Giọgis 5:1 - Edo Bible (E Baibol Ẹdo) Version 1996

¹ Ẹdẹ nẹdẹrriọ, e Dẹbora kevbe Barak ne ovbi Abinoam keghi so ihuan na:

Giọgis 5:1 ပူးပေါင်းရင်းမြစ်များ

II Samuẹl 22:1

Ọnọna ọrọre ihuan ne Devid so ghe e Nọyaẹnmwa, vbe Nọyaẹnmwa miẹn rẹn fan vbe obọ e Sọl kevbe eghian rẹn nekpa:

II Krọnikol 20:21

Ọ ghi gu avbe emwa nii zẹ iro nẹ, ọba keghi khama avbe ikpemaba wẹ ne iran viọ ẹwu ne iran ya do ugie yọ, ne iran khian ke odaro ne avbe ivbiyokuo, ne iran gha so ihuan na wẹẹ, “Wa rho e Nọyaẹnmwa. Etẹbitẹ ọre Itohan rẹn khin.”

II Krọnikol 20:27

E Jehosiafat keghi ke odaro viọ ivbiyokuo ẹre zẹ okpowẹ gha rrie Jerusalẹm, rhunmwuda, e Nọyaẹnmwa khọn mu eghian iran otọ.

Job 36:24

Urhomwẹ ọ re a rhie ne ẹẹn ẹdẹdẹmwẹdẹ ye emwi ne ọ ru, ọ kere ne uwẹ vbe rho ẹre.

Job 38:7

Ẹdẹ ne ẹdẹrriọ ghi gbe avbe orhọnmwẹ keghi koko so ihuan. Ighele ẹrinmwi hia keghi we ne oghọghọ.

Psalm 18:1

A miẹn vbene I ho ẹmwẹ ruẹn hẹ Nọyaẹnmwa, wẹ ọrọre ọmwa ne ọ gbinna mẹ.

Psalm 32:7

Wẹ ọrọre ehe ne I lẹre yi, u gha fan mwẹ vbe obọ ọlọghọmwa I mu ẹmwẹ imiẹnfan ruẹn go rhunmwuda, wẹ ọ re ọ degue mwẹ.

Ẹksọdọs 15:1

Ẹre Mosis kevbe ivbi Izrẹl na zẹ ihuan so ghe Nọyaẹnmwa wẹẹ, “I gha so ihuan ne Nọyaẹnmwa rhunmwuda ọ miẹn akhọnmiotọ ne ọ mwẹ uyi, ọ filo avbe ẹsin kevbe iran nii hin ẹnrẹn ku uwu okun.

Ẹksọdọs 15:21

E Miriam keghi so ihuan ne iran wẹẹ, “Wa so ihuan ghe Nọyaẹnmwa, ọ miẹn akhọnmiotọ ọghe uyi, ọ filo avbe ẹsin kevbe emwa nii hin iran ku uwu okun.”

Aizaia 25:1

E Nọyaẹnmwa, wẹ ọrọre Osanobua mwẹ I gha ya ọghọ ne uẹn, I gha rho eni ruẹn, u ru avbe emwi ọyunnuan nẹ a vbe emwamwa ne u ru ẹghẹ ni u wa hẹko mu ehia sẹ nẹ.

Aizaia 26:1

Ẹdẹ dee ne emwa gha so ihuan na vbe otọ e Juda: Ẹvbo mwa wegbe. Osanobua tobọ ẹre ọre ọ wan ga ekẹn ọnrẹn.

Nọmbas 21:17

Ẹghẹ nii ivbi Izrẹl na so ihuan na: “Uhae, rhie amẹ ruẹn ladian; ma gha so ihuan gbe ọbokhian nẹ ẹn.

Iyẹn ne ọ Maan Ọghe Luk 1:46

Meri keghi kha wẹẹ: “Ekhọe mwẹ rho Nọyaẹnmwa vbe uyi,

Giọgis 4:24

Ivbi Izrẹl keghi tua obọ vbe egbe Jabin ọ sẹre ọ sẹre, rhinrin iran te do fuẹn ọnrẹn uan.

Giọgis 4:4

E Dẹbora ne amwẹ Lapidot kegha re akhasẹ. Rẹn ọ gha bu ohiẹn ne ivbi Izrẹl vbe ẹghẹ nii.

I Samuẹl 2:1

E Hanna keghi na erhunmwu wẹẹ: “E Nọyaẹnmwa ya oghọghọ vuọn ekhọe mwẹ nẹ, ọyẹnmwẹ sẹ mwẹ ye emwi ne ọ ru! I giẹ iran ne eghian mwẹ nian, ọyẹnmwẹ sẹ mwẹ rhunmwuda, Osanobua yọmwẹ obọ nẹ.