Giọgis 6:26 - Edo Bible (E Baibol Ẹdo) Version 1996

²⁶ U ghi bọ aka esiesi yan ehe ne a guọghọ ena yi ne Nọyaẹnmwa Osanobua ruẹ. U ghi mu ẹkhuia ne ogieva nii, u ghi giẹn ọnrẹn uan zẹ vbe emwi izọ ese ke ẹe kevbe ọkpọ ne a giagia kua nii.”

Giọgis 6:26 ပူးပေါင်းရင်းမြစ်များ

II Samuẹl 24:18

Vbe ẹdẹ ne ẹdẹrriọ zẹẹ, e Gad keghi bu e Devid gha khian, ọ tama rẹn wẹẹ. “Gha rrie isi okọ Arauna ne u ya gba aka ye evba ne Nọyaẹnmwa.”

II Samuẹl 24:22

Arauna keghi kha wẹẹ, “U gha tọ u kpẹre Umogun, mu gha khian ne u yae zọ ese ne ọ khọn ruẹn ne Nọyaẹnmwa, ghe avbe ẹmila ne a gha giẹn ya zọ ese, ghe urọnghọn ẹmila kevbe uhanhan iguọghọka iran, ne a ya hie erhẹn.”

Ẹksọdọs 34:13

Ye ihe ọnii, u ghi rẹnkhẹn aka iran an, u ghi guọghọ okuta iruemwi iran an, u ghi tọnnọ erhan iruemwi ẹbọ ne okhuo iran ighẹ Asiẹrra kua.

I Kọrinti 14:33

Rhunmwuda, Osanobua ma tie ima ye uwu emwi otighi ne a ru vbe ẹ i re uwu emwi na ru ẹre ọghe ọfumwegbe. Zẹ vbene ọ ye vbe uwu esọsi Osanobua hia.

I Kọrinti 14:40

Wa ghi gha ru emwi hia ururo kevbe uhẹn uhẹn.

Giọgis 6:25

E Nọyaẹnmwa keghi tama e Gidiọn vbe asọn ni wẹẹ, “Mu ẹkhuia ẹmila erha a kevbe ẹkhuia ọvbehe ne ọ he rre ukpo ihinrọn, guọghọ aka ne erha a gbe ne Bal sotọ ne u vbe giagia ọkpọ Asiẹrra ne ẹbọ nokhuo nii diake ẹe kua.

Giọgis 6:27

E Gidiọn keghi viọ igbe vbe uwu avbe eguọmwadia irẹn, ọ na ya ru zẹ vbene e Nọyaẹnmwa tama rẹn. Ohan ẹgbẹe irẹn ke ẹe kevbe emwa ni rre ẹvbo ma gie ẹe ru ẹe vbe avan, ọ keghi ya ru ẹe vbe asọn.

I Samuẹl 6:14

Okotọ nii kegha die ugbo ọghe Jọsua ne ọ rre Bẹt Siemẹs, ọ na mudia vba vbe ọkpẹn okuta nọkhua ọkpa. Emwa nii keghi sọ erhan ọghe okotọ nii, iran na gbele avbe ẹmila nii, iran keghi giẹn ọnrẹn ruan zẹ vbe emwi izọ ese ghe e Nọyaẹnmwa.