Giọgis 5:31 - Edo Bible (E Baibol Ẹdo) Version 1996

³¹ “Erriọ e Nọyaẹnmwa, te eghian ruẹn hia gha wulo, sokpan ne avbe ọse ruẹ gha wan uwanmwẹ vbe owẹn owiẹ!” Ẹre ọfumwegbe na vbe do gha rrọọ la ukpo iyeva.

Giọgis 5:31 ပူးပေါင်းရင်းမြစ်များ

II Samuẹl 18:31

Ẹre ovbi Sudan ne ọviẹn nii na rre, ọ keghi tama ọba wẹẹ, “Iyẹn oghọghọ ọ re I rhie rre Umogun. Ẹdẹnẹrẹ na, e Nọyaẹnmwa gie obọ ruẹ ke okhunmwu ne iran ni sọtẹ ghe ruẹ!”

II Samuẹl 18:32

Ọba keghi kha wẹẹ, “Adeghẹ ọ ye ọvbokhan nii ighẹ Absalọm ẹse.” Ọviẹn nii keghi wanniẹn wẹẹ, “Emwi ne ọ rruan rẹn ọ re ọ gha rruan avbe eghian ruẹn hia kevbe iran ni sọtẹ ghe ruẹ.”

II Samuẹl 23:4

te ọ yevbe ovẹn ne ọ yunmwu vbe ẹdẹ ne amẹ ma bi ovẹn ne ọ ye ebe fi wainwain vbe amẹ a rhọ nẹ.”

Psalm 19:6

Ọ ghi suẹn vbe obọkpa vbe iso ọ ghi wa fiaẹn rra gha rriẹ obọ nọkpa. Emwi ọkpa i rrọ ne ọ sẹtin, rhie egbe lẹre ne owowo ẹre.

Psalm 20:8

Emwa vberriọ gha rrua owẹ, iran ghi dele, sokpan ma gha kpaegbe, ma ghi mudia kpasi.

Psalm 37:6

Ọ gha vbe ya ẹmwata ruẹ wan uwanmwẹ zẹvbe owẹn oghọghọ.

Psalm 89:36

Te a gha miẹn ivbi uniẹn ọnrẹn ẹdẹdẹmwẹdẹ. Mẹ gha vbe gha wan lẹga arriọba ẹre la ẹghẹ ne ovẹn gha vbe yunmwu la.

Psalm 89:37

Ọ gha mudia gbain zẹ vbe uki ne osẹe ẹmwata ne ọ rre iso nii.”

Psalm 91:14

Osanobua khare wẹẹ, “I gha miẹn iran ni ho ẹmwẹ mwẹ fan, I gha vbe degue iran ni rẹn mwẹ ye Nọyaẹnmwa.

Psalm 92:10

U ya mwẹ wegbe zẹ vbe ede, u ya oghọghọ we mwẹ nẹ.

Psalm 92:9

Ma rẹnrẹn wẹ, avbe eghian ruẹn gha wulo, kevbe wẹ obọ gha vba avbe emwa dan hia fẹẹrẹ

Psalm 97:10

E Nọyaẹnmwa ho ẹmwẹ iran ni khuiwu ọkhọ; ọ tan obọ gue ẹdagbọn emwa rẹn, ọ wọlọ iran hin obọ ẹtin ọmwa dan rre.

Psalm 97:8

Ẹko sẹ ivbi e Zaiọn ọyẹnmwẹ, avbe ore nekhua ni rre Juda ghọghọe, ye ibuohiẹn ruẹn Nọyaẹnmwa.

Ẹksọdọs 20:6

Sokpan iran nii ho ẹmwẹ mwẹ nii vbe rhie uhi mwẹ mwẹ, aro nọmaa mwẹ gha rre iran egbe ya sẹ orre arriaisẹn arriaisẹn.

Itan 4:18

Odẹ ne ọmwa esi la khian, te ọ yevbe ovẹn nẹ o da yan rre, uwanmwẹ ọnrẹn ghi gha mu otọe yọ rhinrin ọ te do sẹ ẹghẹ ogiavan.

Daniẹl 12:3

Iran ne ọkaolotu ni wan ni rrọọ ghi gha fi wainwain zẹ vbe iso. Avbe emwa ni vbe ma emwa re ne iran gha ru emwi ne ọ gbae, gha fi wainwain zẹ vbe avbe orhọnmwẹ ni rre iso.”

Hozia 6:3

Wa gie ima ziga ne a rẹn e Nọyaẹnmwa. Vbe ne a i na gbe awẹawẹ, ọ gha bu ima rre zẹ vbe ne ẹ i mwẹ ẹdẹ ma gbe, zẹ vbene ẹ i mwẹ amẹ orhọ ma rhọ ye otọ.”

Matiu 13:43

Sokpan ivbi Osanobua ghi gha fi wain wain vbe ughegbe vbe Arriọba Erha iran. Ne ọ mwẹ ehọ nian, gie ẹe họn.

Ebe ne Pọl gbẹẹn gie emwa Rom 8:28

Ma rẹnrẹn wẹ vbe uwu emwi hia, te Osanobua yaba emwa ni ho ẹmwẹ ọnrẹn ru emwi ne ọ ma an, avbe emwa ne irẹn tie re zẹ vbene ọ mwamwa ẹn.

I Kọrinti 8:3

Sokpan ọmwa ne ọ ho ẹmwẹ Osanobua, Osanobua rẹn ọnrẹn.

Ẹfisọs 6:24

Te ẹsọhẹ Osanobua gha gu emwa hia ni mwẹ aho ẹmwẹ ọmwa ne ẹ i worua ghe Nọyaẹnmwa Jesu Kristi gha rrọọ.

Diuteronomi 6:5

Ye ekhọe ruẹ hia ho ẹmwẹ Nọyaẹnmwa Osanobua ruẹ, kevbe orhiọn ruẹn hia kevbe ẹtin ruẹn hia.

Diuteronomi 7:9

Wa yerre wẹ e Nọyaẹnmwa Osanobua uwa ọkpa ọrọre Osanobua, ọ vbe gia mu ẹtin yan. Ọ gha mu ile ọghe ọe sẹ, ọ ghi vba gha rhie ahoẹmwọmwa ne ẹ i fafaa ọghe ọe ma orre arriaisẹn vbe uwu iran ni ho ẹmwẹ ọnrẹn, iran na vbe gha ye uhi ẹre ru emwi.

Jems 1:12

Afiangbe nọ ne ọmwa ne ọ ziẹn egbe vbe a gha danmwẹ ọẹn ghe, rhunmwuda a deghẹ ọ ma rrie edanmwẹ, ọ gha miẹn arrọọ rhie zẹ vbe ne Osanobua ve iran ni ho ẹmwẹ ọnrẹn re.

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.

I Pita 1:8

Egbe ne uwa ma rhe ya miẹn ọre aro, wa ye ho ẹmwẹ ọnrẹn, egbe ne uwa ma he rhie ye miẹn ọẹn nian, wa ye ya ẹe yi, wa keghi ya ọyẹnmwẹ nọkhua, ọ ghe uyi ne ẹ i gia gie, sẹ ọyẹnmwẹ.

Arhie Maan 1:16

Ọ keghi viọ orhọnmwẹ ihinrọn mwẹ obọ erha ọmwa ẹnrẹn, umozo ne ọ mwẹ unu eva ne ọ wa mu, kegha ke uwu unu ẹnrẹn ladian. Ugbaro ẹre ye ghanghanghan zẹ vbe ne owẹn ye vbe ogiavan.

Arhie Maan 18:20

Wa ne ẹrinmwi, wa gha ghọghọ ye ne okhuo na na fuan! Wa ne emwa Osanobua, wa gha ghọghọ, kevbe avbe ukọ kevbe avbe akhasẹ. Rhunmwuda emwi ne okhuo na ru uwa ẹre, ẹre Osanobua rria ẹre ikhi yi na.

Arhie Maan 6:10

Iran keghi ye urhu ne ọ la datu wẹẹ: “Oghodua Nọyaẹnmwa, ne ọ huanrẹn kevbe ọmwa ẹmwata. Vbe ọ gha kpẹe sẹ hẹ yi u ke ya bu ohiẹn emwa ni rre agbọn, ne u vbe rri iran oya ye ne iran na gbele ima uan?”

Giọgis 3:11

Ọfumwegbe kegha rre otọe ni la ukpo iyeva, ẹre Otniẹl ne ovbi Keniz ghi na wu.

Giọgis 3:30

Ivbi Izrẹl keghi khọnmiotọ vbe uhunmwu e Moab ẹdẹ nẹdẹrriọ. Ọfumwegbe kegha rre otọe nii la ukpo iyenẹ.