Giọgis 5:9 - Edo Bible (E Baibol Ẹdo) Version 1996

⁹ Ekhọe mwẹ rrọ deba iran ni kha yan okuo Izrẹl deba iran ni tobọ iran gha khian wa rho e Nọyaẹnmwa!

Giọgis 5:9 ပူးပေါင်းရင်းမြစ်များ

I Krọnikol 29:9

Emwa nii keghi ya ekhọe obọ iran viọ emwi gie Nọyaẹnmwa, iran keghi ghọghọ wẹ emwi ne a viọ rre bun sẹ vberriọ. Ẹko keghi kakabọ rhiẹnrhiẹn e Devid ne ọba tobọ ẹre.

II Krọnikol 17:16

Ne ukpogieha kegha re Amasia ne ovbi e Zikri, rẹn kevbe gha mwẹ ivbiyokuo arriaisẹn uri (200,000). (Te Amasia wa yegbe fiohan wẹ rẹn gha ga e Nọyaẹnmwa.)

II Krọnikol 31:8

Ugbẹn vbe Hẹzekaia ne ọba kevbe ekhaẹmwẹ ọnrẹn ghi miẹn emwi ne iran viọ rre iran keghi rho Nọyaẹnmwa, iran keghi vbe tian ivbi Izrẹl.

Nehimaia 11:2

Emwa ni keghi tian avbe emwa ọvbehe ni tobọ iran kha wẹ iran gha yin adesẹ ore Jerusalẹm.

Psalm 103:2

Rho e Nọyaẹnmwa wẹ ekhọe mwẹ, ghẹ vbe mianmian vbene ọ mwẹ itohan hẹ.

Psalm 110:3

Ẹdẹ ne u gha gu avbe eghian ruẹn gbinna, emwa ruẹn gha tobọ iran la igbinna, zẹ vbe evbu owiẹ vbirrivbirri avbe igbama ruẹn gha bu ruẹ gha die uhunmwu oke ne ọ huanrẹn ni.

II Kọrinti 8:12

Rhunmwuda, deghẹ obọ ẹse na ru tọlọ uwa, emwi ne uwa mwẹ ne uwa gha ru ẹse, ọre Osanobua ra ghe ya rhan obọ miẹn ẹse ne uwa ru, ighẹ ẹ i re emwi ne uwa i mẹ.

II Kọrinti 8:17

Ẹ i re wẹ, ọ wa khuẹnniẹn ye emwi ne ima nọ ẹre re ọkpa, ọ keghi wa bọbọ ẹre egbe sẹrriọ ne ọ ru iyobọ wẹ, ọ keghi ye ekhọe obọ ẹre bu uwa gha dee.

II Kọrinti 9:5

Ọna ọre ọ ya mwẹ roro ẹe wẹ, emwi ne ọ kere nọ ne I wẹ ne avbe etẹn mwa na ke aro ne ima ne iran vbe mwamwa avbe emwi ne uwa wẹ wa ra ya ru ẹse ye otọ. Mẹ ghẹ ghi rre, I ghi do vba ighẹ emwi hia gba nẹ, ọnii ghi rhie maa wẹ, te uwa ru emwa ẹse rhunmwuda ighẹ uwa ho ighẹ ẹ i re ọghe rhurhugban.

Giọgis 5:2

“Wa rho e Nọyaẹnmwa! Ivbi Izrẹl keghi wa yan yọ ne iran gbinna; emwa nii hia keghi ye oghọghọ rhie egbe yọ.