Giọgis 6:34 - Edo Bible (E Baibol Ẹdo) Version 1996

³⁴ Orhiọn e Nọyaẹnmwa keghi hin yan Gidiọn, ọ keghi si orhu ya tie emwa ẹwae Abiẹzẹ wẹ ne iran lele irẹn.

Giọgis 6:34 ပူးပေါင်းရင်းမြစ်များ

I Krọnikol 12:18

Orhiọn Osanobua keghi hin yan ọkpa vbọ, Amasai ne ọ ghi khian ọkaolotu nọkhua ọghe “Iran ne Ọgban” ọ keghi wẹẹ, “E Devid ne ovbi e Jese, otu ruẹ ma ye Ọ dunna ẹn ọ re ọwuẹ kevbe iran ni yuọ obọ Wẹ ọ re Osanobua yaba.” E Devid keghi rhan obọ miẹn iran, ọ na viọ iran ye ukpo vbe ivbiyokuo ẹre.

I Krọnikol 12:19

Ivbiyokuo eso vbe ẹwae Manasẹ keghi ya deba e Devid vbe ẹghẹ ne ọ na lele ivbi e Filistin ladian vbe iran ra ya gu e Sọl gbinna. Vbene ẹmwata, ọ ma ru iyobọ ne ivbi e Filistin rhunmwuda ohan mu avbe ọba iran wẹ ọ gha fi iran ne Sọl ne arowa ẹre nẹdẹ, iran na wẹ ne ọ werriegbe gha rrie Ziklag.

II Krọnikol 24:20

Ẹre orhiọn e Nọyaẹnmwa na hin yan e Zẹkaraia ne ovbi e Jehoiada ne ohẹn, Ọ keghi mudia ye ehe ne emwa ni gha na bẹghe irẹn, ọ na kha wẹẹ, “E Nọyaẹnmwa Osanobua nọ uwa emwi ne ọ si ẹe ne uwa na gha rra iyi irẹn ne uwa ghi ra na ya obọ uwa si ọfuan rriegbe! Wa fi iyeke gbe ẹe nẹ, rhunmwuda ọnii, rẹn vbe fi iyeke gbe uwa.”

Psalm 51:11

Ghẹ kan mwẹ fua hin ehe ne u ye rre ghẹ vbe miẹn mwẹ orhiọn ne ọ huanrẹn ruẹn.

Nọmbas 10:3

A gha kpe okpe eva nii ne ọ tan vbe otọ, emwa nii hia ghi bu ruẹ gha die onurho Owa Ukpọn Ile.

Ebe ne Pọl gbẹẹn gie emwa Rom 13:14

Sokpan wa viọ emwi igbinna ọghe Nọyaẹnmwa Jesu Kristi mwẹ obọ, wa ghẹ gie ẹmwẹ egbe orukhọ uwa mu uwa, vbe ekpa ne uwa na rhie emwi ne ọ ho nẹẹn ne ẹko vuọẹn.

Galatia 3:27

Rhunmwuda, te a sa amẹ ne uwa ye uwu a kugbe be Kristi, rhunmwuda ọnii, te uwa ghi vbe mu akpa emwi ne ọ maa hia ọghe Kristi yọ.

Jọsua 17:2

A keghi vbe gha otọ ne avbe ẹgbẹe Manasẹ nekpa obọ vbe avbe ivbi ẹzẹ, Abiẹzẹ, Helẹk, Asriẹl, Siẹkẹm, Hẹfa kevbe Siẹmida. Ena ọ re ọ gha re ivbi e Manasẹ, ne ovbi e Josẹf. Iran kevbe gha re ekaẹgbẹe.

Giọgis 13:25

Orhiọn ọghe Nọyaẹnmwa kegha tuorre yan rẹn vbe ọ rre agọ ọghe Dan vbe ẹkpo Zora kevbe Estao.

Giọgis 14:19

Ẹre orhiọn e Nọyaẹnmwa na rhie ẹtin ye Samsin iwu, rẹn na gha rhie Askẹlọn. Ọ keghi gbele ikpia ọgban vbe evba, ọ na fu iran emwi viọ, ọ na viọ ukpọn iran ni mose ne emwa ni san ibo ẹre. Rẹn na ghi ya ohu guọn mwẹ egbe gha rrie ba ẹmwẹ emwi ne ọ sunu.

Giọgis 15:14

Ọ ghi sẹ Lẹhi, ivbi e Filistia keghi wa gha vẹ bu ẹre dee, iran kegha go yan rẹn. Orhiọn e Nọyaẹnmwa keghi rhie ẹtin ne ẹẹn, ọ keghi giagia irri ne a ya gbalọ ẹre obọ gbalọ ẹre owẹ kua vbene a gha kha wẹ oru ne erhẹn giẹnrẹn ọ re nọ.

Giọgis 3:10

Orhiọn e Nọyaẹnmwa keghi hin yan ẹnrẹn, ọ keghi gha re ọkaolotu Izrẹl. Otniẹl kegha rrie okuo, e Nọyaẹnmwa keghi gie ẹe khọn ọba Mẹsopotamia miotọ.

Giọgis 3:27

Ọ ghi sẹ evba, ọ keghi kpe okpe vbe uhunmwu oke Ifreim ne ọ ya tie ivbi Izrẹl gha die okuo, ọ na ke uhunmwu oke ke odaro ne iran.

Giọgis 6:11

Ẹre odibo e Nọyaẹnmwa na do tota ye ototọ okan ne ọ rre igue ne a tie ẹre Ọfra ne ọ re ọghe Joas ne ovbi ẹwae Abiẹzẹ. Ovbi ẹre ighẹ Gidiọn kegha hẹko do khuọn ọka vbe okọ ne a na minọ ayọn ne emwa Midian i ghẹ bẹghe ẹre.

Giọgis 8:2

Sokpan rẹn keghi tama iran wẹẹ, “Emwi ne imẹ ru ma zẹdẹ sẹ vbe ne uwa ru hiehiere. Uhin emwi kherhe ne uwa ne ivbi Ifreim ru kpọlọ sẹ emwi hia ne ekhuarha mwẹ he ru ukhukhu uri.

I Samuẹl 10:6

Orhiọn Osanobua gha hin yan ruẹn, u ghi deba iran gha ku, u ghi vbe gha go, u ghi gha ru vbe ọmwa ughaẹn fẹẹrẹ.

I Samuẹl 11:6

E Sọl ghi họn ẹmwẹ na, orhiọn Osanobua na hin yan rẹn, ohu nọkhua keghi mu ẹẹn.

I Samuẹl 13:3

E Jonatan keghi gbe ọkaokuo emwa Filistin ne ọ rre Geba, ivbi e Filistin keghi họn ẹmwẹ na. Ẹre Sọl na gie emwa ne iran ya si orhu la ẹvbo hia wẹ ne ivbi e Hibru mu egbe okuo.

I Samuẹl 16:14

Orhiọn e Nọyaẹnmwa keghi kpao sẹ e Sọl rae, orhiọn dan ne Nọyaẹnmwa gie rre keghi do gha mu ẹẹn rueghe.