Giọgis 3:9 - Edo Bible (E Baibol Ẹdo) Version 1996

⁹ Ẹghẹ nii ọ re ivbi Izrẹl na datu tie Nọyaẹnmwa, rẹn keghi gie okpia ọkpa gie iran ne ọ miẹn iran fan. Ọna kegha re Otniẹl ne ovbi Kenan ne ọtẹn Kelẹb ne kherhe.

Giọgis 3:9 ပူးပေါင်းရင်းမြစ်များ

Nehimaia 9:27

Wẹ keghi gie eghian khọn iran, Ne iran vbe gha kha yan iran Iran na gha kha yan iran. Ọlọghọmwa ghi rre, iran keghi da tie ruẹ ne iyobọ U keghi wanniẹn iran ẹmwẹ ke ẹrinmwi rre. Vbe itohan ruẹn nọkhua, u gie olotu bu iran yo Iran keghi wọlọ iran hin obọ eghian rre.

Psalm 22:5

Iran tu tie ruẹ, iran keghi lẹ ẹbe fe. Iran mu ẹtin yan ruẹn, wẹ ma vbe hiẹ iran.

Psalm 78:34

Ọ gha gbele eso vbe uwu iran, nekpa ghi zẹgiẹgiẹ lẹ bu ẹre rre, iran ghi ro iro fi uyinmwẹ werriẹ, iran ghi gha na erhunmwu akekhọerre ghe ẹre.

Jọsua 15:17

Otniẹl ne ọtẹn Kelẹb ne ovbe re ovbi e Keniz keghi khọn ẹvbo nii. E Kelẹb keghi rhie Aksa ne ovbi ẹre ne okhuo ne ẹẹn rhie rọnmwẹ.

Giọgis 1:13

Otniẹl ne ovbi Keniz ne ọtẹn Kelẹb ne okpia ne kherhe keghi khọn ẹvbo nii. Ẹre Kelẹb na rhie Aksa ne ovbi ẹre ne okhuo ne ẹẹn ne ọ rhie rọnmwẹ.

Giọgis 10:10

Ọre ivbi Izrẹl ghi na tu ladian ma e Nọyaẹnmwa, iran wẹẹ, “Ma rukhọ ghe ruẹ nẹ, rhunmwuda, ma fi iyeke gbe uwẹ ne Osanobua mwa, ma na ya gha gho e Bal.”

Giọgis 2:16

Ẹghẹ nii ẹre e Nọyaẹnmwa na viọ avbe ọkaolotu ni wegbe ne Izrẹl, iran ni do miẹn iran fan vbe obọ avbe ikpata.

Giọgis 2:18

Ẹghẹikẹghẹ ne Nọyaẹnmwa ya rhie ọkaolotu ne iran, ọ ghi yi ẹre obọ, ọ ghi miẹn emwa rẹn fan vbe obọ avbe eghian iran vbe ẹghẹ ne ọkaolotu gha ya vbe agbọn. E Nọyaẹnmwa keghi tohan iran rhunmwuda, iran da tie ẹre vbe ẹghẹ oya kevbe ukpokpo.

Giọgis 3:15

Ẹghẹ nii ọ re ivbi Izrẹl na datu tie e Nọyaẹnmwa, ọ keghi vbe gie okpia ọkpa ne ọ do miẹn iran fan. Ọmwa nii ọrọre Ehud, ẹkpẹnagobọ ne ovbi Gera vbe ẹwae Bẹnjamin. Ivbi Izrẹl keghi viọ emwi ihaoko ne Ehud viọ gie Ẹgiọn ne ọba Moab.

Giọgis 3:8

Rhunmwuda ọnii, ohu Izrẹl kegha mu e Nọyaẹnmwa, ọ na gie Kusian Risiatem ne ọba Mẹsopotamia khọn iran miotọ. Iran keghi ya ukpo erẹnrẹn gha rre ototọ asẹ ọre.

Giọgis 4:3

E Jabin kegha mwẹ ikẹkẹ okuo ema tọn iyisẹn yan uri enẹ (900) Ọ keghi ye ekhọe dan gha khaemwisẹ yan ivbi izrẹl, vbe uyinmwẹ ne ọ wegbe kevbe ọkhọ, la ukpo ugie. Ẹre ivbi Izrẹl na datie Nọyaẹnmwa ne ọ do yi iran obọ.

Giọgis 6:7

Ivbi Izrẹl ghi viẹ bu e Nọyaẹnmwa nẹ rhunmwuda ivbi e Midian,

I Samuẹl 12:10

Iran keghi dọlegbe tu tie Nọyaẹnmwa ne ọ yi iran obọ wẹẹ, ‘Ma rukhọ nẹ, rhunmwuda, ma fi iyeke gbe uwẹ, ma keghi ya gha ga e Baal kevbe Astat. Miẹn ima fan hin obọ eghian ima rre, ma gha ga aa!’