Giọgis 7:13 - Edo Bible (E Baibol Ẹdo) Version 1996

¹³ Ugbẹn vbe Gidiọn ghi sẹ evba, rẹn keghi họn vbe okpia ọkpa ta imina ne ọ minaẹn ma ọse ẹre. Ọ keghi gha kha wẹẹ, “I mina imina ọkpa. Ududu ebrẹd ne a ye irhuarhua ọka le keghi werriẹ fi agọ, ọ keghi degbe owa ukpọn, owa ukpọn nii keghi de guo, ọ na wa gha rre otọ wawawa.”

Giọgis 7:13 ပူးပေါင်းရင်းမြစ်များ

I Kọrinti 1:27

Sokpan te Osanobua wa yan ru ẹe wẹ, ne irẹn hannọ emwi ne agbọn tie ẹre akpa, ne ọ miẹn ehe na ya ekhue mu avbe umẹwaẹn.

Giọgis 3:15

Ẹghẹ nii ọ re ivbi Izrẹl na datu tie e Nọyaẹnmwa, ọ keghi vbe gie okpia ọkpa ne ọ do miẹn iran fan. Ọmwa nii ọrọre Ehud, ẹkpẹnagobọ ne ovbi Gera vbe ẹwae Bẹnjamin. Ivbi Izrẹl keghi viọ emwi ihaoko ne Ehud viọ gie Ẹgiọn ne ọba Moab.

Giọgis 3:31

Ọkaolotu ne ọ ghi lele kegha re Siamga ne ovbi Anat. Ọ keghi ya uwẹnrhiẹn ne a ya khu ẹsin gbele arriaeha (600) vbe emwa Filistia. Rẹn vbe miẹn Izrẹl fan.

Giọgis 4:21

Egbe wọ e Siseria sẹrriọ wẹ ọ na vbiẹ ua fan an an. Ẹre Jaẹl na rhie umọmọ kevbe ise ne a ya tan owa ukpọn, ọ na hẹko sikẹ ọre, ọ na so ise la ẹre akan ehọ ginna otọe. Rẹn keghi wu.

Giọgis 4:9

Okhuo nii keghi wanniẹn wẹẹ, “Ọ ma, I gha lele uẹ yo. Sokpan a i ghi ra ye akhọnmiotọ ne ọ rrọọ tian ruẹn, rhunmwuda e Nọyaẹnmwa gha rhie Sisera ye okhuo obọ.” Ẹre Dẹbora na kpaegbe, ọ na lele Barak gha rrie Kedẹs.

Giọgis 6:15

E Gidiọn keghi wanniẹn wẹẹ, “Sokpan, e Nọyaẹnmwa, vbe imẹ a gha ya sẹtin miẹn Izrẹl fan hẹ? Ewae mwẹ ọrọre ne ọ ma wegbe sẹ vbe uwu ẹwae Manasẹ, mẹ ọ re ọ vbe re ne ẹ i mwẹ esa ne ọ ye vbe uwu ẹgbẹe mwẹ.”

Giọgis 7:12

Ivbi e Midian, Amẹlẹk kevbe iran ne ẹwae ni rre uwu ato keghi wa gba iya nii zẹ vbe irhiso, iran keghi vbe mwẹ ekẹtẹkẹtẹ ni bun zẹ vbe ekhae ni rre ọkpẹn okun.

Giọgis 7:14

Ọse ẹre keghi wanniẹn wẹẹ, “Umozo e Gidiọn ne ovbi Joas nọ! Ẹ i vbe re emwi ọvbehe rhọkpa! Osanobua rhie akhọnmiotọ ne ẹẹn nẹ vbe uhunmwu e Midian kevbe ivbi iyokuo ima hia!”

Giọgis 8:10

E Zẹba kevbe Zalmuna kegha rre Kakọ, iran kevbe ivbi iyokuo iran. Vbe uwu ivbi iyokuo ẹwae ni ke ato rre, arriaisẹn ekesugie (15,000) ọre ọ ghi ke ẹe, a gbele arriaisẹn iyehan (120,000) vbe uwu iran.