Giọgis 20:32 - Edo Bible (E Baibol Ẹdo) Version 1996

³² Ivbi e Bẹnjamin keghi kha wẹẹ, “Obọ mwa vba iran vbene ọ ka ye ẹdẹ.” Sokpan ivbi Izrẹl keghi kha wẹẹ, “Wa gie ima lẹ, ne a miẹn ehe na silo iran ladian vbe ore ẹvbo la odẹ.”

Giọgis 20:32 ပူးပေါင်းရင်းမြစ်များ

Jọsua 8:5

Ke imẹ kevbe emwa mwẹ gha vbe gha die nene ẹvbo nii, iran ghẹ ghi ladian ne iran do gu ima gbinna, ma ghi lẹ, zẹ vbene a ka ru vbe ẹghẹ okaro.

Jọsua 8:6

Iran gha zẹ ima khu rhinrin ma te do silo iran ke ẹvbo iran ladian. Iran ghi gha ro ighẹ te ima lẹ ne iran, zẹ vbene ima ka ru yi.

Giọgis 20:31

Ivbi e Bẹnjamin keghi ladian ne iran do gbinna, iran na gie iran ladian hin adesẹ ore ẹvbo ni rre, iran keghi suẹn gha gbele emwa eso vbe odẹ Bẹtẹl, odẹ ne a la ye Gibea kevbe avbe uwu oha. Iran keghi gbele omwa ivbi Izrẹl ọgban.

Giọgis 20:33

Ẹre iran ni bun sẹ vbe ivbi iyokuo Izrẹl na lẹ ladian, iran na ya dọlegbe mwamwa egbe vbe Baaltama, sokpan iran ni lẹga ẹvbo nii keghi wa sannọ ladian vbe udomwurri vbe ehe ne iran lẹre yi vbe ẹvbo oke ni lẹga ẹvbo nii.

Giọgis 20:39

Ivbi Izrẹl ni gbinna vbe odaro okuo ghi fi egbe werriẹ, vbe ẹghẹ na, emwa Bẹnjamin gbele sẹ arhi ọgban nẹ vbe ivbi Izrẹl. Iran na gha tama egbe iran wẹẹ, “Obọ mwa vbe vba iran nẹ vbene ọ ka ye ẹdẹ.”