Giọgis 3:7 - Edo Bible (E Baibol Ẹdo) Version 1996

⁷ Ivbi Izrẹl keghi mianmian e Nọyaẹnmwa ne Osanobua iran, iran na ru orukhọ ghe ẹre, iran kevbe gha gho avbe Bal kevbe Asiẹrra.

Giọgis 3:7 ပူးပေါင်းရင်းမြစ်များ

I Ọba 16:33

Ọ na mu Amazẹ Asiẹrra ne ẹbọ ne okhuo yọ. Rẹn ọ re ọ ghi wa ru emwi ya ye ohu mu e Nọyaẹnmwa ne Osanobua Izrẹl sẹ avbe ọba Izrẹl hia ni ke aro ne ẹẹn.

I Ọba 18:19

Banbanna nian, tama ivbi Izrẹl hia ne iran bu mwẹ gha die oke Kamẹl. Wa ghi viọ avbe akhasẹ e Bal ne ọre ekigbe siyeha ọ yan uri eva (450) gha dee, kevbe akhasẹ Asiẹrra ne ọre uri eva (400) ne Jezibẹl ne Amwẹ Ọba koko.”

II Ọba 23:14

E Josaia ne ọba keghi rẹnkhẹn orre okuta ne ọ rrọ, ọ na giagia amazẹ Asiẹrra ne ẹbọ ne okhuo, ọ na he ugboloko ọmwa vuọn ehe ne a te mu iran yi.

II Ọba 23:6

Ọ keghi mu amazẹ Asiẹrra ne ẹbọ ne okhuo hin Ọgua Osa rre, ọ keghi mu ẹẹn ladian ore ẹvbo gha rrie iya e Kidrọn, ọ keghi giẹn ọnrẹn uan, ọ na dunmwu emuẹn ọnrẹn khian ebubẹ, ọ na bọnmwẹ ọẹn lele itẹ ne a mu emwa hia yi.

II Krọnikol 15:16

Asa ne ọba keghi rhie iye irẹn ighẹ Maaka hin ukpo iye ọba rre rhunmwuda, ọ keghi ma amazẹ osọnnọ ọghe ẹbọ ne okhuo ne a tie ẹre Asiẹrra. Asa keghi suẹ amazẹ nii sẹ otọ, ọ na giagia rua, ọ na ya giẹn ọnrẹn vbe Iya Kidrọn.

II Krọnikol 24:18

Rhunmwuda ọnii, emwa ni keghi dobọ ugamwẹ ne a ru vbe Ọgua Osa e Nọyaẹnmwa ne Osanobua avbe erha iran odede yi, iran keghi suẹn gha ga ẹbọ kevbe amazẹ Asiẹrra ne ẹbọ ne okhuo. Orukhọ ne iran ru keghi tie ohu e Nọyaẹnmwa ye Juda kevbe Jerusalẹm uhunmwu.

II Krọnikol 33:19

Erhunmwu ne ọba naẹn, kevbe ewanniẹn ne Osanobua rhie yọ, okha ọghe avbe orukhọ ne ọ ru ọ ke fiwerriẹ — avbe emwi dan ne ọ ru, avbe aro ẹbọ kevbe amazẹ ọghe Asiẹrra ne ẹbọ ne okhuo ne ọ mannọẹn, kevbe avbe amazẹ ne ọ gha ye uhunmwu rhanmwẹ otọ na, a gbẹnnẹ ehia ye Okha Avbe Akhasẹ.

II Krọnikol 33:3

Ọ keghi dọlegbe bọlọ avbe aro ẹbọ hia ne Hẹzekaia ne erha ẹe guọghuọ ua. Ọ keghi so avbe Ogiukpo ne a na gho e Baal, ọ na mannọ amazẹ ọghe Asiẹrra ne ọba ne okhuo, ọ na vbe gha gho avbe orhọnmwẹ.

II Krọnikol 34:3

Ọ ghi rre ukpo erẹnrẹn ne Josaia rriọba, vbe ọ he wa rre ọvbokhan, ọ keghi suẹn gha ga Osanobua ọghe Devid ne ọba ne erha ẹe odede. Ọ ghi rre ukpo ne ogienẹ, ọ keghi suẹn gha guọghọ aro ẹbọ kua, amazẹ Asiẹrra ne ẹbọ ne okhuo kevbe avbe amazẹ nekpa hia fẹẹrẹ.

II Krọnikol 34:7

Ọ keghi guọghọ Ogiukpo kevbe ama ọghe Asiẹrra kua vbe ehe ne otọ Arriọba Okuo la ẹe, ehe ne ọ rhanmwẹ, ọ keghi lọ amazẹ ọre rẹnkhẹn rẹnkhẹn, ọ keghi guọghọ Ogiukpo ne a na giẹn eturari ni rrọọ hia, ọ na dọlegbe gha die Jerusalẹm.

Psalm 106:35

Sokpan, iran keghi gba gha ya ọmọ ne egbe iran na gha yin uyinmwẹ igẹbọ iran.

Psalm 106:36

Emwa Osanobua kegha gho amazẹ ọ na ọre ọ si ọfuan ye iran egbe.

Psalm 106:7

Avbe erha mwa odede ni gha rre Igipt, ma rẹn otọ iwinna ọyunnuan, ọghe Osanobua. Iran mianmian ẹghẹ nibun, ne ọ na rhie aho ẹmwẹ ọmwa rẹn ma iran, iran keghi sọtẹ ghe Oghodua, vbe Okun ne Nọbaa.

Ẹksọdọs 34:13

Ye ihe ọnii, u ghi rẹnkhẹn aka iran an, u ghi guọghọ okuta iruemwi iran an, u ghi tọnnọ erhan iruemwi ẹbọ ne okhuo iran ighẹ Asiẹrra kua.

Jerimaia 23:27

“Iran ro wẹ imina ne iran ta gha ya mwẹ mianmian zẹ vbene avbe erha iran mianmian mwẹ, iran na lele Baal.

Diuteronomi 16:21

“Wa gha gba aka ne Nọyaẹnmwa Osanobua rua, wa ghẹ vbe ba erhan ye ọkpẹn evba ne Asiẹrra ne ẹbọ nokhuo.

Diuteronomi 4:9

Wa khẹ yegbe! Wa gie a miẹn wẹ wa ma mianmian emwi ne aro uwa sẹe wa te ya wu. Wa kpa itan rẹn ma ivbi uwa kevbe ivbi ivbi uwa.

Diuteronomi 8:11

“Wa gie a miẹn wẹ wa ma mianmian e Nọyaẹnmwa Osanobua rua, wa ghẹ mwẹ wa ma gha ya uhi ẹre ne I ma uwa ẹre ẹrẹna ru emwi.

Diuteronomi 8:14

Wa ghẹ gie a miẹn wẹ te uwa ghi tọn egbe mu ne uwa ya mianmian e Nọyaẹnmwa Osanobua rua ne ọ viọ uwa ke Igipt ladian rre vbe ehe ne uwa na te re eviẹn.

Diuteronomi 8:18

Wa yerre wẹ e Nọyaẹnmwa Osanobua rua, ọ re ọ rhie ẹtin ne uwa do ya fe. Ọ ru ọna rhunmwuda, ọ ho ne ọ mu ile ne ọ gu avbe erha uwa odede ta sẹ. Te irẹn wa rhie ile ni mwẹ do sẹ ẹdẹnẹrẹ na.

Giọgis 3:12

Ivbi Izrẹl keghi vbe dọlegbe rukhọ ghe e Nọyaẹnmwa. Rhunmwuda ọna, e Nọyaẹnmwa keghi gie Ẹgiọn ne ọba ọghe Moab wegbe sẹẹ Izrẹl.

Giọgis 3:8

Rhunmwuda ọnii, ohu Izrẹl kegha mu e Nọyaẹnmwa, ọ na gie Kusian Risiatem ne ọba Mẹsopotamia khọn iran miotọ. Iran keghi ya ukpo erẹnrẹn gha rre ototọ asẹ ọre.

Giọgis 6:25

E Nọyaẹnmwa keghi tama e Gidiọn vbe asọn ni wẹẹ, “Mu ẹkhuia ẹmila erha a kevbe ẹkhuia ọvbehe ne ọ he rre ukpo ihinrọn, guọghọ aka ne erha a gbe ne Bal sotọ ne u vbe giagia ọkpọ Asiẹrra ne ẹbọ nokhuo nii diake ẹe kua.

Giọgis 8:33

E Gidiọn ghi wu nẹ, ivbi Izrẹl keghi vbe fi iyeke gbe Osanobua, iran na ya gha gho e Bal. Iran keghi ya e Bal-ọghe-lle khian ẹbọ iran.

Giọgis 8:34

Iran ma ghi ga e Nọyaẹnmwa Osanobua iran ne ọ miẹn iran fan hin obọ avbe eghian iran ni lẹga iran hia rre.

I Samuẹl 12:10

Iran keghi dọlegbe tu tie Nọyaẹnmwa ne ọ yi iran obọ wẹẹ, ‘Ma rukhọ nẹ, rhunmwuda, ma fi iyeke gbe uwẹ, ma keghi ya gha ga e Baal kevbe Astat. Miẹn ima fan hin obọ eghian ima rre, ma gha ga aa!’

I Samuẹl 12:9

Sokpan, iran keghi mianmian e Nọyaẹnmwa ne Osanobua iran, rẹn keghi gie Siseria ne ọkaokuo ivbi iyokuo ẹvbo ne a tie ẹre Hazọ, ivbi e Filistin kevbe ọba Moab gu iran gbinna kevbe ne ọ khọn iran muotọ.