Giọgis 6:23 - Edo Bible (E Baibol Ẹdo) Version 1996

²³ Sokpan, e Nọyaẹnmwa tama rẹn wẹẹ, “Ghẹ gie ohan mu ẹẹn, ne ọ maa nọ. U i ra wu.”

Giọgis 6:23 ပူးပေါင်းရင်းမြစ်များ

Gẹnẹsis 32:30

E Jekọb keghi kha wẹẹ, “I miẹn Osanobua vbe ghe aro mwẹ ghe aro ruẹ, I keghi ye rre agbọn.” Ẹre ọ na ghi gha tie eni evba nii Peniẹl.

Gẹnẹsis 32:31

Ovẹn keghi yan rre vba e Jekọb vbe ọ wa kpao vbe Peniẹl rre, ọ na ghi gha sukpẹ owẹ rhunmwuda ẹkun ẹnrẹn.

Gẹnẹsis 43:23

Ọguọmwadia nii keghi khama iran wẹẹ, “Ghẹ zẹ yọ, ghẹ gie ohan muẹn, Osanobua uwa, Osanobua erha uwa ọre ọ viọ igho ni ye uwa ẹkpo. Igho ne uwa ka hae sọmwẹ obọ.” Ọ na ya rhie Simiọn gie iran.

Psalm 85:8

I gha danmwehọ ẹmwẹ ne Nọyaẹnmwa ne Osanobua guan ọ ve ima ne emwa rẹn ọfumwegbe, a deghẹ ma ma dọlegbe gha rriẹ odẹ ukọnmwẹ ima.

Daniẹl 10:19

Rẹn keghi tama mwẹ wẹẹ, “Osanobua ho ẹmwẹ ruẹn rhunmwuda ọnii, ghẹ gie emwi rhọkpa fian an afianma ra ne ọ muẹn orhiọn rueghe.” Ọ ghi ta ẹmwẹ na nẹ, orhiọn keghi dọlegbe la mwẹ iwu, I keghi kha wẹẹ. “Enọwanrẹn, ta ẹmwẹ ne u mwẹ ne u gha tama mwẹ ma mwẹ. U rhie orhiọn yọmwẹ iwu nẹ.”

Iyẹn ne ọ Maan Ọghe Jọn 14:27

“Ọfumwegbe ọre I ya we uwa, ọfumwegbe mwẹ ọre I ya we uwa, ẹ i re. Vbene agbọn ya we ọmwa ọre I ya we uwa. Wa ghẹ fian afianma, wa ghẹ gie ohan mu uwa.

Iyẹn ne ọ Maan Ọghe Jọn 20:19

Vbe Ẹdẹ Uzọla nii, vbe ebiebi ghi so buan nẹ vbe ota, avbe erhuanegbe khui urho ke egbe yi ye ihọkpa rhunmwuda ohan avbe Ju mu iran. Jesu rre, ọ keghi gu iran mudia, ọ wẹẹ, “Ọfumwegbe gu uwa rrọọ.”

Iyẹn ne ọ Maan Ọghe Jọn 20:26

Uzọla ọkpa ghi gberra nẹ, avbe erhuanegbe vbe si egbe koko ye uwowa ọkpa, Tọmọs keghi gu iran rre evba. Te a khui urho, sokpan Jesu la owa, ọ keghi gu iran mudia, ọ wẹẹ, “Ọfumwegbe gu uwa rrọọ.”

Ebe ne Pọl gbẹẹn gie emwa Rom 1:7

Rhunmwuda ọnii, ọre I na gbẹn ebe gie uwa hia ni rre Rom ne Osanobua ho ẹmwẹ ọnrẹn, ọ na tie uwa ne uwa do gha re emwa irẹn. Te Osanobua ne Erha mwa kevbe Nọyaẹnmwa Jesu Kristi gha rhie ẹsọhẹ kevbe ọfumwegbe ne uwa.

Giọgis 19:20

Ediọnmwa nii keghi kha wẹẹ, “I gha miẹn uwa yi vbe owa mwẹ. I gha gbe aro ghe uwa, lahọ wa ghẹ vbiẹ adesẹ ughe.”

Giọgis 6:22

Ẹre Gidiọn na do rẹn wẹẹ odibo e Nọyaẹnmwa ọ re irẹn miẹn, ọ keghi ya ohan datu wẹẹ, “E Nọyaẹnmwa ne Udazi, mẹ miẹn odibo ruẹ vbe ghe aro mwẹ ghe aro uẹ!”

Giọgis 6:24

E Gidiọn keghi bọ aka ọkpa ne Nọyaẹnmwa vbe evba, ọ na gha tie ẹre, “E Nọyaẹnmwa ọrọre Ọfumwegbe.” (Te ọ ye rre Ọfra ne ọ re otọ ẹwae Abiẹzẹ.)