Giọgis 5:21 - Edo Bible (E Baibol Ẹdo) Version 1996

²¹ Orogho Kisiọn kpolo iran gha rrie. E Kisiọn ne ẹzẹ ogbigbi I gha gbe ukpukpẹ, I gha ye ẹtin gbe ukpukpẹ!

Giọgis 5:21 ပူးပေါင်းရင်းမြစ်များ

Gẹnẹsis 49:18

I diakhẹ ẹghẹ imiẹnfan ruẹn Osanobua.

I Ọba 18:40

Elaija keghi kha wẹẹ, “Wa munọ avbe akhasẹ e Bal, wa ghẹ gie ọkpa lẹfua vbọ!” Iran keghi mu nọ iran hia, Elaija keghi viọ iran gha rrie ovbi Ẹzẹ Kisiọn, ọ na gbele iran an.

Psalm 44:5

Ẹtin ruẹn ọ re ima ya khọn eghian mwa muotọ.

Ẹksọdọs 15:2

E Nọyaẹnmwa ya mwẹ khian nọ vbe egbe kevbe nọ mwẹ ẹtin rẹn ọre ọ miẹn mwẹ fan. Osanobua mwẹ nọ, I gha rho ẹre, Osanobua avbe erha mwẹ, I gha so ihuan ukpọlọmwẹ ọnrẹn.

Aizaia 25:10

E Nọyaẹnmwa gha degue Oke Zaiọn sokpan, a gha ya owẹ rrilo ivbi e Moab ginna otọ zẹ vbene a ya owẹ rri irunmwu ye uwu ekẹn nekhui ne a ya kọ emwiokọ.

Maika 7:10

Ẹghẹ nii, avbe eghian mwa gha miẹn ọẹn, efaa ghi rruan avbe eghian nii ni ye ima gbe ogie wẹẹ, “E Nọyaẹnmwa ne Osanobua uwa vboo?” Aro mwa gha sẹ ọe vbe a gha khọn miẹn iran otọ, a gha ya owẹ rrilo iran mu otọ zẹ vbe ọrho vbe adesẹ ore.

Giọgis 4:13

Rẹn keghi tie ikẹkẹ okuo ematọn iyisẹn yan arriaenẹ (900) ọghe ọe kevbe emwa rẹn hia ladian, ọ na wẹ ne iran ke Harosiẹt ọghe iran ne ẹ i re Ju gha rrie Ẹzẹ Kisiọn.

Giọgis 4:7

I gha si e Siseria ne ọkaokuo ne ọ gbearoghe ivbi iyokuo Jabin gha dee ne ọ do gu uẹ gbinna vbe Ẹzẹ Kisiọn. Ọ gha viọ ikẹkẹ okuo ẹre kevbe ivbi iyokuo mwẹ obọ, sokpan, I gha ru ẹe ne obọ ruẹ ke odukhunmwu ne ẹẹn.’ ”