Giọgis 3:21 - Edo Bible (E Baibol Ẹdo) Version 1996

²¹ Ehud keghi ye obọ iye ọmwa yuo agbada ni vbe obọ erha ọmwa, ọ na ziẹn rẹn ye ọba ni ẹko.

Giọgis 3:21 ပူးပေါင်းရင်းမြစ်များ

Job 20:25

Ifẹnmwẹ ha ikinnegbe ẹre ladian, esagiẹn ọnrẹn gha nọnọ kua vbe ukpe ọre ne ọ fi wainwain. Okpe udu ne ọ kpe ẹghele de gbe ẹre orhiọn.

Zẹkaraia 13:3

“Ẹghẹ nii, ọmwa ikọmwa ne ọ ghi kha wẹ ẹ i mwẹ vbene ọ ye irẹn hẹ ighe ẹmwẹ akhasẹ, erha kevbe iye ne ọ biẹ ọe ghi tama rẹn te a gha gbe ẹe rua, rhunmwuda ọ khare wẹ ẹmwẹ e Nọyaẹnmwa ọ re irẹn ta, sokpan, ọ na gha ta ohoghe. Ọ gha guan vbe akhasẹ, erha kevbe iye ni biẹ ọe ghi ye agbada bi ẹre gbua.

II Kọrinti 5:16

Rhunmwuda ọnii, ẹ i re obọ ne agbọn mu la, ma ghi ya bu ohiẹn ọmwa rhọkpa. A deghẹ te a kue miẹn wẹ, ẹghẹ ọkpa rrọọ ne ima na gha ye aro vbe ne agbọn roro ghe Jesu, ma i ghi ru vberriọ nian.

Giọgis 3:16

Ehud keghi ya dunmwu agbada ne ọ mwẹ unu eva ne ọ re omwa ibata ọkpa vbe ukhiọnmwẹ, ọ keghi gba ẹe ye obọ erha ọmwa ẹnrẹn vbene ọ na rhuan ukpọn gue ẹre.

Giọgis 3:20

Ehe ne ọba nii na tota rẹn ọkpa kẹkan vbe odukhunmwu vbe ughugha ne ọ furre, Ehud keghi bu ẹre gha de do tama rẹn wẹẹ, “Osanobua gie mwẹ uhunmwu ne I tama ruẹn.” Ọba nii ke kpaegbe.

Giọgis 3:22

Umozo ni keghi wa kpero ye uwu ẹre, uhin ya sẹ uze ẹre, efun egbe degue ẹre rhunmwuda, Ehud ma si ẹe ladian hin ẹko ọba rre. Umozo keghi do si ukpẹ ladian vbe akharha ẹre.

I Samuẹl 15:33

E Samuẹl keghi kha wẹẹ, “Vbene umozo ya iye nibun khian ne ẹ i ghi mwẹ emọ, erriọ ọ re iye uẹ ra vbe khian ne ẹ i ghi mwẹ ọmọ ẹrẹna.” Ọ keghi hele Agag ike yo odaro aka ne ọ rre Gilgal.