Giọgis 6:32 - Edo Bible (E Baibol Ẹdo) Version 1996

³² Ke ẹghẹ nii kpao, a na ghi gha tie Gidiọn Jerubabẹl, rhunmwuda ne Joas na kha wẹẹ, “Gie Bal khọn ekhae ne egbe ẹre rhunmwuda, aka ẹre ọ re a guọghọ ua.”

Giọgis 6:32 ပူးပေါင်းရင်းမြစ်များ

II Samuẹl 11:21

Wa ma ghi yerre vbene iran ya gbe Abimẹlẹk ne ovbi e Gidiọn hẹ. Ẹvbo ne a tie ẹre e Tebẹz ẹre okhuo na mu olọ ke uhunmwu ekẹn gbẹe, ọ na gbe ẹe rua. Vbe uwa ghi na ya sikẹ ekẹn sẹrriọ hẹ? Ọba gha nọ ruẹn vberriọ, u ghi tama rẹn wẹẹ ọmwa ne ọ rre asẹ vbe ototọ ruẹ ighẹ Uraia, iran vbe gbe ẹe rua.’ ”

Jerimaia 11:13

Vbene avbe okpẹvbo ne ivbi e Juda mwẹ bun sẹ, ọ re ẹbọ ne iran mwẹ vbe bun sẹ, iran ni rre Jerusalẹm, vbene idunmwu ne iran mwẹ bun sẹ, ọ re avbe Ogiukpo ne iran na zọ ese ghe ẹbọ osọnnọ nii ighe Baal vbe bun sẹ.

Hozia 9:10

E Nọyaẹnmwa khare wẹẹ, “Ẹghẹ ne I na ka miẹn Izrẹl, ọ keghi ye vbe ne a miẹn erhan azara ne ọ zọ ye uwu ato. Ẹghẹ ne I na ka miẹn avbe erha uwa odede, ọ keghi yevbe ne a miẹn ọmọ ne ọ vbo ro ne erhan azara ka gha mọ vbe ẹghẹ ọre. Sokpan, iran ghi sẹ Oke Peọ, iran na suẹn gha gho e Baal, wanwanna, iran keghi do gha re emwi osọnnọ zẹ vbene ẹbọ ne iran ho ẹmwẹ ọnrẹn ye.

Giọgis 6:31

Sokpan, e Joas wanniẹn iran ni gu ẹe guan wẹẹ, “Wa ọ re ọ guan ne Bal ra? Wa ọ re ọ kha ne unu e Bal ra? Ọmwa ne ọ rhirhi guan ne ẹẹn, a gha gbe ẹe rua ọ te sẹ owiẹ. A deghẹ ẹbọ ọ re Bal gele khin, wa gie ẹe khọn ekhae ne egbe ẹre. Aka ẹre ọ re a dunmwu uan.”

Giọgis 7:1

Ẹdẹ ikẹtin e Gidiọn keghi gua kpao vbe owiẹ vbirrivbirri ke irẹn kevbe emwa rẹn, iran na ya bu agọ ye ọkpẹn Ovbi Ẹzẹ Harọd. Agọ ọghe emwa Midian kegha rre iya vbe odẹ okuọ ọghe iran, vbe ọkpẹn oke Morẹ.

Giọgis 8:35

Iran ma kpọnmwẹ ẹgbẹe Gidiọn ye emwi ni maa ne ọ ru ne Izrẹl.

I Samuẹl 12:11

E Nọyaẹnmwa keghi gie Gidiọn, e Barak, e Jẹfta kevbe imẹ vbe okiekie ehia, iran ni wọlọ uwa hin obọ eghian uwa rre, wa na do gha rrọ vbe a i mwẹ ẹbe.