Giọgis 3:11 - Edo Bible (E Baibol Ẹdo) Version 1996

¹¹ Ọfumwegbe kegha rre otọe ni la ukpo iyeva, ẹre Otniẹl ne ovbi Keniz ghi na wu.

Giọgis 3:11 ပူးပေါင်းရင်းမြစ်များ

I Krọnikol 4:13

E Kenaz kegha mwẹ emọ ikpia eva, ena ọ re Otniẹl kevbe Seraia. Otniẹl keghi vbe gha mwẹ emọ ikpia eva, ena ọ re Hatat kevbe Meonotai.

Nehimaia 9:28

Ọfumwegbe ghi vbe se obọ nẹ, iran kevbe dọlegbe rukhọ ghe ruẹ wẹ kevbe gie eghian dọlegbe khọn iran, sokpan, iran ghi fiwerriẹ, iran na vbe rinmwian ne u miẹn iran fan, u keghi họn vbe ẹrinmwi, yan egbe yan egbe u keghi ya itohan fannọ iran vbe irri.

Ẹsta 9:22

Ọna kegha re ẹdẹ ne avbe Ju fuẹn avbe eghian iran vbene iran na rhie iran obọ hin ẹkun rre, ọna kegha re uki ne a fiwerriẹ ke vbe ọghe akhiẹ kevbe iro han ọmwa rre khian ọghe oghọghọ kevbe ọyẹnmwẹ. A keghi tama iran wẹ ne iran gha ya evbare ne a re ya ghọ egbe ye ẹdẹ ne ẹdẹrriọ rre, deba evbare ne a le fian gie egbe kevbe ne a tie emwa ọvbehe sẹ owa yi, a ghi vbe gha rhie ne avbe ivbiogue.

Jọsua 11:23

E Jọsua keghi khọn otọe ni hia fẹẹrẹ zẹ vbene Nọyaẹnmwa tama e Mosis. Ọ keghi muẹn ne ivbi Izrẹl ne ọ gha re ọghe iran, a na do gha ẹre ako ako, ọkpọkpa ne ẹwae ọkpọkpa. Ẹre emwa nii na ghi hẹwẹ vbe okuo.

Jọsua 15:17

Otniẹl ne ọtẹn Kelẹb ne ovbe re ovbi e Keniz keghi khọn ẹvbo nii. E Kelẹb keghi rhie Aksa ne ovbi ẹre ne okhuo ne ẹẹn rhie rọnmwẹ.

Giọgis 3:10

Orhiọn e Nọyaẹnmwa keghi hin yan ẹnrẹn, ọ keghi gha re ọkaolotu Izrẹl. Otniẹl kegha rrie okuo, e Nọyaẹnmwa keghi gie ẹe khọn ọba Mẹsopotamia miotọ.

Giọgis 3:12

Ivbi Izrẹl keghi vbe dọlegbe rukhọ ghe e Nọyaẹnmwa. Rhunmwuda ọna, e Nọyaẹnmwa keghi gie Ẹgiọn ne ọba ọghe Moab wegbe sẹẹ Izrẹl.

Giọgis 3:30

Ivbi Izrẹl keghi khọnmiotọ vbe uhunmwu e Moab ẹdẹ nẹdẹrriọ. Ọfumwegbe kegha rre otọe nii la ukpo iyenẹ.

Giọgis 3:9

Ẹghẹ nii ọ re ivbi Izrẹl na datu tie Nọyaẹnmwa, rẹn keghi gie okpia ọkpa gie iran ne ọ miẹn iran fan. Ọna kegha re Otniẹl ne ovbi Kenan ne ọtẹn Kelẹb ne kherhe.

Giọgis 5:31

“Erriọ e Nọyaẹnmwa, te eghian ruẹn hia gha wulo, sokpan ne avbe ọse ruẹ gha wan uwanmwẹ vbe owẹn owiẹ!” Ẹre ọfumwegbe na vbe do gha rrọọ la ukpo iyeva.

Giọgis 8:28

Izrẹl keghi khọnmiotọ vbe uhunmwu e Midian, ọ ma ghi vbe gha re emwi ne ọ si afianma ọvbehe. Otọe nii kegha rre ọfumwegbe la ukpo iyeva vbe ẹghẹ ne Gidiọn na gha rre agbọn.