tu. Rhunmwuda, ọ gha ghi tu, a ghi huẹn iran ni wulo nẹ kpaegbe do gha re emwa ne ẹ i ghi wu ẹdẹ, a ghi vbe fi ima hia werriẹ.

Jọsua 6:20

Ẹre avbe ohẹn na si orhu, ọwarọkpa vbe avbe emwa nii ghi wa họn ẹẹn, iran keghi kakabọ davan, ekẹn keghi de wiẹghẹ ua. Avbe emwa nii keghi wa rhulẹ la ore ẹvbo nii, iran na khọn rẹn muotọ.

Jọsua 6:4

Avbe ohẹn ihinrọn ne ọkpọkpa vbọ mu orhu mwẹ obọ, ghi ke odaro ne Ẹkpẹti Ile ọghe Nọyaẹnmwa. Vbe ikpẹdẹ ne ogihinrọn ke uwa kevbe ivbiyokuo ruẹ ghi khian lẹga ẹvbo nii igba ihinrọn, avbe ohẹn ghi gha si orhu nii khian.

Giọgis 3:27

Ọ ghi sẹ evba, ọ keghi kpe okpe vbe uhunmwu oke Ifreim ne ọ ya tie ivbi Izrẹl gha die okuo, ọ na ke uhunmwu oke ke odaro ne iran.

Giọgis 6:33

Ẹre ivbi e Midian hia, emwa Amẹlẹk kevbe avbe ẹwae ni rre uwu ato na do si koko, iran na fian Ẹzẹ Jọdan rra, iran na bu agọ ye Iya Jezrẹl.

Giọgis 7:7

E Nọyaẹnmwa keghi tama e Gidiọn wẹẹ, “Iran iyisẹn eha ni ye obọ balọ amẹ wọn ọ re I ra ya miẹn ruẹn fan ne I vbe ya rhie akhọnmiotọ ne uẹn vbe uhunmwu emwa Midian. Tama emwa nekpa hia ne iran gha rrie owa.”

Giọgis 7:9

Vbe asọn nii, e Nọyaẹnmwa keghi tama Gidiọn wẹẹ, “Kpaegbe ne u dekun agọ nii; I ra rhie ẹre ye uẹ obọ ne u khọn miẹn ọre otọ.