Giọgis 4:16 - Edo Bible (E Baibol Ẹdo) Version 1996

¹⁶ E Barak keghi khu avbe ikẹkẹ okuo nii kevbe ivbiyokuo gha rrie Harosiẹt ọghe iran ne ẹ i re Ju. Iran keghi gbele ivbiyokuo e Siseria hia fo fẹẹrẹ; ọkpa ma vbe kẹe vbọ.

Giọgis 4:16 ပူးပေါင်းရင်းမြစ်များ

Psalm 104:35

Te a gha guọghọ avbe emwa orukhọ hin agbọn rre, ai ghẹ dọlegbe miẹn emwa dan ọvbehe. rho e Nọyaẹnmwa wẹ ekhọe mwẹ! Rho e Nọyaẹnmwa!

Psalm 83:10

U khọn iran muotọ vbe Ẹndọ, ikun iran keghi kẹkẹ ye otọ.

Psalm 83:9

Ru iran zẹ vbene u ru ivbi e Midian, kevbe Siseria kevbe Jabin vbe Ẹzẹ Kisọn.

Ẹksọdọs 14:28

Amẹ keghi lẹ werriegbe rre, ọ na ro gue avbe ikẹkẹ okuo, iran nii gua ẹe kevbe ivbiyokuo Igipt hia nii lele ivbi Izrẹl la uwu okun, ọkpa ne ọ miẹn uhunmwu i rrọọ.

Aizaia 43:17

Ọ viọ iyokuo ọrhẹnrhẹn la uwu ọfuan ivbiyokuo ikẹkẹ ematọn kevbe ẹsin. Iran dele gbotọ iran i ghi kpaegbe ẹdẹ, a ya ẹhoho dọ ẹre yọ vbene a dọ urhukpa yọ.

Ebe ne Pọl gbẹẹn gie emwa Rom 2:12

Iran ne ẹ i re Ju i mwẹ Uhi e Mosis, iran gha ru orukhọ, iran ghi vbe fuẹn uan vbe ne Uhi nii i na rrọọ. Avbe Ju mwẹ Uhi, iran gha ru orukhọ, a ghi vbe lele Uhi ni bu ohiẹn iran.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.

Jọsua 10:10

E Nọyaẹnmwa keghi fian afianma ne ọ ya emwa zurọ fi ivbi Amọri egbe vbe iran wa bẹghe ivbiyokuo ọghe Izrẹl. Ivbi Izrẹl keghi lọ iran an vbe Gibiọn, iran na khulo iran ghe ototọ oke ya la Bẹt-horọn, iran keghi gbinna ghe odẹ ekẹn ya sẹ Azẹka kevbe Makẹda.

Jọsua 11:8

E Nọyaẹnmwa keghi rhie akhọnmiotọ vbe uhunmwu iran, ne ivbi Izrẹl. Ivbi Izrẹl keghi dekun iran, iran na khulo iran ghe odẹ okuọ ya sẹ Saidọn nọkhua kevbe Misrefọt Maim, kevbe e Saidọn odẹ ahọ ya sẹ Mispa. Iran keghi wa gha khian a te do miẹn wẹ, a ma ghi miẹn ọkpa ne ọ ghi de kẹe vbe uwu iran ne eghian.

Giọgis 4:17

E Siseria keghi lẹ gha rrie owa ukpọn ọghe Jaẹl ne amwẹ Hebẹ ne ovbi Ken rhunmwuda e Jabin ne ọba Hazọ kevbe ẹgbẹe Hebẹ, wa ma ẹko egbe ẹghẹ na.

Giọgis 4:2

Ẹre Nọyaẹnmwa na gie Jabin ọba ọkpa ọghe Kenan ne ọ gha rriọba vbe Hazọ khọn miẹn iran otọ. Ọmwa ne ọ gha re ọkaokuo ẹre kegha re Siseria ne ọ gha rre Harosiẹt ọghe iran ne ẹ i re Ju.