Giọgis 7:21 - Edo Bible (E Baibol Ẹdo) Version 1996

²¹ Dọmwadẹ ọghọe keghi mudia ye ehe ne iran ye lẹga agọ nii; ivbi iyokuo eghian iran nii hia keghi lẹkua, iran na gha tulo khian.

Giọgis 7:21 ပူးပေါင်းရင်းမြစ်များ

I Ọba 20:20

orhiọnkpọkpa na gbe ọmwa ne irẹn vbe ọre gba viọ aro igbinna da egbe. Ivbi e Siria keghi lẹ kua, ivbi Izrẹl keghi zẹ iran khu, sokpan, e Benhadad keghi hin ẹsin lẹ fua ke ẹe kevbe iran ni hin ẹsin ọvbehe ni yaba ẹre.

II Krọnikol 20:15

E Jahaziẹl keghi kha wẹẹ, “Umogun, ke uwa hia fẹẹrẹ ne ivbi e Juda kevbe Jerusalẹm, e Nọyaẹnmwa wẹ ne uwa ghẹ gie afianma fian uwa ra ne ẹtin fo uwa ne uwa ya gu ivbiyokuo ni bun na gbinna, ohọ Osanobua ọ re ẹmwẹ okuọ na ye ighẹ ẹ i re obọ uwa.

II Krọnikol 20:17

Ẹ i re uwa ọ re, ọ ra khọn okuọ na. Ma rhie ihẹ uwa ne uwa mudia, wa gha miẹn vbe Nọyaẹnmwa ra rhie akhọnmiotọ ne uwa. Ivbi e Juda kevbe Jerusalẹm, wa ghẹ si uhe ra ne afianma vbe fian uwa, wa ladian gha rrie okuọ, e Nọyaẹnmwa gha rrọọ yaba uwa!”

Ẹksọdọs 14:25

Ọ keghi munọ owẹ ikẹkẹ okuo iran mwẹ sẹrriọ wẹ okhian kegha ba so iran. Avbe ivbi Igipt keghi kha wẹẹ, “Wa gie ima lẹ ne ivbi Izrẹl rhunmwuda e Nọyaẹnmwa ọre ọ gu ima gbinna ne iran!”

Itan 28:1

Ọmwa dan ghi gha lẹ, vbene ọmwa rhọkpa ma na khu ẹe, sokpan ọmwa esi ghi din zẹ vbe oduma.

Aizaia 30:15

E Nọyaẹnmwa ne Udazi, ọmwa nọhuanrẹn Izrẹl tama emwa ni wẹẹ, “Wa werriegbe rre, ne uwa hẹko mu ẹtin yan mwẹ. Ẹghẹ nii, wa gha wegbe, wa ghi vbe gha re ne ẹkun sẹ ọre otọ.” Sokpan, wa he ne uwa ru vberriọ.

Aizaia 30:7

Iyobọ ne Igipt ru i mwẹ esa, rhunmwuda ọnii ọ re I na mu ovan ne Igipt gha tie ẹre, ‘Ugbogiorinmwi ne ọmẹhẹ.’ ”

Hibru 11:34

Iran dọ ogidi erhẹn yọ, iran lẹ fe vbe obọ umozo ne ọ tera gbele iran uan. Te iran te vburriẹ, sokpan iran keghi do wo vbe egbe. Iran zẹ uza vbe okuo, iran keghi khọn ivbiyokuo etẹ muotọ.

Giọgis 7:20

Iran hia ni rre otu eha nii keghi kpe okpe iran, iran keghi gbele ovbiẹluba iran an. Iran keghi viọ ukpa ni rrọọ mwẹ agobọ iran, kevbe avbe okpe vbe obọ erha ọmwa iran, iran keghi datu wẹẹ, “Umozo ọghe Nọyaẹnmwa kevbe ọghe Gidiọn!”