Giọgis 3:2 - Edo Bible (E Baibol Ẹdo) Version 1996

² Te irẹn ru ọna ne ọ ya ma orre ọkpọkpa vbe Izrẹl re vbene a khọn okuo hẹ, kpataki iran ni ma he yo okuo ẹdẹ.

Giọgis 3:2 ပူးပေါင်းရင်းမြစ်များ

Gẹnẹsis 2:17

Sokpan ọnii ne ọ rhie ẹwaẹn ne a ya rẹn emwi ne ọ maa kevbe ne ẹ i maa ne ọmwa, ghe rri ọmọ rẹn. U gha rriọe, u gha wu ẹdẹ nẹdẹrriọ zẹẹ.”

Gẹnẹsis 3:5

Te Osanobua tae vberriọ, rhunmwuda, ọ rẹnrẹn wẹ, wa gha rriọe wa gha do gha ye vbe Osanobua, wa ghi do gha rẹn emwi ne ọ maa ke nẹ i maa zẹ vbene irẹn ye.”

Gẹnẹsis 3:7

Ọwarọkpa vbe iran ghi wa rri ọe nẹ, a keghi rhie irẹnmwi ne iran, iran keghi do rẹn wẹ te iran bannuan; iran keghi sele ebe ne ọ yevbe ọghe ohọ kugbe, iran ke yae gue egbe iran.

II Krọnikol 12:8

Sokpan, e Sisiak gha dekun iran, egbe ire egbe ne iran gha ya miẹn uhunmwu. Obọ ohu mwẹ i ra ghi da Jerusalẹm gbe. Sokpan e Sisiak gha khọn iran, iran ghi do rẹn alughaẹn ne ọ rre a ga mwẹ kevbe a ga iran ni rriegie vbe agbọn.”

Iyẹn ne ọ Maan Ọghe Jọn 16:33

Emwi ne ọ ya mwẹ ta ẹmwẹ na ma uwa ọrọre wẹ ne uwa miẹn ehe na ya egbe ba mwẹ, ne ẹkun miẹn ehe na sẹ uwa otọ. Agbọn na gha rri uwa oya. Sokpan wa dọlọ aro yi I khọn agbọn muotọ nẹ.”

I Timoti 6:12

Ye ẹtin ruẹn hia rhulẹ vbe ulẹ iyayi na, ne u ya obọ ruẹ khọn mu ẹfe etẹbitẹ, rhunmwuda, arrọọ vberriọ ọre Osanobua tie ruẹ yi, vbe ẹghẹ ne u na tobọ ruẹ ye unu miẹn kue, vbe sirra osẹe ni bun.

II Timoti 2:3

Ghae vbe uwu oya, zẹ vbe ovbiyikuo ne ọ guobọ Kristi.

II Timoti 4:7

I ni nẹ vbene ẹtin mwẹ sẹe, vbe nene ulẹ, I rhie nene ulẹ sẹ eke ne a vin owẹ yi nẹ, I rhie nene iyayi mwẹ nẹ.

Giọgis 3:1

E Nọyaẹnmwa keghi sẹ avbe ẹvbo eso rae vbe otọe nii ne a ya danmwẹ ivbi Izrẹl ni ma yo okuo vbe Kenan ghe.

Giọgis 3:3

Iran ne a sẹrae kegha re ẹvbo Filistia isẹn, ivbi e Kenan hia e Saidọn, e Hivi ni rre uhunmwu Oke Lebanọn kevbe Oke Bal rhinrin ya sẹ Ada Hamat.