Giọgis 5:23 - Edo Bible (E Baibol Ẹdo) Version 1996

²³ Erriọ odibo e Nọyaẹnmwa khare, “Wa fi e Mẹrẹz unu. ihẹn, ihẹn vbe uhunmwu iran ni rre evba. Iran ma ye Nọyaẹnmwa obọ, iran ma rre vbe ivbi iyokuo gbinna ne ẹẹn.

Giọgis 5:23 ပူးပေါင်းရင်းမြစ်များ

Nehimaia 3:5

Emwa ni rre Tẹkoa ọ re ọ bọ ako ne ọ diake ẹe sokpan, iran ni hiunsi vbe ẹvbo ni ma winna iwinna ne a ye ẹtin ru ne avbe ekaolotu mu ne iran.

Psalm 94:16

De ọmwa ne ọ gu emwa dan gbinna mẹ yi? Gha ọ mu ẹzọ mwẹ gu emwa ọkhọ gui?

Jerimaia 48:10

(Ihẹn nọ ne ọmwa ne ọ ma ye ekhọekekhọe winna iwinna e Nọyaẹnmwa! Ihẹn nọ ne ọmwa ne ọ ma fian ke ne ọ vbe gbua.)

Matiu 25:41

“Rẹn ghi tama iran ni rre ọre obọ iye ọmwa wẹẹ, ‘Wa kpao vbe ehe ne I ye rre, wa ne Osanobua fi ẹre unu, wa gha rrie uwu erhẹn etẹbitẹ ne a kpehe ẹre ye otọ khẹ Esu kevbe avbe odibo ẹre.

Ebe ne Pọl gbẹẹn gie emwa Rom 15:18

I gha si agbada vbe unu guan kan ẹmwẹ emwi ọkpa kẹkan, ọnii ọrọre emwi ne Kristi ru, ne ọ na ya mwẹ viọ iran ne ẹ i re Ju do gha họn ẹmwẹ ne Osanobua, la ekpa ẹmwẹ ne a guan kevbe emwi na ru.

I Kọrinti 16:22

Ọmwaikọmwa ne ọ ma ho ẹmwẹ Nọyaẹnmwa, gha dee! Maranatha — Nọyaẹnmwa, rre!

I Kọrinti 3:9

Rhunmwuda otu ne ima gba winna ne Osanobua ma khin. Wa ọrọre ugbo Osanobua. Owa ne Osanobua bọ ẹe ọre uwa khin.

II Kọrinti 6:1

Vbe uwu iwinna ne ima vbe Osanobua gba winna, ma rinmwian uwa khekherriọ, wa miẹn ẹsọhẹ Osanobua rhie nẹ, wa ghẹ i gi ẹe gha re ne a mu rhia.

Giọgis 13:3

Odibo e Nọyaẹnmwa keghi rhie egbe ma rẹn, ọ wẹẹ, “U ma he biẹ ẹdẹ sokpan, u gha hanmwa nian, u ghi vbe biẹ ọmọ okpia.

Giọgis 2:1

Odibo e Nọyaẹnmwa keghi ke Gilgal kpao gha rrie Bokim, ọ Keghi tama ivbi Izrẹl wẹẹ “I viọ uwa ke Igipt ladian, I keghi viọ uwa gha die otọ ne I ve avbe erha uwa odede re. I keghi kha wẹẹ, ‘Mẹ I ra rra ile ne I gu uwa ta.

Giọgis 21:5

Iran keghi nọ wẹẹ, “Vbe uwu ẹwae Izrẹl hia, de ne ọ ma rre do si koko ye odaro e Nọyaẹnmwa vbọ vbe Mizpa?” Iran vbe vẹn ihẹn nẹ wẹ ọmwa ne ọ ma rre do si koko ye odaro e Nọyaẹnmwa vbe Mizpa, te a gha gbe ẹe rua.

Giọgis 21:8

Ẹre iran na nọ wẹẹ, “De ne ọ ma rri ehe ne Nọyaẹnmwa ye vbe Mizpa vbe uwu ẹwae ivbi Izrẹl?” Iran keghi do gualọ ẹe miẹn wẹ ọmwa rhọkpa ma ke Jabẹs ne Giliad rre do gu emwa si koko vbe agọ nii.

Giọgis 4:6

Ẹdẹ ikẹtin ghi rre okhuo nii keghi gie ne a tie Barak ne ovbi Abinoam ne ọ vbe re ovbi ẹvbo ne a tie ẹre Kedẹs vbe Naftali, ọ Keghi tama rẹn wẹẹ, “E Nọyaẹnmwa ne Osanobua Izrẹl ọ re ọ gie uhunmwu na guẹ: ‘Gha khian ne u ya viọ emwa ruẹn gha rrie uhunmwu oke Tabọ viọ arhin arriaisẹn igbe vbe ẹwae Naftali vbe Zebulọn.

Giọgis 5:13

Iran ne ekhọe esi vbọ keghi bu ọkaolotu iran rre emwa e Nọyaẹnmwa ba ẹre, iran mu egbe igbinna

Giọgis 6:11

Ẹre odibo e Nọyaẹnmwa na do tota ye ototọ okan ne ọ rre igue ne a tie ẹre Ọfra ne ọ re ọghe Joas ne ovbi ẹwae Abiẹzẹ. Ovbi ẹre ighẹ Gidiọn kegha hẹko do khuọn ọka vbe okọ ne a na minọ ayọn ne emwa Midian i ghẹ bẹghe ẹre.

Giọgis 8:5

Ọ ghi sẹ Sukọt, rẹn keghi tama ivbi e Sukọt, wẹẹ, “Wa lahọ, wa viọ ebrẹd eso ne emwa mwẹ rhunmwuda egbe wọ iran nẹ, te I khu e Zẹba kevbe Zalmuna ne avbe ọba Midian khian.”

Giọgis 8:6

Sokpan avbe ekaolotu emwa Sukọt keghi kha wẹẹ, “Vbọzẹ ne ima gha na rhie evbare ne ivbi iyokuo ruẹ yi? Obọ ruẹ ma he vba Zẹba kevbe Zalmuna.”

Giọgis 8:8

E Gidiọn keghi sikẹ odaro gha rrie Pẹnuẹl, ọ na vbe ya nọ iran nii emwi ọkpa nii, sokpan vbene emwa Sukọt tama rẹn ọ re emwa Pẹnuẹl vbe tama rẹn.

I Samuẹl 17:47

Emwa ni rre emwa hia ghi rẹn wẹ, ọ gha miẹn emwa rẹn fan, ẹ i vbe miẹn umozo kevbe asoro nẹ ọ ke ru ẹe. Rẹn ọ re ọ khọn miotọ vbe okuo, te ọ ra viọ uwa hia ye ẹtin ima obọ.”

I Samuẹl 18:17

Ẹre Sọl na tama e Devid wẹẹ, “Ghe Mẹrab ne ovbi mwẹ nokhuo ne ọdiọn, u gha ga mwẹ zẹ vbe ovbiyokuo ne ọ din kevbe ne a gba ẹko ẹre, u na vbe gha khọn avbe okuo e Nọyaẹnmwa, I gha rhie ẹre nuẹn rhie rọnmwẹ.” (E Sọl keghi te gha ro wẹ erriọ ọ re obọ ivbi e Filistin gha na vba e Devid ya gbe ua, ne irẹn ghẹ tobọ irẹn ru ẹe.)

I Samuẹl 25:28

Lahọ u ghi ya bọ mwẹ, adazẹ, ighẹ a baku ru mwẹ hia, e Nọyaẹnmwa gha ya uwẹ rriọba kevbe avbe ivbi uẹ ba ẹre. Rhunmwuda, okuo ẹre ọ re u khọn, u i ra vbe ru emwi ne ọ ma gba vbe ẹdẹ agbọn ruẹn hia.

I Samuẹl 26:19

U ghi danmwehọ mwẹ, Umogun. A deghẹ e Nọyaẹnmwa ọ re ọ werriẹ ruẹ aro da mwẹ, a gha zọ ese imuohan gie ẹe, ọ gha fi ekhọe werriẹ, sokpan, a deghẹ emwa ne agbọn ọ re ọ ru ẹe, e Nọyaẹnmwa ọ re ọ gha fi iran unu. Rhunmwuda, iran khu mwẹ hin otọe e Nọyaẹnmwa rre. Iran wẹ ne I ya gha ga ẹbọ ẹrrẹe, kevbe ne I vbe gbe ihoi vbe otọe ne Nọyaẹnmwa mu ne emwa rẹn.