Giọgis 5:6 - Edo Bible (E Baibol Ẹdo) Version 1996

⁶ “Vbe ẹghẹ Siamga ne ovbi Anat, vbe ẹghẹ Jaẹl. Ekhẹn ni hin ẹsin ma ghi gha la ẹvbo nii gberra odẹ abọtọ ọre ekhẹn ghi gha la,

Giọgis 5:6 ပူးပေါင်းရင်းမြစ်များ

II Krọnikol 15:5

Vbe ẹghẹ nii, ọmwa ne ọ sẹtin rre ne ọ vbe gha rrie vbe egbe hẹnnẹdẹn i rrọọ rhunmwuda, ọlọghọmwa kevbe otighi kegha rre otọe hia.

Psalm 125:5

Sokpan, u gha rria iran ne emwa dan ikhi u ghi vbe rria iran ni yangbe odẹ ruẹ ikhi. Ọfumwegbe gu Izrẹl rrọọ!

Aizaia 33:8

Ẹbe wa rre odẹ ne a la sẹrriọ wẹ ai ghi miẹn ne ohan gie ẹe lae. Ẹmwẹ ne a gba ta khian ne a mu rhie, avbe rhie obọ gberra ile ne a ta ma egbe. Ọmwa okpa ne a ya ọghọ na i ghi rrọọ.

Jerimaia 6:25

Ohan i ghi gie ima khian ladian hin adesẹ ore ẹvbo rre, ra ne a khian lele ukpo, rhunmwuda, te avbe eghian mwa viọ emwi igbinna mwẹ, ohan rre ehe hia lẹga mwa.”

Eve Orriara 1:4

A i ghi miẹn ne ọ rre do gha ga vbe Ọgua Osa nian vbe ẹdẹ iruẹmwi. Emọ ikhuo ni so ihuan vbe evba, oya iran ghi re akọn ọ re avbe ohẹn ghi re. Onurho ẹvbo dihoi rua, uwu orriara ọ re Zaiọn ghi ye.

Eve Orriara 4:18

Eghian mwa kegha baba mwẹ; ohan ma ghi gie ima khian ladian ore. Ẹghẹ mwa gberra nẹ, ufomwẹ rre nẹ.

Levitikọs 26:22

I ghi gie aranmwẹ oha dan la uwu uwa, iran ghi gha gbele avbe ivbi uwa, iran gha fuẹn avbe ẹmila uwa a, wa ne ọ gha sẹ rae ghi gha re ibozẹghẹ sẹrriọ wẹ a i ghi ra gha miẹn emwa vbe urodẹ rua.

Maika 3:12

Rhunmwuda ọnii nian, a gha rhunmwuda uwa ya e Zaiọn khian otọe ne a ya mu ugbo. E Jerusalẹm gha khian utete itowa, oke ne a bọ Ọgua Osa yi gha khian ẹgbo.

Giọgis 3:31

Ọkaolotu ne ọ ghi lele kegha re Siamga ne ovbi Anat. Ọ keghi ya uwẹnrhiẹn ne a ya khu ẹsin gbele arriaeha (600) vbe emwa Filistia. Rẹn vbe miẹn Izrẹl fan.

Giọgis 5:7

emwa lẹ hin ore Izrẹl rre, e Dẹbora; ehia keghi divbiẹ vbe u te rre u rre zẹ vbe iye ne ivbi Izrẹl.