Giọgis 4:14 - Edo Bible (E Baibol Ẹdo) Version 1996

¹⁴ Ẹre Dẹbora na tama e Barak wẹẹ, “Khianmwu, ẹdẹ ne Nọyaẹnmwa gha gie obọ ruẹ ke ukhunmwu ne Siseria ọ re ọna khin. E Nọyaẹnmwa ọ re ọ ke odaro nuẹn.” Ẹre Barak na tuorre vbe oke Tabọ, irẹn kevbe arhin arriaisẹn igbe (10,000) ni gu ẹe.

Giọgis 4:14 ပူးပေါင်းရင်းမြစ်များ

Gẹnẹsis 19:14

E Lọt keghi bu emwa ne avbe ivbi ẹre nikhuo ra te rọnmwẹ, ọ tama iran wẹẹ, “Wa zẹgiẹ ladian vbe emwana, e Nọyaẹnmwa ra do fuẹn emwa na an.” Sokpan iran keghi ro ighẹ ọdẹn ọre ọ gbe.

Gẹnẹsis 44:4

Ugbẹn vbe iran ma ghi he khian rrei gbe vbe ore ẹvbo, e Josẹf ke tama ọguọmwadia ne ọ gbearoghe owa ẹre wẹẹ, “Mu egbe ne u khu avbe emwa na. U gha vba iran, u ghi nọ iran wẹẹ, ‘Vbọzẹ ne uwa na ya ọkhọ san ẹse yi?

II Samuẹl 5:24

Ugha họn igiawẹ vbe uhunmwu avbe erhan nii, u ghi mu egbe ne u ya suẹn igbinna rhunmwuda, ọnii rhie maa wẹ, mẹ ke odaro ne uẹn nẹ, I ya khọn ivbiyokuo e Filistin hia.”

Aizaia 52:12

Ẹghẹ na, wa i ghi ra khirhi kpao, wa i ghi ra gha hia ne uwa lẹ fua. E Nọyaẹnmwa ne Osanobua uwa gha kodaro ne uwa ọ ghi vbe degue uwa vbe igienenẹ.

Maika 2:13

Osanobua gha kie urho ne iran, ọ ghi viọ iran ke iwe ladian. Iran sanmwẹ la onurho ẹvbo nii, iran ghi khian Nọyan egbe iran. Ọba iran, e Nọyaẹnmwa tobọ ẹre, gha su iran ladian.

Diuteronomi 9:3

Banbanna nian, wa tobọ uwa gha miẹn ọẹn wẹ te Nọyaẹnmwa khian ke odaro ne uwa zẹ vbe erhẹn ne ọ to. Ọ gha khọn miẹn iran otọ zẹ vbene uwa ya nana ghe odaro, vbene uwa gha na sẹtin khulo iran ladian ne uwa vbe zẹgiẹgiẹ fuẹn iran uan, zẹ vbene irẹn yanrẹn.

Jọsua 10:8

E Nọyaẹnmwa ke tama e Jọsua wẹẹ, “Ghẹ gie ohan iran muẹn. I rhie akhọnmiotọ nuẹn nẹ. Ọkpa vbe uwu iran ne ọ gha sẹtin gbe uwa odẹ, ẹ i rrọọ.”

Jọsua 7:13

Kpaegbe! Ya khuẹ awua hin egbe avbe emwa nii rre ne u wẹ ne iran mu egbe ne iran bu mwẹ gha dee. Tama iran ne iran mu egbe ne iran bu mwẹ gha dee ẹdẹ nakhuẹ, rhunmwuda mẹ ne Osanobua Izrẹl mwẹ emwi ne I ra ta wẹẹ: ‘Izrẹl, emwi eso ne I wẹ ne uwa fuẹn uan guẹ. Wa i ra sẹtin mudia vbe odaro avbe eghian uwa vbe ẹi re te uwa viọ avbe emwi na hin ehe ne uwa ye rre nẹ.’

Giọgis 19:28

Okpia nii keghi kha wẹẹ, “Kpaegbe ne u gie ima gha khian.” Sokpan, ọ ma rhie ewanniẹn yọ. Rhunmwuda ọnii, ọ keghi mu ikun ẹnrẹn gba yan ekẹtẹkẹtẹ, ọ na suẹn okhian.

Giọgis 4:10

E Barak keghi tie ẹwae Zẹbulọn kevbe Naftali gha die Kedẹs, arhin arriaisẹn igbe keghi lele ẹe, Dẹbora keghi lele ẹe gha khian.

Giọgis 7:9

Vbe asọn nii, e Nọyaẹnmwa keghi tama Gidiọn wẹẹ, “Kpaegbe ne u dekun agọ nii; I ra rhie ẹre ye uẹ obọ ne u khọn miẹn ọre otọ.

I Samuẹl 9:26

rẹn keghi vbiẹ evba. Ẹdẹ ghi gbe, e Samuẹl keghi tie Sọl vbe egedege wẹẹ, “Kpaegbe ne I do zẹ uwa urrie.” E Sọl keghi kpaegbe, rẹn vbe Samuẹl kegha khian la adesẹ ore.