Giọgis 3:16 - Edo Bible (E Baibol Ẹdo) Version 1996

¹⁶ Ehud keghi ya dunmwu agbada ne ọ mwẹ unu eva ne ọ re omwa ibata ọkpa vbe ukhiọnmwẹ, ọ keghi gba ẹe ye obọ erha ọmwa ẹnrẹn vbene ọ na rhuan ukpọn gue ẹre.

Giọgis 3:16 ပူးပေါင်းရင်းမြစ်များ

II Samuẹl 20:8

Iran ghi sẹ okuta nọkhua ne ọ rre Gibiọn, Amasa keghi vba iran. Te Joab mu egbe okuo vbe ne ọ na mu umozo ne ọ rre ako ọre gba ye ẹkun, ọ ghi wa dee ni, umozo ni keghi yuo defua.

Psalm 149:6

Wa gie iran kakabọ go ladian, vbe iran a gha rho Osanobua, iran ghi vbe viọ umozo iran ni mu mwẹ obọ.

Psalm 45:3

Rro umozo ruẹ mu ẹkun, ọba nọkhua, wẹ nẹ ọ vuọn ne osẹ kevbe uyi ọba.

Ihuan Ne Ọ Sọọ Ihuan Hia 3:8

Te umozo wa gua iran hia obọ ro. Ivbiyokuo nẹdẹ ne egbe ẹre gbe ikpan ye okuo ọ re iran khin. Dọmwadẹ ọghọe vbe uwu iran mwẹ umozo, ne a ya gha khẹ odẹ ẹmwẹ igbinna asọn.

Hibru 4:12

Rhunmwuda, ekpakpasusu ọre ẹmwẹ Osanobua khin. Ọ mu sẹ agbadakagba ne ọ mwẹ unu eva, te ọ fiaẹn la ehia fo, ya sẹ ehe ne orhiọn kevbe ekhọe na sikan mu egbe, kevbe ehe ne akhuẹn kevbe efun ne ọ rre uwu ugboloko na vba egbe. Rẹn ọre ọ ta vbene iziro kevbe aho ekhọe emwa ne agbọn ye hẹ.

Arhie Maan 1:16

Ọ keghi viọ orhọnmwẹ ihinrọn mwẹ obọ erha ọmwa ẹnrẹn, umozo ne ọ mwẹ unu eva ne ọ wa mu, kegha ke uwu unu ẹnrẹn ladian. Ugbaro ẹre ye ghanghanghan zẹ vbe ne owẹn ye vbe ogiavan.

Arhie Maan 2:12

“Gbẹn ebe gie odibosa esọsi ne ọ rre Pẹgamọm wẹ: “Uhunmwu ne ọ gie ọ na khin ighẹ ọmwa ne ọ mwẹ umozo ne ọ mwẹ unu eva.

Giọgis 3:15

Ẹghẹ nii ọ re ivbi Izrẹl na datu tie e Nọyaẹnmwa, ọ keghi vbe gie okpia ọkpa ne ọ do miẹn iran fan. Ọmwa nii ọrọre Ehud, ẹkpẹnagobọ ne ovbi Gera vbe ẹwae Bẹnjamin. Ivbi Izrẹl keghi viọ emwi ihaoko ne Ehud viọ gie Ẹgiọn ne ọba Moab.

Giọgis 3:17

Rẹn keghi do viọ emwi ihaoko gie Ẹgiọn, ne ọ re ọmwa ne ọ kpọlọ egbe ẹsẹse.

Giọgis 3:21

Ehud keghi ye obọ iye ọmwa yuo agbada ni vbe obọ erha ọmwa, ọ na ziẹn rẹn ye ọba ni ẹko.