Giọgis 6:31 - Edo Bible (E Baibol Ẹdo) Version 1996

³¹ Sokpan, e Joas wanniẹn iran ni gu ẹe guan wẹẹ, “Wa ọ re ọ guan ne Bal ra? Wa ọ re ọ kha ne unu e Bal ra? Ọmwa ne ọ rhirhi guan ne ẹẹn, a gha gbe ẹe rua ọ te sẹ owiẹ. A deghẹ ẹbọ ọ re Bal gele khin, wa gie ẹe khọn ekhae ne egbe ẹre. Aka ẹre ọ re a dunmwu uan.”

Giọgis 6:31 ပူးပေါင်းရင်းမြစ်များ

I Ọba 18:27

Ọ ghi sẹ ẹghẹ ogiavan, Elaija keghi suẹn gha ya iran gbe ogie wẹẹ, “Wa kakabọ go ladian vbe erhunmwu ne uwa na. Ẹbọ nọ. U gha ghe te ọ miẹn aro ra te ọ ra ya ghughẹ ra te ọ ra khian ladian. U gha ghe, te ọ vbiẹ ne uwa huẹn ọnrẹn!”

I Ọba 18:29

Iran na gha vannọ, iran na gha go ọ te ya sẹ ẹghẹ ogiavan, sokpan ewanniẹn ma rre, a ma họn urhu rhọkpa.

I Ọba 18:40

Elaija keghi kha wẹẹ, “Wa munọ avbe akhasẹ e Bal, wa ghẹ gie ọkpa lẹfua vbọ!” Iran keghi mu nọ iran hia, Elaija keghi viọ iran gha rrie ovbi Ẹzẹ Kisiọn, ọ na gbele iran an.

Ẹksọdọs 23:2

Ghẹ ye egbe ba emwa ra emwi dan rhunmwuda ighẹ iran bun, a gha gui ẹzọ, ghẹ sẹ osẹe ne ẹi gie a miẹn otọ ẹmwẹ rhunmwuda ne emwa nibun sẹ miẹn ehe na gha ghe ruẹ ẹse.

Aizaia 41:23

Tama ima emwi ne ọ rre ẹdẹ nakhuẹ ma ghi do rẹn ighẹ ẹbọ wa gele khin! Ru emwi esi ọkpa, ra gie ọkhọ sunu gie ima runran ne a gha guọ!

Aizaia 46:1

“Ufomwẹ avbe ẹbọ e Babilọn ọ re ọna khin! A te ka gha gho Bẹl kevbe Nebo yi, banbanna nian, te a ghi kun iran yan ekẹtẹkẹtẹ ihẹ Vbe iyeke aranmwẹ ne egbe wọre.

Aizaia 46:7

Iran ghi tọn ẹẹn mu yan izabọ iran, iran ghi ya ẹe kpao iran ghi mu ẹẹn ye ihe ẹre, ọ ghi gha rre evba, ẹ i sẹtin zẹ owẹ hin ehe ne ọ ye rre. Ọmwa gha na erhunmwu ghe ẹre, ẹ i sẹtin wanniẹn, ra ne ọ miẹn rẹn fan vbe obọ emwi dan.

Jerimaia 10:11

(Ọ kere ne uwa tama iran wẹ avbe ẹbọ ni i re ni yii otọ vbe ukhunmwu, a gha guọghọ iran an. Iran i ghi khian gha rrọ vbe ehe rhọkpa vbe agbọn na.)

Jerimaia 10:5

Te avbe amazẹ vberriọ yevbe emuẹn muẹn ne a mu ye ugbo ogi, iran i sẹtin guan, te a dada iran khian, rhunmwuda, iran i sẹtin khian, wa ghẹ, gie ohan iran mu uwa, iran i mwẹ emwi okpa ne iran gha ru uwa ẹre iran i vbe sẹtin ru emwi okpa ne uwa.”

Nọmbas 14:6

E Jọsua ne ovbi e Nọn kevbe Kelẹb ne ovbi e Jefunẹ na ye akhiẹ sọ ukpọn iran an.

I Kọrinti 8:4

Vbe ekpa ọghe wẹ deghẹ ọ kere ne a gha rri emwi ne a ya ru ẹbọ, ma rẹnrẹn wẹ, emwi ne ẹbọ mudia ye ihe ẹre keghi re emwi ne ẹ i zẹdẹ rrọọ hiehiere. Ma rẹnrẹn wẹ, Osanobua ọkpa kẹkan ọre ọ rrọọ.

Ẹfisọs 5:11

Wa ghẹ gu iran ni ru emwi oya ne a ru vbe uwu ebiebi mu obọ. Sokpan wa gha viọ iran ladian la idagbo. (

Giọgis 6:30

Iran keghi tama Joas wẹẹ, “Rhie ovbi uẹ ladian ne ima gbe ẹe rua. Ọ dunmwu aka e Bal sotọ, ọ na vbe bun ukhurhẹ Asiẹrra ne ọ diake ẹe rua.”

Giọgis 6:32

Ke ẹghẹ nii kpao, a na ghi gha tie Gidiọn Jerubabẹl, rhunmwuda ne Joas na kha wẹẹ, “Gie Bal khọn ekhae ne egbe ẹre rhunmwuda, aka ẹre ọ re a guọghọ ua.”

I Samuẹl 12:11

E Nọyaẹnmwa keghi gie Gidiọn, e Barak, e Jẹfta kevbe imẹ vbe okiekie ehia, iran ni wọlọ uwa hin obọ eghian uwa rre, wa na do gha rrọ vbe a i mwẹ ẹbe.