Giọgis 4:2 - Edo Bible (E Baibol Ẹdo) Version 1996

² Ẹre Nọyaẹnmwa na gie Jabin ọba ọkpa ọghe Kenan ne ọ gha rriọba vbe Hazọ khọn miẹn iran otọ. Ọmwa ne ọ gha re ọkaokuo ẹre kegha re Siseria ne ọ gha rre Harosiẹt ọghe iran ne ẹ i re Ju.

Giọgis 4:2 ပူးပေါင်းရင်းမြစ်များ

Psalm 83:9

Ru iran zẹ vbene u ru ivbi e Midian, kevbe Siseria kevbe Jabin vbe Ẹzẹ Kisọn.

Aizaia 50:1

E Nọyaẹnmwa khare wẹẹ, “Te uwa ro ra ighẹ te imẹ khulo emwa mwẹ kua zẹ vbene okpia khu amwẹ ọnrẹn fua ra? Ebe aheyotọ ne a ghi gbẹn ne ẹẹn vbo khekherriọ? Te uwa ro ighẹ te I khiẹnnẹ wa gha rrie iwe ra zẹ vbe ọmwa ne ọ khiẹnnẹ ivbi ẹre eviẹn? Ẹn o, iran viọ uwa oghunmwu gha rrie rhunmwuda orukhọ uwa. Te a khulo uwa ladian rhunmwuda emwi dan ne uwa ru.

Matiu 18:25

Ọ ma miẹn igho ya ha osa rhunmwuda ọnii, arowa ẹre na wẹ ne a khiẹn ọẹn khiẹn amwẹ ọnrẹn kevbe ivbi ẹre kevbe emwi hia ne ọ mwẹ ya ha osa ni.

Jọsua 11:1

Otiti akhọnmiotọ ọghe ivbi Izrẹl keghi sẹ ehe ne Jabin ne ọba Hazọ ye. Ọ na gie uhunmwu gie Jobab ọba Maadọn kevbe gie Simrọn kevbe Aksiaf.

Jọsua 19:36

Adama, Rama, Hazọ.

Giọgis 10:7

Ẹre ohu ivbi Izrẹl na mu e Nọyaẹnmwa, ọ na gie ivbi e Filistia kevbe Amọn khọn miẹn iran otọ.

Giọgis 4:13

Rẹn keghi tie ikẹkẹ okuo ematọn iyisẹn yan arriaenẹ (900) ọghe ọe kevbe emwa rẹn hia ladian, ọ na wẹ ne iran ke Harosiẹt ọghe iran ne ẹ i re Ju gha rrie Ẹzẹ Kisiọn.

Giọgis 4:16

E Barak keghi khu avbe ikẹkẹ okuo nii kevbe ivbiyokuo gha rrie Harosiẹt ọghe iran ne ẹ i re Ju. Iran keghi gbele ivbiyokuo e Siseria hia fo fẹẹrẹ; ọkpa ma vbe kẹe vbọ.

I Samuẹl 12:9

Sokpan, iran keghi mianmian e Nọyaẹnmwa ne Osanobua iran, rẹn keghi gie Siseria ne ọkaokuo ivbi iyokuo ẹvbo ne a tie ẹre Hazọ, ivbi e Filistin kevbe ọba Moab gu iran gbinna kevbe ne ọ khọn iran muotọ.