Giọgis 20:5 - Edo Bible (E Baibol Ẹdo) Version 1996

⁵ Ivbi e Gibea kegha dee do mu mwẹ, iran keghi ghae lẹga owa nii vbe asọn. Te iran te ho ne iran gbe mwẹ uan. Sokpan ye ihe ọnii, iran keghi mu ọse mwẹ, iran keghi ye ẹtin vbe iwegbe gha gu ẹe ru emwi ọdọ vbe amwẹ, rẹn na ghi wu.

Giọgis 20:5 ပူးပေါင်းရင်းမြစ်များ

Levitikọs 18:24

Wa ghẹ yin avbe uyinmwẹ na ya mu awua gie egbe uwa. Odẹ vbenian, ọre avbe ni ga ẹbọ ni ka gha rre otọe na khẹ uwa ya mu awua gie egbe iran, te Nọyaẹnmwa ghi khulo iran kua na ne uwa miẹn ehe na larọ.

Diuteronomi 22:21

ẹghẹ nii, a ghi rhie ẹre ladian gha rrie onurho owa erha ẹe, emwa ẹvbo ẹre ghi filo okuta gbe ẹe rua vbe evba. Emwi ekhue ọ re ọ ru vbe uwu ẹbu vbe ekpa ne ọ na rẹn okpia nẹ, ọ ke ya rọnmwẹ ọdọ, awẹ vbe ẹghẹ ne ọ na rre owa erha ẹe. Odẹ vbe nian wa gha gbe ukhu emwi dan na uan.

Diuteronomi 22:24

Wa ghi viọ iran hin ore ẹvbo rre, a ghi ya filo okuta gbele iran an. Ọ kere ne ọmọ okhuo nii wu rhunmwuda ọ ma tu wẹ ne a bu irẹn rre ugbẹn vbe a miẹn wẹ adesẹ ore ẹvbo, ehe ne emwa gha na họn ọ re ọ ye. Ọ kere ne nene okpia vbe wu rhunmwuda, ọ kegha gu ọmọ ne a ya ne ovbi Izrẹl ne ihua ẹre ru emwi. Vbe odẹ vbenian, wa ghi gbe ukhu ọkhọ na an.

Jọsua 7:15

Ọmwa ne a miẹn avbe emwi nii vbe obọ ẹre, a ghi giẹn ọnrẹn uan kevbe ẹgbẹe ọre kevbe emwi ne ọ mwẹ hia. Emwi ne ọ mu ohan ọre ọ ru, ọ keghi rra ẹmwẹ ne imẹ vbe emwa mwẹ gba ta.”

Giọgis 19:22

Iran ghi rre uwu ọyẹnmwẹ nii, vbe udomwurri, emwa oya eso keghi ke ẹvbo nii rre, iran lẹga owa nii, iran na kpe ẹkhu gbigbigbi. Iran keghi tama ediọnmwa nii wẹẹ, “Rhie okpia ne ọ leluẹ gha die owa han ladian, ma ra gu ẹe ru emwi ọdọ vbe amwẹ.”

Giọgis 19:28

Okpia nii keghi kha wẹẹ, “Kpaegbe ne u gie ima gha khian.” Sokpan, ọ ma rhie ewanniẹn yọ. Rhunmwuda ọnii, ọ keghi mu ikun ẹnrẹn gba yan ekẹtẹkẹtẹ, ọ na suẹn okhian.

Giọgis 20:4

E Livai ne iran gbe ẹre ọsiọre ua ni keghi wanniẹn wẹẹ, “Mẹ vbe ọse mwẹ keghi gba gha rrie Gibea vbe otọ Bẹnjamin ne ina ya gbe asọn ọkpa vbe evba.