Giọgis 7:14 - Edo Bible (E Baibol Ẹdo) Version 1996

¹⁴ Ọse ẹre keghi wanniẹn wẹẹ, “Umozo e Gidiọn ne ovbi Joas nọ! Ẹ i vbe re emwi ọvbehe rhọkpa! Osanobua rhie akhọnmiotọ ne ẹẹn nẹ vbe uhunmwu e Midian kevbe ivbi iyokuo ima hia!”

Giọgis 7:14 ပူးပေါင်းရင်းမြစ်များ

Job 1:10

U tan obọ gue ẹre, kevbe ẹgbẹe ọre kevbe emwi hia ne ọ mwẹ. U fiangbe emwi hia ne ọ ru. Ẹmila ne u hẹ ne ẹẹn vuọn otọe ẹvbo na hia.

Nọmbas 22:38

E Balam keghi wanniẹn wẹẹ, “I rre, ra I ma rre? Sokpan de ẹtin ne I mwẹ yi? Emwi ne Osanobua tama mwẹ ọkpa ọre I gha sẹtin ta.”

Nọmbas 23:20

Erhunmwu ọre a we mwẹ na Osa gha na erhunmwu nẹ, mẹ i sẹtin kie ẹre werriegbe. Iran wewẹ wẹ irẹn ọre ọba iran.

Nọmbas 23:5

E Nọyaẹnmwa keghi gie Balam werriegbe bu e Balak gha khian ne ọ ya tama rẹn uhunmwu ne irẹn gie.

Jọsua 2:24

Iran tama rẹn wẹẹ, “Aro ima dae wẹ e Nọyaẹnmwa mu ẹvbo nii hia ne ima nẹ. Afianma ima wa fian iran hia ni rre ẹvbo nii.”

Jọsua 2:9

Ọ tama iran wẹẹ, “Mẹ rẹnrẹn wẹ e Nọyaẹnmwa mu otọe na ne uwa nẹ, ne I wa tama uwa nian wẹ ohan uwa wa mu emwa hia ni rre otọe na zẹzẹzẹ.

Jọsua 5:1

Avbe ọba Amọri hia ni rre ọlarrie owẹn Jọdan kevbe avbe ọba Kenan ni lele ọkpẹn Okun Meditẹrrenian hia keghi họn wẹ te Nọyaẹnmwa si amẹ Jọdan ka ne ivbi Izrẹl la gberra. Ohan keghi mu iran, egbe na wọ iran rhunmwuda ivbi Izrẹl.

Giọgis 3:28

Ọ keghi tama iran wẹẹ, “Wa lele mwẹ! E Nọyaẹnmwa rhie akhọnmiotọ ne uwa nẹ vbe uhunmwu ivbi e Moab ne eghian uwa.” Iran keghi lele ẹe tuorre, iran na ya khọn mu ehe ne emwa Moab gha na te fian Jọdan rra. Iran ma gie orhiọnkpa kẹkan fiaẹn rra.

Giọgis 7:13

Ugbẹn vbe Gidiọn ghi sẹ evba, rẹn keghi họn vbe okpia ọkpa ta imina ne ọ minaẹn ma ọse ẹre. Ọ keghi gha kha wẹẹ, “I mina imina ọkpa. Ududu ebrẹd ne a ye irhuarhua ọka le keghi werriẹ fi agọ, ọ keghi degbe owa ukpọn, owa ukpọn nii keghi de guo, ọ na wa gha rre otọ wawawa.”

Giọgis 7:15

E Gidiọn ghi họn imina nii, kevbe emwi ne a ya ẹe kha, ọ keghi diguẹ. Ọ na ga e Nọyaẹnmwa. Ọ keghi werriegbe gha rrie agọ ivbi Izrẹl, ọ na kha wẹẹ, “Wa kpaegbe, e Nọyaẹnmwa ra rhie akhọnmiotọ ne uwa vbe uhunmwu ivbi iyokuo e Midian!”

I Samuẹl 14:12

Ẹre ivbiyokuo e Filistin na datie Jonatan kevbe igbama ni wẹẹ, “Wa gha die edinran, ma mwẹ ẹmwẹ ne ima ra tama uwa!” E Jonatan keghi tama igbama ni wẹẹ, “Lele mwẹ, e Nọyaẹnmwa rhie akhọnmiotọ vbe uhunmwu iran ne ivbi Izrẹl nẹ.”