Giọgis 20:10 - Edo Bible (E Baibol Ẹdo) Version 1996

¹⁰ Obọkpa vbe uwu igbe vbe ivbi Izrẹl ghi viọ evbare ne ivbi iyokuo, ni ghi de kẹe ghi ya rri e Gibea oya ye uyinmwẹ ihin ne iran yinrin vbe Izrẹl.”

Giọgis 20:10 ပူးပေါင်းရင်းမြစ်များ

Levitikọs 18:24

Wa ghẹ yin avbe uyinmwẹ na ya mu awua gie egbe uwa. Odẹ vbenian, ọre avbe ni ga ẹbọ ni ka gha rre otọe na khẹ uwa ya mu awua gie egbe iran, te Nọyaẹnmwa ghi khulo iran kua na ne uwa miẹn ehe na larọ.

Diuteronomi 22:21

ẹghẹ nii, a ghi rhie ẹre ladian gha rrie onurho owa erha ẹe, emwa ẹvbo ẹre ghi filo okuta gbe ẹe rua vbe evba. Emwi ekhue ọ re ọ ru vbe uwu ẹbu vbe ekpa ne ọ na rẹn okpia nẹ, ọ ke ya rọnmwẹ ọdọ, awẹ vbe ẹghẹ ne ọ na rre owa erha ẹe. Odẹ vbe nian wa gha gbe ukhu emwi dan na uan.

Jọsua 7:15

Ọmwa ne a miẹn avbe emwi nii vbe obọ ẹre, a ghi giẹn ọnrẹn uan kevbe ẹgbẹe ọre kevbe emwi ne ọ mwẹ hia. Emwi ne ọ mu ohan ọre ọ ru, ọ keghi rra ẹmwẹ ne imẹ vbe emwa mwẹ gba ta.”

Giọgis 20:11

Ẹre emwa hia ni rre Izrẹl na do sikoko vbe iro ọkpa, ọnii nọ wẹ ne a khọn nene ẹvbo.

Giọgis 20:6

Ọre I na mu ikun ẹnrẹn, I na giagia ẹre ukhiọnmwẹ, I na ghae ẹre la otọ Izrẹl hia. Emwi dan, emwi ọrhiae ọ re iran na ru vbe uwu ẹbu ima.

Giọgis 20:9

Emwi ne ima gha ru ọ re ọna khin, ma gha yan uta yọ, ma ghi zẹ emwa eso ne iran ya khọn Gibea.

Giọgis 21:1

Ivbi Izrẹl keghi wa yan ma e Nọyaẹnmwa vbe Mizpa: “Ma rhọkpa i ra kue ne ivbie Bẹnjamin rhie ivbi ima rọnmwẹ.”