Giọgis 3:4 - Edo Bible (E Baibol Ẹdo) Version 1996

⁴ Te a wẹ ne a ya iran danmwẹ ivbi Izrẹl ghe ẹsẹse, ne a miẹn ehe na rẹn a deghẹ iran gha ya uhi ne Nọyaẹnmwa la obọ Mosis rhie ne avbe erha iran odede ru emwi ra ẹn o.

Giọgis 3:4 ပူးပေါင်းရင်းမြစ်များ

Ẹksọdọs 15:25

E Mosis keghi kakabọ na erhunmwu ghe Nọyaẹnmwa; e Nọyaẹnmwa keghi ma ẹre ike erhan ọkpa, e Mosis muẹn fi uwu amẹ nii, amẹ nii na do khian nọ gie a gha wọn. Evba nii i ọre Nọyaẹnmwa ghi na gbe uhi ne iran, ọ kevbe danmwẹ iran ghe.

I Kọrinti 11:19

(Vbe ne a i na gbe awẹawẹ, ẹ i mwẹ iwannegbe ma gha rre ẹkpo uwa ne iran ni ru emwi esi miẹn ehe na wa gia rẹn taara.)

Diuteronomi 33:8

Ọ keghi kha vbe ekpa ọghe ẹwae Livai wẹẹ: “Wẹ ne Nọyaẹnmwa, ye egbe ruẹ ne a rẹn vbe ekpa Urim kevbe Tumin, la obọ avbe Livai, ne eguọmwadia esi ruẹ wẹ danmwẹ iran ghe vbe Masa u kevbe miẹn otọ iran ye emwata vbe ẹzẹ Mẹriba.

Diuteronomi 8:2

Wa ghi yerre vbene Nọyaẹnmwa Osanobua uwa su uwa vbe okhian ne ọ taẹn la uwu ato nii vbe ukpo iyeva ni gberra na, ọ na vbe gie ọlọghọmwa gie uwa ne ọ ya danmwẹ uwa ghe, ne ọ miẹn ehe na rẹn emwi ni rre uwa ekhọe, nẹ ọ miẹn ehe na vbe rẹn adeghẹ wa gha ya uhi ẹre ru emwi.

Giọgis 2:22

Odẹ vbe nian ọre I gha ya rẹn a deghẹ ivbi Izrẹl gha rhie uhi mwẹ mwẹ vbene avbe erha iran ru ra ẹn o.”

Giọgis 3:1

E Nọyaẹnmwa keghi sẹ avbe ẹvbo eso rae vbe otọe nii ne a ya danmwẹ ivbi Izrẹl ni ma yo okuo vbe Kenan ghe.