Giọgis 3:27 - Edo Bible (E Baibol Ẹdo) Version 1996

²⁷ Ọ ghi sẹ evba, ọ keghi kpe okpe vbe uhunmwu oke Ifreim ne ọ ya tie ivbi Izrẹl gha die okuo, ọ na ke uhunmwu oke ke odaro ne iran.

Giọgis 3:27 ပူးပေါင်းရင်းမြစ်များ

II Samuẹl 20:22

Okhuo nii keghi mu iro nii gie ẹvbo. Iran na fian Siẹba uhunmwu, iran na fiẹe la uhunmwu ekẹn gie Joab, rẹn keghi kpe okpe, emwa rẹn hia keghi kpao vbe ẹvbo nii rre, iran na gha rrie. Ẹre Joab na dọlegbe bu ọba gha rrie Jerusalẹm.

II Ọba 9:13

Vbe ọwarọkpa nii, avbe ọkaokuo ne ihua e Jehu keghi wa ẹwu iran ye ikpawẹ ne ọ ke ukhunmwu, iran keghi kha wẹẹ, “E Jehu rriọba!”

Nehimaia 4:14

I ghi miẹn wẹ afianma fian iran, I keghi tama iran, kevbe avbe olotu iran ke emwa ni rre ukpo vbọ wẹẹ, “Wa ghẹ gie ohan avbe eghian ima mu uwa, wa yerre vbene Nọyaẹnmwa kpọlọ hẹ kevbe vbene ọ gbe orrirri hẹ ne uwa gbinna ne ivbi ẹvbo uwa kevbe avbe ivbi uwa, amwẹ uwa kevbe owa uwa.”

Jọsua 17:15

E Jọsua keghi wanniẹn wẹẹ, “A deghẹ wa bun vberriọ ighẹ ẹvbo oke ọghe Ifreim ma gua uwa, wa la ghe uwu ẹgbo khekherriọ ne uwa ya fie ne egbe uwa vbe otọ avbe emwa Pẹriz kevbe Refeim.”

Jọsua 17:18

Wa ọ re ọ khian yan ẹvbo oke. A gha rhe miẹn wẹ ẹgbo nọ, wa gha fie ẹre ne uwa yae khian ọwua ke obọ ọkpa ya sẹ ehe ne ọ sẹe vbe obọ nọkpa. Zẹ vbene ọ kaẹn ivbi e Kenan, wa gha khulo iran ladian, a gha rhe miẹn wẹ iran mwẹ ikẹkẹ okuo ematọn, iran rhe vbe mwẹ ẹtin.”

Giọgis 10:1

Ugbẹn vbe Abimẹlẹk ghi wu nẹ, Tola ne ovbi e Pua kevbe eyẹ Dodo kevbe do miẹn Izrẹl fan. Ovbi ẹwae Isaaka ọre ọ gha khin, rẹn keghi vbe gha rre Siamẹ vbe ẹvbo uhunmwu oke Ifreim.

Giọgis 17:1

Okpia ọkpa kegha rrọọ ne a tie ẹre Maika, ọ kegha rre ẹvbo uhunmwu oke Ifreim.

Giọgis 19:1

Vbe ẹghẹ nii, ẹkpo ne Izrẹl i na mwẹ ọba, e Livai ọkpa kegha rrọ vbe odẹ ehe ne ẹvbo oke ọghe Ifreim sẹe fẹẹrẹ, ọ keghi ya zẹ ọse ọkpa vbe Bẹtlẹhẹm ne Juda.

Giọgis 3:26

Ehud keghi lẹfua vbe ẹghẹ ne iran ya gha khẹ nii. Ọ keghi gberra avbe okuta ne a gbẹnnẹ, ọ na lẹ fi Sẹira.

Giọgis 5:14

iran ke Ifreim gha di uwu iya. Vbe iyeke ẹwae Bẹnjamin kevbe emwa rẹn. Makẹ ọ re iran ni ghae okuo ni rrọọ kegha dee avbe olotu ke Zẹbulọn gha dee,

Giọgis 6:34

Orhiọn e Nọyaẹnmwa keghi hin yan Gidiọn, ọ keghi si orhu ya tie emwa ẹwae Abiẹzẹ wẹ ne iran lele irẹn.

Giọgis 7:24

E Gidiọn keghi gie emwa ya la avbe ẹvbo ni rre oke Ifreim khama iran wẹẹ, “Wa gha dee ne uwa do gu ivbi e Midian gbinna. Wa mu Ẹzẹ Jọdan mwẹ kevbe avbe ivbi ẹzẹ ni ya sẹ Bẹtbara ne a ghẹ gie ivbi e Midian fiaẹn rra.” A keghi tie ivbi Ifreim si koko. Iran keghi mu ẹzẹ Jọdan mwẹ, kevbe avbe ivbi ẹzẹ ya sẹ Bẹtbara.

I Samuẹl 13:3

E Jonatan keghi gbe ọkaokuo emwa Filistin ne ọ rre Geba, ivbi e Filistin keghi họn ẹmwẹ na. Ẹre Sọl na gie emwa ne iran ya si orhu la ẹvbo hia wẹ ne ivbi e Hibru mu egbe okuo.