Giọgis 3:5 - Edo Bible (E Baibol Ẹdo) Version 1996

⁵ Erriọ ọ re ivbi Izrẹl na gbe ẹkun sẹ otọ gha yin vbe uwu ẹbu emwa Kenan, Amọri, Pẹriz, Hivi kevbe Jebus.

Giọgis 3:5 ပူးပေါင်းရင်းမြစ်များ

Gẹnẹsis 13:7

Rhunmwuda ọnii, okhọn kegha rre ẹkpo emwa ni gbearoghe emwirri ọghe Ebram kevbe emwa ni gbearoghe ọghe Lọt, (Ẹghẹ ne a kha na, emwa Kenan kevbe emwa Pẹriz he ye rre otọe na).

I Ọba 9:20

Emwa ne Solomọn gha ya ẹtin mu winna kegha re ivbi uniẹn emwa Kenan ne ivbi Izrẹl ma gbele ua ẹghẹ ne iran na khọn mu otọ iran. Ne usun ọ re iran ye ighẹ Amọri, Hiti, e Pẹriz, e Hivi kevbe Jebus ne ivbi iran gha re eviẹn rhinrin do sẹ ẹdẹnẹrẹ na.

Nehimaia 9:8

U miẹn wẹ ọ zẹ obọ lele uẹ u yanrẹn ne u mu otọ emwa Kenan ne ẹẹn. Otọ emwa Hiti kevbe Amọri otọ emwa Pẹriz, Jebus, Gẹgas, ne ọ gha re Otọe ne ivbi uniẹn ọnrẹn gha yin. U ru ẹe vbene u tae rhunmwuda, ekhọe ruẹ maa.

Ẹksọdọs 3:17

Ọre I na kha nian wẹ te I gha viọ uwa ke otọ Igipt ladian, ehe ne iran na ru uwa khọ, ne uwa gha rrie otọ emwa Kenan, emwa Hiti, emwa Amọri, emwa Pẹriz, emwa Hivi kevbe emwa Jebus, otọ ne esiesi ne ọ vbe maa emwiokọ nọ.” ’

Ẹksọdọs 3:8

“Te I rre na ne I do miẹn iran fan vbe obọ ivbi Igipt, ne I vbe viọ iran kpao vbe Igipt nii gha rrie otọ ne ọ maa emwiokọ kevbe ne ọ vbẹ aro. Otọ esiesi ne ọ maa emwiokọ nọ, emwa ni rre evba ẹghẹ na ọrọre emwa Kenan, Hiti, Amọri, Pẹriz, Hivi kevbe Jebus.

Ẹksọdọs 34:16

Ivbi uwa sẹtin viọ ivbi iran nikhuo rọnmwẹ, iran gha ya iran fi iyeke gbe mwẹ, iran gha gho ẹbọ iran.

Nọmbas 13:29

Odẹ ekẹn vbe otọ nii ọ re emwa Amalẹk ye, ẹvbo oke vbọ ọ re avbe Hiti Jebus, kevbe Amọri ye, ivbi Kenan keghi rre ọkpẹn okun Meditẹrrenian, iran yin lele Ẹzẹ Jọdan.”

Diuteronomi 7:1

“E Nọyaẹnmwa ne Osanobua uwa gha viọ uwa sẹ otọ ne uwa ra ya yin nii. Ọ gha vbe khulo avbe okpẹvbo nibun ladian vbọ. Wa gha khian ni, ọ ghi khulo okpẹvbo ihinrọn ni kọnkọn sẹ kevbe ni vbe mwẹ ẹtin sẹ uwa ladian vbe evba, avbe Hiti, Gigasi, Amọri, e Kenan, e Pẹriz, e Hivi kevbe Jebus.

Jọsua 11:3

Rẹn keghi vbe gie uhunmwu gie ivbi e Kenan ni rre obọ eveva ọghe Jọdan, gie Amọri, Hiti, Pẹriz, Jebus vbe ẹvbo uhunmwu oke kevbe emwa Hivi ni rre ototọ Oke Hẹmọn vbe otọ Mispa.

Jọsua 9:1

Avbe ọba hia ni rre orrie Jọdan keghi họn ẹmwẹ na, iran ni rre oke, iran ni rre otọ ne ọ rriẹe kevbe iran hia ni yin lele ọkpẹn Okun Meditẹrrenian, rhinrin ya sẹ Lebanọn, iran na keghi re avbe ọba ivbi e Hiti, Amọri, e Kenan, e Pẹriz, e Hivi kevbe Jebus.

Giọgis 1:4

ke Juda ke gba gha rrie okuo. E Nọyaẹnmwa keghi gie iran khọnmiotọ vbe uhunmwu ivbi e Kenan ke Pẹriz, iran keghi khọn arhin arriaisẹn igbe (10,000) muotọ vbe Bẹzẹk.

Giọgis 1:5

Iran keghi miẹn Adonibẹzẹk vbe evba, iran na vbe gu ẹe gbinna. Iran keghi khọn ivbi Kenan kevbe Pẹriz muotọ.