Giọgis 20:6 - Edo Bible (E Baibol Ẹdo) Version 1996

⁶ Ọre I na mu ikun ẹnrẹn, I na giagia ẹre ukhiọnmwẹ, I na ghae ẹre la otọ Izrẹl hia. Emwi dan, emwi ọrhiae ọ re iran na ru vbe uwu ẹbu ima.

Giọgis 20:6 ပူးပေါင်းရင်းမြစ်များ

Gẹnẹsis 34:7

vbe uwu ẹghẹ ne ivbiẹre na ke uwu oha rre zẹẹ. Ugbẹn vbe iran họn ẹmwẹ na, udu iran si vbọ, ohu ke mu iran ẹsẹse wẹ Siẹkẹm ru emwi ohan vberriọ, ọ na fi unu gie ivbi Izrẹl hia vbekpa ne ọ na ya ẹtin gu ovbi e Jekọb ru emwi.

Levitikọs 18:24

Wa ghẹ yin avbe uyinmwẹ na ya mu awua gie egbe uwa. Odẹ vbenian, ọre avbe ni ga ẹbọ ni ka gha rre otọe na khẹ uwa ya mu awua gie egbe iran, te Nọyaẹnmwa ghi khulo iran kua na ne uwa miẹn ehe na larọ.

Levitikọs 18:30

E Nọyaẹnmwa ke kha wẹẹ, “Wa gha rhie owẹ lele ilele ne I rhie ne uwa, wa ghẹ yin uyinmwẹ avbe iran ni ka gha rre otọe nii khẹ uwa, wa ghẹ mu awua gie egbe uwa vbe ekpa ne uwa gha na ru avbe emwi na. Mẹ ọre Nọyaẹnmwa ne Osanobua rua.”

Jọsua 7:15

Ọmwa ne a miẹn avbe emwi nii vbe obọ ẹre, a ghi giẹn ọnrẹn uan kevbe ẹgbẹe ọre kevbe emwi ne ọ mwẹ hia. Emwi ne ọ mu ohan ọre ọ ru, ọ keghi rra ẹmwẹ ne imẹ vbe emwa mwẹ gba ta.”

Giọgis 19:22

Iran ghi rre uwu ọyẹnmwẹ nii, vbe udomwurri, emwa oya eso keghi ke ẹvbo nii rre, iran lẹga owa nii, iran na kpe ẹkhu gbigbigbi. Iran keghi tama ediọnmwa nii wẹẹ, “Rhie okpia ne ọ leluẹ gha die owa han ladian, ma ra gu ẹe ru emwi ọdọ vbe amwẹ.”

Giọgis 19:23

Sokpan, ediọnmwa ni tama iran wẹẹ, “Ẹ i re erriọ, wa ne ọse mwẹ! Wa lahọ, wa ghẹ zẹ iba ukẹkẹmwẹ vbe nian! Orhunmwuyẹn mwẹ ọ re okpia na khin!

Giọgis 19:29

Rẹn ghi sẹ owa, ọ keghi la owa, ọ na ya rhie erọ. Ọ keghi mu ikun ọsiọre, ọ keghi giagia ẹe ye ukhiọnmwẹ iweva, ọ na viọ ẹre gie dọmwadẹ ẹwae hia ni rre Izrẹl.

Giọgis 20:10

Obọkpa vbe uwu igbe vbe ivbi Izrẹl ghi viọ evbare ne ivbi iyokuo, ni ghi de kẹe ghi ya rri e Gibea oya ye uyinmwẹ ihin ne iran yinrin vbe Izrẹl.”