Giọgis 4:4 - Edo Bible (E Baibol Ẹdo) Version 1996

⁴ E Dẹbora ne amwẹ Lapidot kegha re akhasẹ. Rẹn ọ gha bu ohiẹn ne ivbi Izrẹl vbe ẹghẹ nii.

Giọgis 4:4 ပူးပေါင်းရင်းမြစ်များ

II Ọba 22:14

Ẹre Hilkaia, Ahikam, Akbọ, Siafan kevbe Asaia na ya gualọ otọ ẹmwẹ na vbe obọ okhuo ọkpa ne a tie ẹre Hulda, akhasẹ nọ, ọ kegha rre vbe a la Jerusalẹm fo. (Ọdafẹn ọnrẹn ighẹ Sialọm ne ovbi e Tikva kevbe eyẹ Hahas, ọ re ọ gha gbearoghe ehe ne a viọ ukpọn ne a ya mu egbe vbe Ọgua Osa yi.) Iran keghi na iyẹn emwi ne ọ sunu ma rẹn.

Nehimaia 6:14

I keghi na erhunmwu wẹẹ, “Osanobua, ghe emwi ne Tobaia kevbe Sanbọlat ru, ne u rri iran oya. Vbe ye okhuo ni rre ighẹ Nodaia kevbe avbe akhasẹ nekpa, emwa ni te gha ho ne iran ha mwẹ.”

Ẹksọdọs 15:20

E Miriam ne akhasẹ ne okhuo, ọtẹn Errọn ne okhuo keghi rhie ukusẹ, avbe ikhuo na vẹ lele ẹe gha kpe isẹ khian, iran kevbe gha kuu.

Ezikiẹl 13:17

E Nọyaẹnmwa keghi kha wẹẹ, “Banbanna nian, ovbi ọmwa, ghe avbe ikhuo ni rre uwu emwa ruẹn, iran ni zẹ ẹmwẹ ne a ta yotọ ta. Ta ku iran.

Maika 6:4

I viọ uwa ke Igipt ladian, I fannọ uwa hin ọviẹn rre. I gie Mosis, Errọn kevbe Miriam, ne iran su uwa gha khian.

Iyẹn ne ọ Maan Ọghe Luk 2:36

Akhasẹ nokhuo ọkpa keghi vbe rrọọ, Anna ne ovbi e Fanuẹl ne uniẹn Asia. Edede ghi nọ, ọ keghi ye ukpo ihinrọn vbe owa ọdọ.

Iwinna 21:9

Rẹn keghi mwẹ ivbi ẹre ne uvbi enẹ ni kpe orhu ẹmwẹ Osanobua.

I Kọrinti 11:5

Erriọ vbe nọ, okhuo ne ọ na erhunmwu ra te ọ kpe orhu Osanobua vbe uwu ẹbu ugamwẹ, vbe ne ọ ma na rhie emwi gue uhunmwu ẹnrẹn, te ọ fa ọdọ ẹre ua, alughaẹn izẹdẹ rrọọ ne irẹn kevbe okhuo ne a khiokhio ẹre eto.

Galatia 3:28

Rhunmwuda ọnii, alughaẹn ne egbe i rrọọ vbe ẹkpo avbe Ju kevbe avbe iran ne ẹ i re Ju, eviẹn kevbe ne ẹ i re eviẹn, ikpia ra ikhuo, ọkpa wa hia khin vbe uwu a ya egbe ba Kristi Jesu.

Giọgis 4:3

E Jabin kegha mwẹ ikẹkẹ okuo ema tọn iyisẹn yan uri enẹ (900) Ọ keghi ye ekhọe dan gha khaemwisẹ yan ivbi izrẹl, vbe uyinmwẹ ne ọ wegbe kevbe ọkhọ, la ukpo ugie. Ẹre ivbi Izrẹl na datie Nọyaẹnmwa ne ọ do yi iran obọ.

Giọgis 4:5

Udin ọkpa rre ẹkpo e Rama kevbe Bẹtẹl vbe ẹvbo oke Ifreim. Evba ọ re ọ gha tota yi, ivbi Izrẹl ghi vbe gha bu ẹre rrie evba ne iran do gha họn vbene ọ kha hẹ.

Giọgis 5:1

Ẹdẹ nẹdẹrriọ, e Dẹbora kevbe Barak ne ovbi Abinoam keghi so ihuan na: