Giọgis 4:12 - Edo Bible (E Baibol Ẹdo) Version 1996

¹² A keghi ya tama Siseria wẹ Barak ne ovbi Abinoam kpao gha rrie Oke Tabọ.

Giọgis 4:12 ပူးပေါင်းရင်းမြစ်များ

Psalm 89:12

Wẹ ọ re ọ yi odẹ okuọ kevbe ekẹn Oke Tabọ kevbe Oke Hẹmọn iran hia ya oghọghọ so ihuan ghe ruẹ.

Psalm 89:13

A miẹn vbene u mwẹ ẹtin hẹ! A miẹn vbene ẹtin ruẹn kpọlọ hẹ!

Jerimaia 46:18

Mẹ ne Nọyaẹnmwa ne Oghodua ọrọre ọba. Mẹ ọrọre Osanobua ne ọ rrọọ, zẹ vbene oke Tabọ ghe avbe oke hia ginna otọ, vbene Oke Kamẹl yo gberra uhunmwu okun, erriọ ọ re ẹtin ẹnrẹn khian gha ye ighe ọmwa ne ọ do gu uwa gbinna.

Hozia 5:1

“Wa danmwehọ wa ne avbe ohẹn, wa gbe ehọ kotọ wa ne ivbi Izrẹl, wa danmwehọ wa ni re ẹgbẹe ọba! Te a te wẹ ne uwa gha bu ohiẹn ẹmwata rhunmwuda ọnii, obọ ibuohiẹn gha vba uwa! Wa khian ifi ye Mizpa, kevbe ọga ne a rhuẹre ye Oke Tabọ,

Jọsua 19:12

Ọ kevbe ya sẹ ọkpẹn Kislotabọ vbe odẹ ahọ vbe obọ nọkpa ọghe Sarid. Ọ kevbe la ghe Debe-rat ya sẹ Jafia.

Jọsua 19:22

Uwu ẹre kevbe ya sẹ Tabọ, Siahazuma kevbe Bẹt Siemẹs, ọ kevbe ya fo vbe Jọdan. Ọ kegha re okpẹvbo enẹ irrọvbugie kevbe ẹvbo ni lẹga iran.

Jọsua 19:34

Uwu nii keghi vbe la ghe odẹ orrie ya sẹ Aznot Tabọ, ọ keghi ke evba kpao gha rrie Hukok, ọ kevbe sẹ Zẹbulọn vbe odẹ ekẹn, Asia vbe odẹ orrie kevbe Juda vbe odẹ ahọ, vbe Jọdan.

Giọgis 4:11

Banbanna nian, e Hebẹ ne ọmwa Ken keghi tan owa ukpọn rẹn sikẹ Kedẹs ye ọkpẹn okan ne ọ rre Zananim. Ọ si kpao hin ehe ne emwa Ken nekpa ye ighẹ ivbi Hobab ne erha amwẹ Mosis.

Giọgis 4:13

Rẹn keghi tie ikẹkẹ okuo ematọn iyisẹn yan arriaenẹ (900) ọghe ọe kevbe emwa rẹn hia ladian, ọ na wẹ ne iran ke Harosiẹt ọghe iran ne ẹ i re Ju gha rrie Ẹzẹ Kisiọn.

Giọgis 4:6

Ẹdẹ ikẹtin ghi rre okhuo nii keghi gie ne a tie Barak ne ovbi Abinoam ne ọ vbe re ovbi ẹvbo ne a tie ẹre Kedẹs vbe Naftali, ọ Keghi tama rẹn wẹẹ, “E Nọyaẹnmwa ne Osanobua Izrẹl ọ re ọ gie uhunmwu na guẹ: ‘Gha khian ne u ya viọ emwa ruẹn gha rrie uhunmwu oke Tabọ viọ arhin arriaisẹn igbe vbe ẹwae Naftali vbe Zebulọn.

Giọgis 8:18

Ẹre Gidiọn na nọ e Zẹba kevbe Zalmuna wẹẹ, “Emwa ne uwa gbele de emwi ne iran khọe?” Iran wanniẹn wẹẹ, “Wẹ ọre iran khọe, dọmwadẹ ọghọe vbe uwu iran wa ye vbe ovbi ọba.”