Giọgis 21:6 - Edo Bible (E Baibol Ẹdo) Version 1996

⁶ Sokpan ọ keghi kakabọ da ivbi Izrẹl ne etẹn iran ighẹ ẹwae Bẹnjamin, iran keghi kha wẹẹ, “Ẹwae ọkpa wa wii Izrẹl ẹrẹna.

Giọgis 21:6 ပူးပေါင်းရင်းမြစ်များ

II Samuẹl 2:26

Abna keghi datie Joab wẹẹ, “Igbinna ọre a ghi wa gha gbinna khian ẹdẹ ra? Wẹ ma rẹn wẹ ọ ma ọkpa ne a ra miẹn gberra a khọ ẹko egbe i rrọọ? Ivbi ẹvbo ọkpa ma gba khin. Vbe ọ khian kpẹe sẹ hẹ u ke tama emwa ruẹn ne iran ghẹ ghi khu ima?”

Hozia 11:8

“Vbe I a ghi ra he uwẹ fua hẹ Izrẹl? Vbe I a ghi ra sẹtin fi iyeke gbuẹ hẹ? Mẹ gha sẹtin fuẹn uwẹ ua zẹ vbe Adma ra? Ra ne I ru uẹ vbene I ru Zẹboim? Ekhọe i sẹ mwẹ ya ru ẹe ahoẹmwọmwa mwẹ ghe ruẹ kpọlọ gbe.

Giọgis 11:35

Rẹn keghi bẹghe ẹre, ọ keghi ye akhiẹ yanghan ukpọn ye egbe ẹre urhu, ọ na kha wẹẹ, “Eu, ovbi mwẹ! U kpan mwẹ udu nẹ, vbe a ghi na miẹn hẹ ighẹ wẹ ọ re ọ do si obalọ vbenian yọ mwẹ egbe. I ye ekhọe hia yan ma e Nọyaẹnmwa nẹ, ẹ i mwẹ I ma mu ẹẹn sẹ.”

Giọgis 21:15

Ọ keghi wa da emwa nii ne ivbi e Bẹnjamin, rhunmwuda e Nọyaẹnmwa duẹ akugbe ne ọ rre ẹkpo avbe ẹwae ivbi Izrẹl rua nẹ.

Giọgis 21:5

Iran keghi nọ wẹẹ, “Vbe uwu ẹwae Izrẹl hia, de ne ọ ma rre do si koko ye odaro e Nọyaẹnmwa vbọ vbe Mizpa?” Iran vbe vẹn ihẹn nẹ wẹ ọmwa ne ọ ma rre do si koko ye odaro e Nọyaẹnmwa vbe Mizpa, te a gha gbe ẹe rua.

Giọgis 21:7

Vbe a gha ru ẹe hẹ ne a ya viọ ikhuo ne ni ghi dekẹe vbe ivbi e Bẹnjamin? Ma yan ma e Nọyaẹnmwa nẹ wẹ ma i ra viọ ivbi ima ne ikhuo ne iran.”