Giọgis 21:1 - Edo Bible (E Baibol Ẹdo) Version 1996

¹ Ivbi Izrẹl keghi wa yan ma e Nọyaẹnmwa vbe Mizpa: “Ma rhọkpa i ra kue ne ivbie Bẹnjamin rhie ivbi ima rọnmwẹ.”

Giọgis 21:1 ပူးပေါင်းရင်းမြစ်များ

Asan-Ibo 5:2

Gha roro ẹmwẹ u kegha tae, ghẹ gha khirhi yan eyan ma Osanobua. Ẹrinmwi rẹn ye, agbọn ọ re uwẹ ye, rhunmwuda onii ghẹ talọ gbe.

Jerimaia 4:2

ọ sẹtin gha re emwi ne ọ kere ne uwa, ne uwa gha ye eni mwẹ vinhẹn. Ẹghẹ nii avbe uhunmwu ẹvbo hia gha rinmwian mwẹ ne I fiangbe iran, iran ghi vbe gha rho mwẹ.”

Jerimaia 40:6

I keghi bu e Gedalaia vbe Mizpa, I na gu avbe emwa ni ghi kẹe vbe ẹvbo nii tota.

Iyẹn ne ọ Maan Ọghe Mak 6:23

Ọ keghi vẹn ihẹn ya yan ma rẹn, “Emwi ne u rhirhi nọọn, I gha rhie nu ẹn, a gha rhe wẹ ne a wa arriọba mwẹ ye eva nọ.”

Iwinna 23:12

Vbe owiẹ ikpẹdẹ ne ọ lele ẹe, iran keghi si uma. Iran keghi vẹn ihẹn wẹ iran i ra re iran i ra da rhinrin iran te do gbe Pọl rua.

Ebe ne Pọl gbẹẹn gie emwa Rom 10:2

Rhunmwuda I gha wa sẹ osẹe ne iran. wẹ ẹmwẹ Osanobua wa rre iran ekhọe ẹsẹse. Sokpan, vbene ẹmwẹ ọnrẹn rre iran ekhọe ma lele uviẹn ọghe ọmwa ne ọ rẹn emwi ẹse.

Giọgis 20:1

Ivbi Izrẹl hia fẹẹrẹ, ke Dan vbe odẹ okuọ ya sẹ Biẹsiẹba vbe odẹ ekẹn kevbe otọ Giliad vbe odẹ ahọ, ehia keghi khuẹnniẹn utiemwẹ na. Iran keghi wa si koko ye odaro e Nọyaẹnmwa vbe Mispa.

Giọgis 20:10

Obọkpa vbe uwu igbe vbe ivbi Izrẹl ghi viọ evbare ne ivbi iyokuo, ni ghi de kẹe ghi ya rri e Gibea oya ye uyinmwẹ ihin ne iran yinrin vbe Izrẹl.”

Giọgis 20:48

Ivbi Izrẹl na werriegbe, iran na mu aro da ni ghi kẹe vbe ivbi e Bẹnjamin, iran na gha gbele iran an, ikpia kevbe ikhuo ni rre ẹvbo ni ke ẹe kevbe aranmwẹ kevbe avbe emwi ọvbehe hia ne iran ghi miẹn. Iran keghi giẹn ẹvbo hia ni ghi re eni uan.

Giọgis 20:8

Emwa ni hia keghi wa koko kpaegbe, iran wẹẹ, “Ọmwa ne ọ gha yo owa vbe uwu ima i rrọ, ọ re owa ne owa ọ re ọ ye ra owa ukpọn nọ.

Giọgis 21:18

Sokpan ma i sẹtin gie iran viọ ivbi ima rọnmwẹ, rhunmwuda ma tie ihẹn yọ nẹ emwi gha rruan ọmwa ne ọ rhirhi rhie ovbi ẹre ne iran vbe uwu ima.”

Giọgis 21:22

A deghẹ erha iran ra etẹn iran ghi rre do gui, ma gha sẹtin tama iran wẹẹ, ‘Wa lahọ, wa sẹ iran rae ne ima, ẹ i re okuo ma na munọ iran do ya khian amwẹ ima. Vbene a ghi na miẹn wẹ wa ma ya iran ne ima, wa ma rri ihẹn ne uwa vẹn!’ ”

Giọgis 21:5

Iran keghi nọ wẹẹ, “Vbe uwu ẹwae Izrẹl hia, de ne ọ ma rre do si koko ye odaro e Nọyaẹnmwa vbọ vbe Mizpa?” Iran vbe vẹn ihẹn nẹ wẹ ọmwa ne ọ ma rre do si koko ye odaro e Nọyaẹnmwa vbe Mizpa, te a gha gbe ẹe rua.

Giọgis 21:7

Vbe a gha ru ẹe hẹ ne a ya viọ ikhuo ne ni ghi dekẹe vbe ivbi e Bẹnjamin? Ma yan ma e Nọyaẹnmwa nẹ wẹ ma i ra viọ ivbi ima ne ikhuo ne iran.”

I Samuẹl 14:24

Vbe ẹdẹ ne a kha na, ohanmwẹ keghi wọ ivbi Izrẹl egbe, rhunmwuda, e Sọl ya eyan ne ọ ke ekhọe rre tama emwa hia wẹẹ, “Emwi ọ gha rruan ọmwaikọmwa ne ọ rri evbare ẹrẹna I te do rria ikhi vbe egbe avbe eghian mwẹ.” Ọ re a na miẹn wẹ, ọmwa rhọkpa ma he rri evbare ẹdẹ nẹdẹrriọ hia.