Giọgis 6:2 - Edo Bible (E Baibol Ẹdo) Version 1996

² Emwa Midian keghi wegbe sẹ ivbi Izrẹl, ẹre avbe Izrẹl na lẹ la uhunmwu oke ya gha lẹre ye uvun okuta kevbe ehe ne ọ ghi sẹtin degue iran.

Giọgis 6:2 ပူးပေါင်းရင်းမြစ်များ

Job 30:6

Iran na ya gha di uvun okuta ya, avbe uvun ne a tọnnọ ye ototọ oke.

Jerimaia 41:9

Uhae ne Ismaẹl filo ikun emwa ne ọ gbele kui keghi gha re nọkhua ne Asa ne ọba fiaẹn vbe Baasia ne ọba Izrẹl gu ẹe khọn. Ismaẹl keghi ya ikun iran ran uhae nii.

Jerimaia 48:28

“Wa ne emwa ni rre Moab, wa kpao vbe ore ẹvbo uwa rre. Wa ya gha rre ukpe uhunmwu oke okuta! Wa ye egbe uwa do gha yevbe idu ne ọ bọ oko ye ẹzẹ ne ọ la uguowẹ okuta.

Levitikọs 26:17

I gha werriẹ aro da uwa, vbe ne a gha na miẹn wẹ a khọn miẹn uwa otọ, iran ni khuiwu uwa ghi gha khaemwisẹ yan uwa, wa gha runran sẹrriọ wẹ wa ghi gha lẹ vbene ọmwarhọkpa ma na khu uwa.

Hibru 11:38

Agbọn na ma maa sẹ ne iran. Iran kegha kun yo kun rre vbe uwu ato kevbe uhunmwu oke, zẹ vbe emwa ne ẹ i mwẹ owa, iran kegha di uwu uvun okuta kevbe uvun otọ ya.

Arhie Maan 6:15

Ẹkpo nii ọre iran ne avbe ọba agbọn, iran ni khaemwisẹ kevbe iran nekhua vbe ivbiyokuo, iran ne ekhaẹmwẹ, iran ni fe, kevbe emwa ọvbehe hia kevbe avbe eviẹn, kevbe iran ni yan egbe iran, iran hia kegha lẹ lao uwu uvun okuta ya gha lẹ re, kevbe ototọ avbe okuta nekhua.

Giọgis 10:8

Vbe ukpo, eva irrọ vbugie, iran keghi siẹn yan ivbi Izrẹl ginna otọ, iran na gha zẹ iran kpokpo ighẹ ivbi Izrẹl ni rre Amọri, odẹ ahọ ọghe Ẹzẹ Jọdan vbe Giliad.

Giọgis 10:9

Ivbi Amọn kevbe fian Jọdan rra ne iran ya gu ẹwae ivbi e Juda, Bẹnjamin kevbe Ifreim gbinna. Agbọn keghi wa gha lọghọ Izrẹl ẹsẹse.

Giọgis 6:3

Ẹghẹ kẹghẹ ne ivbi Izrẹl ya kọ emwiokọ, avbe ivbi e Midian deba ivbi Amẹlẹk kevbe emwa ni rre uwu ato ghi do gu iran gha gbinna!

I Samuẹl 13:6

Iran keghi gu ivbi Izrẹl gbinna ọghe ọhanabe, ẹ i ghi ye iran ẹse hiehie. Eso na lẹre ye uwu uvun okuta kevbe uvun otọ vbe uwu avbe okuta, deba uwu uye kevbe uhae.

I Samuẹl 14:11

Ẹre iran na gie ivbi e Filistin deghẹ iran, ivbi e Filistin keghi kha wẹẹ, “Ghe vbe ivbi e Hibru eso ke uwu uvun ne iran te lẹre yi ladian.”