Giọgis 3:28 - Edo Bible (E Baibol Ẹdo) Version 1996

²⁸ Ọ keghi tama iran wẹẹ, “Wa lele mwẹ! E Nọyaẹnmwa rhie akhọnmiotọ ne uwa nẹ vbe uhunmwu ivbi e Moab ne eghian uwa.” Iran keghi lele ẹe tuorre, iran na ya khọn mu ehe ne emwa Moab gha na te fian Jọdan rra. Iran ma gie orhiọnkpa kẹkan fiaẹn rra.

Giọgis 3:28 ပူးပေါင်းရင်းမြစ်များ

I Ọba 20:21

Ehab ne ọba keghi ladian, ọ keghi munọ avbe ẹsin ni kevbe avbe ikẹkẹ okuo, ọ keghi khọn ivbi e Siria muotọ vbene obọ na da iran ẹsẹse.

Jọsua 2:7

Ugbẹn vbe avbe ukọ ọba ghi kpao nẹ, vbe ẹvbo nii, a keghi khui urho. Iran kegha gualọ avbe ọrhẹ ne ivbi Izrẹl nii ya sẹ ehe ne odẹ na fian ẹzẹ Jọdan rra.

Giọgis 10:11

E Nọyaẹnmwa keghi wanniẹn ivbi Izrẹl ẹmwẹ wẹẹ, “Emwa Igipt, Amọri, e Filistia,

Giọgis 12:5

Ivbi e Giliad keghi khọn mu ehe ne a gha na sẹtin fian Jọdan rra, ne ivbi Ifreim ghẹ miẹn ehe na fian ẹn rra. Ovbi Ifreim ghẹ ghi sẹ evba, ọ na gha ho ne irẹn lẹ fua, ọ na wẹ ne iran gie irẹn gberra, iran ghi nọ rẹn wẹẹ, “Ovbi Ifreim we khin ra.” Ọ gha kha wẹ “Ẹn ẹn,”

Giọgis 3:29

Ẹdẹrriọ nii, iran keghi gbele arriaisẹn igbe vbe uwu ivbi iyokuo ni wegbe ọghe Moab ọkpa ne ọ miẹn uhunmwu i rrọọ.

Giọgis 4:10

E Barak keghi tie ẹwae Zẹbulọn kevbe Naftali gha die Kedẹs, arhin arriaisẹn igbe keghi lele ẹe, Dẹbora keghi lele ẹe gha khian.

Giọgis 7:14

Ọse ẹre keghi wanniẹn wẹẹ, “Umozo e Gidiọn ne ovbi Joas nọ! Ẹ i vbe re emwi ọvbehe rhọkpa! Osanobua rhie akhọnmiotọ ne ẹẹn nẹ vbe uhunmwu e Midian kevbe ivbi iyokuo ima hia!”

Giọgis 7:15

E Gidiọn ghi họn imina nii, kevbe emwi ne a ya ẹe kha, ọ keghi diguẹ. Ọ na ga e Nọyaẹnmwa. Ọ keghi werriegbe gha rrie agọ ivbi Izrẹl, ọ na kha wẹẹ, “Wa kpaegbe, e Nọyaẹnmwa ra rhie akhọnmiotọ ne uwa vbe uhunmwu ivbi iyokuo e Midian!”

Giọgis 7:17

Rẹn keghi tama iran wẹ, “Wa gha ghe mwẹ, ne uwa vbe ru emwi ne imẹ a rhirhi ru vbe I gha sẹ ọkpẹn agọ nii nẹ.

Giọgis 7:24

E Gidiọn keghi gie emwa ya la avbe ẹvbo ni rre oke Ifreim khama iran wẹẹ, “Wa gha dee ne uwa do gu ivbi e Midian gbinna. Wa mu Ẹzẹ Jọdan mwẹ kevbe avbe ivbi ẹzẹ ni ya sẹ Bẹtbara ne a ghẹ gie ivbi e Midian fiaẹn rra.” A keghi tie ivbi Ifreim si koko. Iran keghi mu ẹzẹ Jọdan mwẹ, kevbe avbe ivbi ẹzẹ ya sẹ Bẹtbara.

Giọgis 7:9

Vbe asọn nii, e Nọyaẹnmwa keghi tama Gidiọn wẹẹ, “Kpaegbe ne u dekun agọ nii; I ra rhie ẹre ye uẹ obọ ne u khọn miẹn ọre otọ.

I Samuẹl 17:47

Emwa ni rre emwa hia ghi rẹn wẹ, ọ gha miẹn emwa rẹn fan, ẹ i vbe miẹn umozo kevbe asoro nẹ ọ ke ru ẹe. Rẹn ọ re ọ khọn miotọ vbe okuo, te ọ ra viọ uwa hia ye ẹtin ima obọ.”