Giọgis 3:12 - Edo Bible (E Baibol Ẹdo) Version 1996

¹² Ivbi Izrẹl keghi vbe dọlegbe rukhọ ghe e Nọyaẹnmwa. Rhunmwuda ọna, e Nọyaẹnmwa keghi gie Ẹgiọn ne ọba ọghe Moab wegbe sẹẹ Izrẹl.

Giọgis 3:12 ပူးပေါင်းရင်းမြစ်များ

II Ọba 5:1

E Naaman ne ọkaokuo e Siria kegha re ọmwa ne ọba e Siria daa na kevbe ne ọ vbe ye ọghọ na, rhunmwuda, akhọnmiotọ ni bun ọ re Nọyaẹnmwa he la obọ e Naaman rhie ne Siria. Ovbiyokuo nọkhua wa nọ, sokpan ọ kegha khuọnmwi alalọ.

Ẹksọdọs 9:16

Sokpan I ke sẹ uwa rae ye agbọn ne I miẹn ehe na rhie ẹtin mwẹ ma ruẹn, kevbe ne otiti mwẹ miẹn ehe na titi gba otọ agbọn hia.

Aizaia 10:15

Sokpan, e Nọyaẹnmwa khare wẹẹ, “Ughanmwa gha kha ighe rẹn ọ re ọ sẹ ọmwa ne ọ ya ẹe winna ra? Ọsara ọ re ọ vbe kpolo sẹẹ ọmwa ne ọ yae va erhan ra? Orhokhua i tọn ọmwa mu, ọmwa ọ re ọ tọn orhokhua mu.”

Aizaia 37:26

“Wẹ ma he họn ra ighẹ mẹ ọ re ọ mwamwa emwi na hia ke ẹghẹ ne ọ kpẹre gha dee? Banbanna nian, te I ghi do mu ẹẹn sẹ. Mẹ ọ re ọ rhie ẹtin ne uẹn ne u ya ye ẹvbo ne a gba odin gaa khian otiku emwirhiae.

Ezikiẹl 38:16

U gha dekun Izrẹl ne emwa mwẹ zẹ vbe okpẹhoho ne ọ gbe otọe ni dunmwu. Ẹghẹ nii gha sẹ, I gha giọ ne u mu okuo gha rrie otọe mwẹ ne I miẹn ehe na rhie ma avbe uhunmwu ẹvbo ọmwa ne I khin, ne I la ekpa emwi ne I lo ruẹ ya ru na rhiema vbene I huan hẹ.

Daniẹl 4:22

“Umogun, wẹ ọrọre nene erhan nii ne ọ taẹn kevbe ne ọ dido. U kpọlọ sẹrriọ wẹ te u ghi sẹ iso, ẹtin ruẹn, te ọ tan obọ gba agbọn na hia.

Daniẹl 5:18

“Osanobua ne ọ Sẹehia ọ re ọ maa erha a ọba ighe Nebukiadneza, ọba nọkhua, ọ keghi vbe rhie ọghọ vbe ẹtin ne ẹẹn.

Hozia 6:4

Sokpan, e Nọyaẹnmwa khare wẹẹ, “Izrẹl kevbe Juda, vbe I a ra ya uwa ru? Ahoẹmwọmwa uwa ghe mwẹ, vbene a zẹgiẹgiẹ ho evbu owiẹ bẹkun, te ọ yevbe evbu ne a zẹgiẹgiẹ ho kẹbun vbe owiẹ.

Iyẹn ne ọ Maan Ọghe Jọn 19:11

Jesu wanniẹn tama rẹn wẹ, “Akpawẹ Osanobua ma rhie ẹtin na nu ẹn, u i ghẹ gha mwẹ asẹ rhọkpa vbe egbe mwẹ. Rhunmwuda ọnii, ọmwa ne ọ mu mwẹ guẹ ọre ọ rri abe ne ọ sẹre.”

Giọgis 2:11

Ẹghẹ nii ivbi Izrẹl keghi ru orukhọ ghe Nọyaẹnmwa, iran na ya gha gho e Bal.

Giọgis 2:14

Ohu Izrẹl keghi kakabọ mu e Nọyaẹnmwa, ọ na gie avbe ikpata gha mu bu iran yo ne iran vbe gha rha iran. Ọ keghi gie obọ avbe eghian ni lẹga iran gba iran. Ivbi Izrẹl ma ghi sẹtin da egbe iran yi hin obọ ẹbe.

Giọgis 2:19

Sokpan ọkaolotu ghẹ ghi wu nẹ, emwa nii ghi vbe werriegbe la odẹ nẹdẹ, iran ghi vbe ru emwi ne o khọrhiọn sẹ orre ne iran lele. Iran ghi lele avbe ẹbọ ọvbehe, iran ghi ga iran vbe ya uhunmwu rhanmwẹ otọ ne iran. Iran keghi ye izevbudu gha ru emwi dan iran khian.

Giọgis 3:11

Ọfumwegbe kegha rre otọe ni la ukpo iyeva, ẹre Otniẹl ne ovbi Keniz ghi na wu.

I Samuẹl 12:9

Sokpan, iran keghi mianmian e Nọyaẹnmwa ne Osanobua iran, rẹn keghi gie Siseria ne ọkaokuo ivbi iyokuo ẹvbo ne a tie ẹre Hazọ, ivbi e Filistin kevbe ọba Moab gu iran gbinna kevbe ne ọ khọn iran muotọ.