Giọgis 4:7 - Edo Bible (E Baibol Ẹdo) Version 1996

⁷ I gha si e Siseria ne ọkaokuo ne ọ gbearoghe ivbi iyokuo Jabin gha dee ne ọ do gu uẹ gbinna vbe Ẹzẹ Kisiọn. Ọ gha viọ ikẹkẹ okuo ẹre kevbe ivbi iyokuo mwẹ obọ, sokpan, I gha ru ẹe ne obọ ruẹ ke odukhunmwu ne ẹẹn.’ ”

Giọgis 4:7 ပူးပေါင်းရင်းမြစ်များ

I Ọba 18:40

Elaija keghi kha wẹẹ, “Wa munọ avbe akhasẹ e Bal, wa ghẹ gie ọkpa lẹfua vbọ!” Iran keghi mu nọ iran hia, Elaija keghi viọ iran gha rrie ovbi Ẹzẹ Kisiọn, ọ na gbele iran an.

Ẹksọdọs 14:17

I gha ya ivbi Igipt ze vbe udu sẹrriọ wẹ iran ghi vbe lele iran larọ, vbene I gha ya khọn iran muotọ ighẹ ọba Igipt, ivbi iyokuo ẹre hia, ikẹkẹ okuo ẹre kevbe iran nii gua ẹe nẹẹn, ọ na gha rhie usi gunmwẹ.

Ẹksọdọs 14:4

Mẹ gha gie ọba Igipt yin ehọ, ọ ghi zẹ iran khu, vbe ne obọ mwẹ nọ gha ke ukhunmwu ne ọba Igipt kevbe ivbi iyokuo ẹre, gha na rhie uyi gunmwe. Ivbi Igipt gha rẹn wẹ mẹ ọrọre Nọyaẹnmwa.” Ivbi Izrẹl keghi ru vbene a khama iran.

Ẹksọdọs 14:8

E Nọyaẹnmwa keghi ya ọba Igipt ze vbe udu, ọ na zẹ ivbi Izrẹl khu, emwa nii kpao vbe uwu akhọnmiotọ.

Ẹksọdọs 21:13

Sokpan, a deghẹ emwi udomwurri nọ ighẹ ọ ma te wẹ ne irẹn gbe ẹe rua, ọ sẹtin lẹ gha rrie eke ne I gha tama uwa. Ẹ i ghi rre ẹbe vbe odọ nii.

Jọsua 10:8

E Nọyaẹnmwa ke tama e Jọsua wẹẹ, “Ghẹ gie ohan iran muẹn. I rhie akhọnmiotọ nuẹn nẹ. Ọkpa vbe uwu iran ne ọ gha sẹtin gbe uwa odẹ, ẹ i rrọọ.”

Jọsua 11:20

E Nọyaẹnmwa keghi gie iran wa kha wẹ te iran gha gu ivbi Izrẹl gbinna, ne a miẹn ehe na tie iran emwa ne a gha fuan fẹẹrẹ, ne a vbe gbele iran an vbe ne a i na mwẹ itohan. Emwi ne Nọyaẹnmwa tama Mosis ọre onii khin.

Jọsua 11:6

E Nọyaẹnmwa keghi tama e Jọsua wẹẹ, “Ghẹ gie ohan iran mu uẹn, vbe ọ te sẹ ẹghẹ na akhuẹ, I gha gbele iran hia fo ne ivbi Izrẹl. Wa ghi kun avbe ẹsin iran use, wa ghi giẹn ikẹkẹ okuo iran an.”

Jọsua 8:7

Ẹghẹ nii, wa ghi ladian vbe ehe ne uwa lẹre yi, ne uwa khọn ẹvbo nii muotọ. E Nọyaẹnmwa Osanobua rua gha rhie ẹre ne uwa.

Giọgis 4:14

Ẹre Dẹbora na tama e Barak wẹẹ, “Khianmwu, ẹdẹ ne Nọyaẹnmwa gha gie obọ ruẹ ke ukhunmwu ne Siseria ọ re ọna khin. E Nọyaẹnmwa ọ re ọ ke odaro nuẹn.” Ẹre Barak na tuorre vbe oke Tabọ, irẹn kevbe arhin arriaisẹn igbe (10,000) ni gu ẹe.

Giọgis 4:8

E Barak keghi tama Dẹbora, “A deghẹ u gha lele mwẹ yo I gha yo sokpan a deghẹ u ma lele mwẹ yọ, me i vbe rae khekherriọ.”

Giọgis 5:21

Orogho Kisiọn kpolo iran gha rrie. E Kisiọn ne ẹzẹ ogbigbi I gha gbe ukpukpẹ, I gha ye ẹtin gbe ukpukpẹ!

I Samuẹl 24:10

Wẹ gha tobọ miẹn nian wẹ te Nọyaẹnmwa wa rhie ruẹ yọmwẹ obọ ẹrẹna vbe uwu uvun okuta nii. Emwa mwẹ eso te wẹ ne I gbe uẹ ua sokpan ohan ruẹn keghi to mwẹ, I na wẹ I i ya obọ kan ruẹn hiehiere rhunmwuda, wẹ ọ re ọmwa ne Nọyaẹnmwa zẹe ne ọ gha re ọba.

I Samuẹl 24:18

U rhie ma mwẹ ẹdẹ nẹrẹ na vbene ekhọe ruẹ ma ghe mwẹ hẹ, rhunmwuda u ma gbe mwẹ uan vbe Nọyaẹnmwa rhie mwẹ ye uẹ obọ.