Giọgis 3:3 - Edo Bible (E Baibol Ẹdo) Version 1996

³ Iran ne a sẹrae kegha re ẹvbo Filistia isẹn, ivbi e Kenan hia e Saidọn, e Hivi ni rre uhunmwu Oke Lebanọn kevbe Oke Bal rhinrin ya sẹ Ada Hamat.

Giọgis 3:3 ပူးပေါင်းရင်းမြစ်များ

Gẹnẹsis 49:13

Ọkpẹn okun ọre Zẹbulọn ra yin. Avbe emwiokọ gha yakọ vbe eghute ẹre otọe ẹre gha niẹn sẹ Saidọn, Isaka ma maa sẹẹ ekẹtẹkẹtẹ

II Samuẹl 24:7

Iran keghi vbe la ghe odẹ ekẹn ya sẹ e Taia ne ẹvbo ne a gbe odin gaa, iran keghi ya la ẹvbo avbe Hivi kevbe Kenan, vbe okiekie ehia, iran na ya sẹ biẹsiẹba vbe odẹ ekẹn Juda.

I Ọba 8:65

Ẹghẹ nii, ọ re Solomọn kevbe ivbi Izrẹl hia, wa ke ada e Hamat vbe odẹ okuọ ya sẹ ehe ne otọe Igipt lae vbe odẹ ekẹn na ru emwiukpo Ibuagọ vbe odaro e Nọyaẹnmwa Osanobua la ikpẹdẹ ihinrọn vbe otọ vbe Ọgua Osa.

I Ọba 9:20

Emwa ne Solomọn gha ya ẹtin mu winna kegha re ivbi uniẹn emwa Kenan ne ivbi Izrẹl ma gbele ua ẹghẹ ne iran na khọn mu otọ iran. Ne usun ọ re iran ye ighẹ Amọri, Hiti, e Pẹriz, e Hivi kevbe Jebus ne ivbi iran gha re eviẹn rhinrin do sẹ ẹdẹnẹrẹ na.

Ezikiẹl 47:20

“Ehe ne ọ lae vbe odẹ orrie keghi re Meditẹrrenian, ọ keghi laghe odẹ okuọ ya sẹ ako ọkpa vbe odẹ orrie ọghe Ada e Hamat.

Nọmbas 13:29

Odẹ ekẹn vbe otọ nii ọ re emwa Amalẹk ye, ẹvbo oke vbọ ọ re avbe Hiti Jebus, kevbe Amọri ye, ivbi Kenan keghi rre ọkpẹn okun Meditẹrrenian, iran yin lele Ẹzẹ Jọdan.”

Nọmbas 34:8

Ọ ghi ye ya sẹ Zẹdad.

Diuteronomi 1:7

Wa kuọ agọ uwa sẹ otọ, ne uwa si okhian sikẹ odaro. Wa gha rrie ẹvbo ni rre uhunmwu oke ọghe Amọri kevbe avbe ehe ne avbe ẹdogbo iran hia ye vbe odẹ iya Jọdan, odẹ ẹvbo uhunmwu oke kevbe ẹvbo ni rre ugboghodo, ghe odẹ ẹvbo ni rre odẹ ekẹn kevbe eghute Meditẹrrenian. Wa gha rrie otọe Kenan kevbe gberra Oke Lebanọn, rhinrin yasẹ Ẹzẹ nọkhua ighẹ Yufretes.

Diuteronomi 3:9

(Oke Hẹmọn ọ re emwa Sihọn tie ẹre Siriọn, emwa Amọri keghi tie ẹre Seni.)

Jọsua 11:19

A ma miẹn ọkpa vbe avbe ẹvbo nii ne ọ gu Izrẹl vẹn ihẹn ne egbe gberra Gibiọn ne avbe Hivi ye. Ni ghi dekẹe hia, te a khọn iran vbe okuo.

Jọsua 11:3

Rẹn keghi vbe gie uhunmwu gie ivbi e Kenan ni rre obọ eveva ọghe Jọdan, gie Amọri, Hiti, Pẹriz, Jebus vbe ẹvbo uhunmwu oke kevbe emwa Hivi ni rre ototọ Oke Hẹmọn vbe otọ Mispa.

Jọsua 13:3

(do deba otọe Avim hia, gha rrie odẹ ekẹn otọe ne ọ ke ivbi ẹzẹ Sihọ kpao vbe ehe ne otọe Igipt Lae gha rrie odẹ okuọ ya sẹ ehe ne otọe Ẹkrọn lae, a keghi ka ena ba otọe Kenan; iran ni khaemwisẹ yan avbe Filistin kegha rre Gaza, Asdọd. Askẹlọn, e Gat kevbe Ẹkrọn.)

Jọsua 13:5

Otọe emwa Gẹbal, otọe Lebanọn ya sẹ odẹ ahọ, kevbe Balgad ne ọ rre ototọ Oke Hẹmọn kpa ya sẹ ehe ne Hamat Pas na suẹn.

Jọsua 19:28

Ebrọn, Rehọb, Hamọn, kevbe Kana rhinrin ya sẹ Saidọn.

Jọsua 9:7

Sokpan ivbi Izrẹl keghi tama ivbi e Hivi wẹẹ, “Vbe ima a ghi guwa vẹn ihẹn ne egbe hẹ, ọ gha kẹe, ehe ne uwa ye ma khian rrei vbe emwana.”

Giọgis 10:12

e Saidọn, Amẹlẹk kevbe ivbi e Moan na ọ gha a zẹ uwa kpokpo vbe ẹghẹ ne ọ gberra, wa keghi datie mwẹ. I ma miẹn uwa fan vbe obọ iran ra?

Giọgis 10:7

Ẹre ohu ivbi Izrẹl na mu e Nọyaẹnmwa, ọ na gie ivbi e Filistia kevbe Amọn khọn miẹn iran otọ.

Giọgis 14:4

Erha ẹe vbe iye ẹe ma rẹn wẹ e Nọyaẹnmwa ọ re ọ ya e Samsin ru emwi na rhunmwuda e Nọyaẹnmwa gualọ odẹ ne ọ gha na gu emwa Filistia khọn. Vbe ẹghẹ ne a kha na, emwa Filistia ọ re ọ gha kha yan ivbie Izrẹl.

Giọgis 18:7

Ẹre ikpia ihinrọn ni ghi na kpao, iran na gha rrie Lais. Iran keghi miẹn vbene ẹkun wa sẹ emwa ni rre ẹvbo nii otọ hẹ zẹ vbe emwa Saidọn, ọmẹhẹ ọ re iran wa khin, iran i gu emwa rhọkpa muan ẹmwẹ. Iran mwẹ emwi ne iran ho hia. Iran wa khian rrei ne ivbi e Saidọn. Iran i vbe mwẹ emwa ne iran gba ru hiehie.

Giọgis 3:2

Te irẹn ru ọna ne ọ ya ma orre ọkpọkpa vbe Izrẹl re vbene a khọn okuo hẹ, kpataki iran ni ma he yo okuo ẹdẹ.

Giọgis 4:2

Ẹre Nọyaẹnmwa na gie Jabin ọba ọkpa ọghe Kenan ne ọ gha rriọba vbe Hazọ khọn miẹn iran otọ. Ọmwa ne ọ gha re ọkaokuo ẹre kegha re Siseria ne ọ gha rre Harosiẹt ọghe iran ne ẹ i re Ju.

I Samuẹl 13:5

Ivbi e Filistin keghi tie otiegba ne iran do gu ivbi Izrẹl gbinna. Iran kegha mwẹ ikẹkẹ ematọn ọghe okuo arriaisẹn ọgban (30,000) deba emwa ni hin ẹsin arriaisẹn ehan (6,000) kevbe ivbi iyokuo ni bun zẹ vbe ikpekhae ni rre ọkpẹn okun. Iran kegha rrie Mikmas ne ọ rre odẹ ahọ ọghe Betavin, iran keghi bu agọ ye evba.

I Samuẹl 29:2

Enigie ivbi e Filistin isẹn nii, keghi viọ ivbiyokuo iran nii re arhin iyisẹn yan arriaisẹn (1,100) ladian, e Devid kevbe emwa rẹn keghi gha lele iran odieke dee, deba Akis.

I Samuẹl 6:16

Enigie e Filistin isẹn nii kegha ghe iran vbe iran ru ẹe. Iran keghi werriegbe gha rrie Ẹkrọn vbe ẹdẹ nẹdẹrriọ zẹẹ.

I Samuẹl 6:18

Iran viọ avbe ofẹn igoru gha khian, ọkpọkpa vbọ kegha re ọghe ọkpọkpa vbe ẹvbo ne iran khaemwisẹ yan ighẹ enigie e Filistia nii, avbe ẹvbo ne a gbe ekẹn gaa, kevbe avbe igue ne a ma gbe ekẹn gaa. Okuta nọkhua ne ọ rre ugbo e Jọsua ne ovbi Bẹt Siemẹs ne iran mu Ẹkpẹti Ile e Nọyaẹnmwa yan, te ọ yerre evba banbanna zẹ vbe iyama ọghe emwi ne ọ sunu.

I Samuẹl 6:4

Iran keghi nọ iran wẹẹ, “De emwi ne ima gha ya zẹ ọhẹ lele ẹe.” Iran keghi wanniẹn wẹẹ, “Amazẹ ọghe uruvba isẹn ne a ya igoru ma, kevbe ofẹn isẹn ọkpọkpa ghi gha re ọghe ọkpọkpa vbe uwu avbe enigie e Filistin.