Giọgis 3:15 - Edo Bible (E Baibol Ẹdo) Version 1996

¹⁵ Ẹghẹ nii ọ re ivbi Izrẹl na datu tie e Nọyaẹnmwa, ọ keghi vbe gie okpia ọkpa ne ọ do miẹn iran fan. Ọmwa nii ọrọre Ehud, ẹkpẹnagobọ ne ovbi Gera vbe ẹwae Bẹnjamin. Ivbi Izrẹl keghi viọ emwi ihaoko ne Ehud viọ gie Ẹgiọn ne ọba Moab.

Giọgis 3:15 ပူးပေါင်းရင်းမြစ်များ

II Samuẹl 20:10

Amasa ma vbe bẹghe umozo ne Joab mu mwẹ, e Joab keghi bi umozo ye ọ re ẹko, ibiẹ ọre hia keghi silo ku otọ. Ọ ke wa wu vbe ọwarọkpa nii. E Joab ma ghi vbe fi ẹre emwi ọvbehe. Ẹre Joab kevbe Abisiai ne ọtiọnrẹn na khu e Siẹba.

II Samuẹl 20:9

E Joab keghi tama Amasa wẹẹ, “Vbọ ye hẹ ọse mwẹ.” Ọ na ya obọ erha ọmwa mu ẹre ẹtu ne ọ miẹn ehe na mu ẹre unu hiẹnhiẹn.

I Krọnikol 12:2

ne ivbi ẹwae Bẹnjamin ne Sọl ke rre, keghi ya deba ẹre. Iran sẹtin ye obọ erha ọmwa ra obọ iye ọmwa fi ifẹnmwẹ ra umọvọn.

I Krọnikol 8:3

Ivbi uniẹn e Bẹla kegha re Ada, Gera, Ahihud,

I Krọnikol 8:5

e Gera, e Sefufan kevbe Huram.

II Krọnikol 9:24

Dọmwadẹ ọghọe vbe uwu iran ghi vbe gha ya emwi ha okọ gie Solomọn, avbe emwi esiliva kevbe igoru, ẹwu, emwi igbinna, emwi ni winhin ẹsin kevbe ẹmila. Erriọ ọ re a wa gha ru ẹe ukpukpo.

Psalm 50:15

Ibaro gha rre, kpe tie mwẹ, I gha miẹn ruẹn fan wẹ ghi do gha rho mwẹ.”

Psalm 78:34

Ọ gha gbele eso vbe uwu iran, nekpa ghi zẹgiẹgiẹ lẹ bu ẹre rre, iran ghi ro iro fi uyinmwẹ werriẹ, iran ghi gha na erhunmwu akekhọerre ghe ẹre.

Psalm 90:15

Banbanna nian, rhie ọyẹnmwẹ ne ọ kpọlọ ne ima, vbe ẹghẹ usẹ mwa.

Itan 18:16

A dẹghe u ho ne u miẹn ọmwa kpataki aro, ya emwi ha oko giẹe, ẹ i ra zẹdẹ lọghuẹ hiehiere.

Itan 19:6

Emwa hia ọ re ọ ho ne iran gha re ọse okpọmwa, emwa hia ọ re ọ kha ighe ọse ọmwa ne ọ zẹ emwi obọ rẹn khin.

Itan 21:14

Deghẹ ọmwa okpa mu ohu ruẹ, u ghi la ẹkhokho ha oko gie ẹe, ọ gha fu ẹre ekhọe rre.

Aizaia 36:16

Wa ghẹ zẹye Hẹzekaia re! Ọgbaisi Asiria wẹ ne uwa ladian, ne uwa do rinmwian. A gha kue ne uwa gha rri ọmọ erhan azara uwa, ne uwa vbe gha rri ọmọ erhan ohọ uwa, ne uwa vbe gha wọn amẹ uhae ne uwa fiaẹn

Jerimaia 33:3

“Kpe tie mwẹ, I gha khuẹnniẹn. uẹn I gha ta ẹmwẹ ọyunnuan ni mu ohan ne u ma he rẹn emwirhọkpa vbe ekpa ẹre ma ruẹn.

Giọgis 2:16

Ẹghẹ nii ẹre e Nọyaẹnmwa na viọ avbe ọkaolotu ni wegbe ne Izrẹl, iran ni do miẹn iran fan vbe obọ avbe ikpata.

Giọgis 3:14

Ivbi Izrẹl kegha rre ototọ Ẹgiọn vbe ukpo eva irrọvbugie.

Giọgis 3:16

Ehud keghi ya dunmwu agbada ne ọ mwẹ unu eva ne ọ re omwa ibata ọkpa vbe ukhiọnmwẹ, ọ keghi gba ẹe ye obọ erha ọmwa ẹnrẹn vbene ọ na rhuan ukpọn gue ẹre.

Giọgis 3:9

Ẹghẹ nii ọ re ivbi Izrẹl na datu tie Nọyaẹnmwa, rẹn keghi gie okpia ọkpa gie iran ne ọ miẹn iran fan. Ọna kegha re Otniẹl ne ovbi Kenan ne ọtẹn Kelẹb ne kherhe.

Giọgis 4:3

E Jabin kegha mwẹ ikẹkẹ okuo ema tọn iyisẹn yan uri enẹ (900) Ọ keghi ye ekhọe dan gha khaemwisẹ yan ivbi izrẹl, vbe uyinmwẹ ne ọ wegbe kevbe ọkhọ, la ukpo ugie. Ẹre ivbi Izrẹl na datie Nọyaẹnmwa ne ọ do yi iran obọ.

I Samuẹl 10:27

Sokpan avbe ẹwobi emwa eso kegha kha wẹẹ, “Vbe oko na ra sẹtin ru ne ima yi?” Iran keghi ye aro tila e Sọl rua. iran ma ye imuohan gie ẹe.