Giọgis 4:15 - Edo Bible (E Baibol Ẹdo) Version 1996

¹⁵ E Barak ghi wa ladian ke irẹn kevbe ivbi iyokuo ẹre, e Nọyaẹnmwa keghi fian otighi fi e Siseria ke ẹe kevbe ikẹkẹ okuo ẹre kevbe emwa rẹn egbe, E Siseria keghi tuorre vbe ikẹkẹ okuo ẹre, ọ na ye owẹ lẹ fua.

Giọgis 4:15 ပူးပေါင်းရင်းမြစ်များ

II Ọba 7:6

E Nọyaẹnmwa keghi gie ivbi e Siria họn emwi ne ọ yevbe ne ivbi iyokuo ni bun khọn dee ke iran kevbe ikẹkẹ okuo kevbe ẹsin, ivbi e Siria keghi te gha ro ighẹ ivbi Izrẹl ya vbu ivbi e Hiti kevbe avbe ọba Igipt kevbe ivbi iyokuo iran ba egbe gha dee do gu iran gbinna.

Diuteronomi 7:23

E Nọyaẹnmwa gha viọ eghian uwa yan ẹtin uwa obọ, ọ ghi zẹ afianma ye iran egbe rhinrin wa te do fuẹn iran uan.

Hibru 11:32

Ne I ye gha kọ ẹre khian ra? Ẹghẹ i ghi sẹ mwẹ ya kpa itan ọghe Gidiọn, Barak, Samsin, Jẹfta, Devid, Samuẹl kevbe avbe akhasẹ.

Jọsua 10:10

E Nọyaẹnmwa keghi fian afianma ne ọ ya emwa zurọ fi ivbi Amọri egbe vbe iran wa bẹghe ivbiyokuo ọghe Izrẹl. Ivbi Izrẹl keghi lọ iran an vbe Gibiọn, iran na khulo iran ghe ototọ oke ya la Bẹt-horọn, iran keghi gbinna ghe odẹ ekẹn ya sẹ Azẹka kevbe Makẹda.

I Samuẹl 7:10

Ẹghẹ ne Samuẹl na wa gha zọ ese nii, ivbi e Filistin keghi rhulẹ ghe odaro ne iran gu iran gbinna sokpan, vbe ẹghẹ nii zẹẹ, e Nọyaẹnmwa keghi gie avan nukhunmwu van ke ẹrinmwi rre yan iran. Ezurọ keghi la iran hia egbe iran na lẹkua.