Giọgis 6:4 - Edo Bible (E Baibol Ẹdo) Version 1996

⁴ Iran ghi bu agọ ye otọe nii, iran ghi rhia emwiokọ ni rrọọ hia a rhinrin ya sẹ ọkpẹn e Gaza. Iran i ghi sẹ emwi rhọkpa rae ne ivbi Izrẹl ya gha gaga egbe koko ẹmila ọkpa ra ohuan ọkpa ra ekẹtẹkẹtẹ ọkpa.

Giọgis 6:4 ပူးပေါင်းရင်းမြစ်များ

Gẹnẹsis 10:19

Odẹ Gera ya sẹ Gaza gha rrie odẹ Sọdom, Gomorra, Adma kevbe Zẹboim yasẹ Lasa.

Gẹnẹsis 13:10

Lọt keghi tọn aro mu ọ na miẹn wẹ, iya ọghe ẹzẹ Jọdan hia wa ya sẹ Zoa, amẹ wa rrọọ ẹsẹse zẹ vbe ogba ọghe Nọyaẹnmwa, kevbe sẹ vbe otọe Igipt! (Ẹghẹ na, Nọyaẹnmwa ma he fuẹn otọ Sọdom kevbe Gomorra).

Itan 28:3

Ọmwa ne ọ rre asẹ, ne ọ zẹ ivbiogue kpokpo, te ọ yevbe amẹ ne ẹhoho lele, ne ọ gbele emwiokọ.

Jerimaia 5:17

Iran gha rri emwiokọ kevbe evbare uwa fo. Iran gha gbele ivbi uwa nikpia kevbe nikhuo, iran gha gbele avbe ohuan kevbe ẹwe uwa, iran gha dunmwu ogba azara kevbe erhan ohọ uwa hia a. Ẹvbo ne a gbe odin ga ne uwa mu ẹtin yan, ivbiyokuo iran gha guọghọ ẹe rua.

Levitikọs 26:16

I gha rri uwa oya. I gha si ọkhọ yan uwa uhunmwu, emianmwẹ ni i mwẹ ukhunmwu kevbe emwirraro ne ọ gha rhu uwa aro, kevbe ne ọ gha ya uwa gha rri ororo. Wa gha kọ emwiokọ uwa sokpan ẹ i ra ma ne uwa rhunmwuda eghian uwa gha khọn miẹn uwa otọ, iran ghi rri emwi ne uwa kọ ẹe.

Obedaia 1:5

“Avbe oyi gha rre vbe asọn, emwi ne iran ho ọkpa ọ re iran viọ. Emwa gha kọlọ alimo ayọn, te iran ye sẹ ekherhe rae yọ. Sokpan, te avbe eghian ruẹn ra wa ya ruẹ obọ sin otọ fẹẹrẹ.

Maika 6:15

“Wa gha kọ emwi, sokpan, wa i ra rhọ, wa gha minọ ofigbọn oliv, sokpan, wa i ra lo iran, wa gha ru ayọn, sokpan, wa i ra da ẹe.

Diuteronomi 28:33

Ẹvbo ẹrrẹe ghi viọ emwiokọ uwa ne uwa miẹn ẹsọn nọkhua yi ya kọ, vbene emwirhọkpa ina sẹ uwa obọ gberra ukpokpo ekugbakẹghẹrẹ kevbe obọ ne ọ tọn ne a ya mu uwa.

Diuteronomi 28:51

Iran ghi rri ẹmila kevbe emwiokọ uwa, ovbamẹ ghi gbe uwa la ẹrinmwi. Iran i ra sẹ ikpẹ ọka ọkpa rae ne uwa ra ayọn ra ofigbọn ọliv, ra ẹmila ra ohuan, wa ghi wulo.

Giọgis 6:3

Ẹghẹ kẹghẹ ne ivbi Izrẹl ya kọ emwiokọ, avbe ivbi e Midian deba ivbi Amẹlẹk kevbe emwa ni rre uwu ato ghi do gu iran gha gbinna!