Giọgis 21:10 - Edo Bible (E Baibol Ẹdo) Version 1996

¹⁰ Ẹre iran ni si koko ye evba na hannọ arriaisẹn iweva (12,000) vbe uwu emwa iran ni ze vbe ẹkoko udu sẹ, iran na gie iran wẹẹ, “Wa gha khian ya gbele emwa hia ni rre Jabẹs ke ikhuo kevbe ibiẹka.

Giọgis 21:10 ပူးပေါင်းရင်းမြစ်များ

Nọmbas 31:17

Rhunmwuda ọnii nian, gbele ibiẹka ikpia hia, kevbe ikhuo hia ni rẹn okpia nẹ.

Diuteronomi 13:15

Wa ghi gbele emwa ni rre ẹvbo nii hia ke ẹmila iran, wa ghi wa fuẹn ẹvbo nii fo fẹẹrẹ.

Jọsua 7:24

E Jọsua kevbe ivbi Izrẹl hia keghi mu Ekani, kevbe esiliva kevbe agbada ẹwu kevbe ẹgba igoru nii, ivbi ẹre ne ikpia kevbe ne ikhuo, kevbe ẹmila ekẹtẹkẹtẹ kevbe ohuan rẹn, owa ukpọn rẹn, kevbe emwi ne ọ ghi mwẹ hia iran na viọ iran gha rrie Iya Orueghe.

Giọgis 21:5

Iran keghi nọ wẹẹ, “Vbe uwu ẹwae Izrẹl hia, de ne ọ ma rre do si koko ye odaro e Nọyaẹnmwa vbọ vbe Mizpa?” Iran vbe vẹn ihẹn nẹ wẹ ọmwa ne ọ ma rre do si koko ye odaro e Nọyaẹnmwa vbe Mizpa, te a gha gbe ẹe rua.

Giọgis 21:8

Ẹre iran na nọ wẹẹ, “De ne ọ ma rri ehe ne Nọyaẹnmwa ye vbe Mizpa vbe uwu ẹwae ivbi Izrẹl?” Iran keghi do gualọ ẹe miẹn wẹ ọmwa rhọkpa ma ke Jabẹs ne Giliad rre do gu emwa si koko vbe agọ nii.

Giọgis 21:9

Iran ghi tie ivbi iyokuo ni hia si koko, ọmwa Jabẹs ọkpa i zẹdẹ rre evba.

Giọgis 5:23

Erriọ odibo e Nọyaẹnmwa khare, “Wa fi e Mẹrẹz unu. ihẹn, ihẹn vbe uhunmwu iran ni rre evba. Iran ma ye Nọyaẹnmwa obọ, iran ma rre vbe ivbi iyokuo gbinna ne ẹẹn.

I Samuẹl 11:7

Ọ na munọ ẹkhuia ẹmila eva, ọ keghi giagia iran ukhiọnmwẹ ukhiọnmwẹ, ọ na viọ ne emwa viọ la otọe Izrẹl hia khinkhian, ne iran vbe gha kha wẹẹ, “Ọmwaikọmwa ne ọ ma lele e Sọl kevbe Samuẹl ye okuo, vbenian ọ re a ra ru ẹmila ẹre!” Ohan emwi ne Nọyaẹnmwa gha ru kegha mu ivbi Izrẹl, ehia keghi wa vẹ ladian vbene ọkpa ma na vbe ke ẹe vbọ.

I Samuẹl 15:3

Gha khian, ya dekun emwa Amalẹk ne u wa fuẹn emwi hia ne iran mwẹ uan fẹẹrẹ. Ghẹ sẹ emwi ọkpa rae, wa gbele ehia a, ikpia ikhuo, ibiẹka, emọ obọ, ẹmila, ohuan e kamẹl kevbe ekẹtẹkẹtẹ.”