Giọgis 7:15 - Edo Bible (E Baibol Ẹdo) Version 1996

¹⁵ E Gidiọn ghi họn imina nii, kevbe emwi ne a ya ẹe kha, ọ keghi diguẹ. Ọ na ga e Nọyaẹnmwa. Ọ keghi werriegbe gha rrie agọ ivbi Izrẹl, ọ na kha wẹẹ, “Wa kpaegbe, e Nọyaẹnmwa ra rhie akhọnmiotọ ne uwa vbe uhunmwu ivbi iyokuo e Midian!”

Giọgis 7:15 ပူးပေါင်းရင်းမြစ်များ

Gẹnẹsis 24:48

I keghi diguẹ ya uhunmwu rhanmwẹ otọ ne Nọyaẹnmwa, I keghi rho Nọyaẹnmwa, Osanobua Ebraham ne arowa mwẹ, ne ọ ma mwẹ odẹ ẹsẹse vbe nian. Rẹn keghi rhie mwẹ bu ọtẹn arowa mwẹ nokpia, ehe ne I na miẹn ovbi ẹre nokhuo rhie ne ovbi arowa mwẹ.

Gẹnẹsis 40:8

Iran keghi wanniẹn wẹẹ, “Ma eveva ọre ọ wa mina, ma ma miẹn ọmwa ne ọ gha rhan otọ iran ma ima.” E Josẹf keghi wanniẹn wẹẹ, “Osanobua ọ re ọ rhie ẹtin ne a ya rhan imina ne ọmwa, wa tama mwẹ vbene uwa mina hẹ.”

Gẹnẹsis 41:11

Asọn ọkpa ghi rre, ma keghi mina, dọmwadẹ ọghọe keghi mina imina ne ọ mwẹ evba yae kha.

Giọgis 3:28

Ọ keghi tama iran wẹẹ, “Wa lele mwẹ! E Nọyaẹnmwa rhie akhọnmiotọ ne uwa nẹ vbe uhunmwu ivbi e Moab ne eghian uwa.” Iran keghi lele ẹe tuorre, iran na ya khọn mu ehe ne emwa Moab gha na te fian Jọdan rra. Iran ma gie orhiọnkpa kẹkan fiaẹn rra.

Giọgis 4:14

Ẹre Dẹbora na tama e Barak wẹẹ, “Khianmwu, ẹdẹ ne Nọyaẹnmwa gha gie obọ ruẹ ke ukhunmwu ne Siseria ọ re ọna khin. E Nọyaẹnmwa ọ re ọ ke odaro nuẹn.” Ẹre Barak na tuorre vbe oke Tabọ, irẹn kevbe arhin arriaisẹn igbe (10,000) ni gu ẹe.

Giọgis 7:11

U gha họn ẹmwẹ ne iran ta, ẹghẹ nii u gha mwẹ udinmwẹ ne u ya dekun agọ nii.” Ẹre irẹn vbe Pura ne ọguọmwadia ẹre na gha rrie agọ eghian iran.

Giọgis 7:14

Ọse ẹre keghi wanniẹn wẹẹ, “Umozo e Gidiọn ne ovbi Joas nọ! Ẹ i vbe re emwi ọvbehe rhọkpa! Osanobua rhie akhọnmiotọ ne ẹẹn nẹ vbe uhunmwu e Midian kevbe ivbi iyokuo ima hia!”

Giọgis 7:16

Rẹn keghi ghae emwa rẹn ni re arhin iyisẹn eha ye otu eha, ọ keghi mu okpe kevbe ovbi ẹluba ne orhiọn kpọkpa vbe uwu iran, ukpa kevbe rre uwu avbe ovbiẹluba nii.

Giọgis 8:7

Ẹre Gidiọn ghi na kha wẹẹ, “Ọ ma! E Nọyaẹnmwa ghẹ ghi viọ Zẹba kevbe Zalmuna yọ mwẹ obọ nẹ, ọkhuẹnkhuẹn kevbe akọsọ ọ re I ra viọ ke ato rre do ya yan ghan ikpakpa egbe uwa hẹ kua!”

I Samuẹl 1:28

Rhunmwuda ọnii, te imẹ ghi ra ya ẹe fi ohan ne Nọyaẹnmwa. Ẹghẹ ne ọ rhirhi ya vbe agbọn, ọ ghe Nọyaẹnmwa rẹn khian gha khin.” Ẹre iran na ga e Nọyaẹnmwa vbe evba.

I Samuẹl 14:12

Ẹre ivbiyokuo e Filistin na datie Jonatan kevbe igbama ni wẹẹ, “Wa gha die edinran, ma mwẹ ẹmwẹ ne ima ra tama uwa!” E Jonatan keghi tama igbama ni wẹẹ, “Lele mwẹ, e Nọyaẹnmwa rhie akhọnmiotọ vbe uhunmwu iran ne ivbi Izrẹl nẹ.”