Giọgis 20:1 - Edo Bible (E Baibol Ẹdo) Version 1996

¹ Ivbi Izrẹl hia fẹẹrẹ, ke Dan vbe odẹ okuọ ya sẹ Biẹsiẹba vbe odẹ ekẹn kevbe otọ Giliad vbe odẹ ahọ, ehia keghi khuẹnniẹn utiemwẹ na. Iran keghi wa si koko ye odaro e Nọyaẹnmwa vbe Mispa.

Giọgis 20:1 ပူးပေါင်းရင်းမြစ်များ

II Samuẹl 19:14

Ẹmwẹ ne Devid ta ẹe keghi wa mu ekhọe emwa e Juda hia, iran keghi gie ne a tama rẹn wẹ ne ọ werriegbe gha dee irẹn kevbe ekhaẹmwẹ ọnrẹn hia.

II Samuẹl 2:9

Ọ keghi ma ẹre ọba ọghe otọ Giliad, Asia, Jezrẹl, Ifreim kevbe Bẹnjamin, ne a wa kha wẹ, ọghe otọ Izrẹl hia.

II Samuẹl 24:2

Ẹre Devid na tama e Joab ne ọkaokuo ẹre wẹẹ, “Viọ emwa iwinna ruẹn mwẹ obọ, ne uwa la ẹwae Izrẹl hia khinkhian ne uwa ka emwa hia. I ho ne I rẹn inu ne iran khin.”

I Ọba 5:5

E Nọyaẹnmwa tama erha mwẹ ighẹ Devid wẹ ovbi uẹ ne I gha ya rriọba lele uẹ gha bọ owa mẹ. I mu egbe nian ne I ya bọ Ọgua Osa nii, ehe ne a gha na gha ga e Nọyaẹnmwa Osanobua mwẹ.

II Ọba 25:23

Ugbẹn vbe ivbi iyokuo e Juda ni ma viọ egbe iran yan iran obọ, kevbe avbe ọkaokuo ghi họn, iran keghi ya deba e Gedalaia vbe Mizpa iran na kegha re Ismaẹl ne ovbi e Nẹtanaia, Johanam ne ovbi e Karea, Seraia ne ovbi e Tanhumet ne ovbi ẹvbo ne a tie ẹre Nẹtofa, kevbe Jezenia ne ọ ke Maaka rre.

I Krọnikol 21:2

E Devid keghi tama e Joab kevbe avbe ọkaokuo nekpa wẹẹ, “Wa la otọe Izrẹl sẹ ehe ne ọ sẹe ehe ne ọ rhanmwẹ ne uwa ka emwa ni rrọọ. I ho ne I rẹn inu emwa ni rrọọ.”

II Krọnikol 30:5

iran keghi gie ne a tie ivbi Izrẹl hia kevbe Dan ne ọ rre odẹ ahọ kpao ya sẹ Biẹsiẹba ne ọ rre odẹ ekẹn, ne iran gha die Jerusalẹm ne iran do ru emwiukpo Alagberra zẹ vbene Uhi khare, ne emwa bun sẹ vbene ọ he ka ye de ẹdẹ.

Ẹzra 3:1

Vbene ọ ghi te sẹ odẹ uki ne ogihinrọn, ivbi Izrẹl hia keghi gbe ẹkun sẹ otọ vbe dọmwadẹ ẹvbo iran. Iyeke ọnii, iran hia keghi si egbe koko vbe Jerusalẹm.

Nehimaia 11:27

kevbe Hazasual kevbe Biẹsiẹba, kevbe avbe igue ni lẹga ẹre.

Nehimaia 8:1

Vbe ọ ghi te sẹ uki ne ogihinrọn, ivbi Izrẹl hia keghi gbe ẹkun sotọ vbe ẹvbo edọmwadẹ ọghọe. vbe uki ne okaro ọghe, uki ni, iran hia ke do si egbe koko vbe Jerusalẹm, vbe ehe ne otọe na vbe aro vbe uwu Urho Amẹ. Iran ke wẹ ne Ẹzra ne ohẹn kevbe ne ọ rẹn uhi ne Nọyaẹnmwa rhie la obọ e Mosis gie ivbi Izrẹl ne ọ mu ebe nene uhi re.

Jerimaia 40:6

I keghi bu e Gedalaia vbe Mizpa, I na gu avbe emwa ni ghi kẹe vbe ẹvbo nii tota.

Nọmbas 32:1

Ẹwae ọghe Riubẹn kevbe Gad keghi wa gha mwẹ ẹmila ni bun ẹsẹse. Ugbẹn vbe iran ghi miẹn vbene otọe Jazẹ kevbe Giliad maa ne avbe ẹmila hẹ,

Nọmbas 32:40

Ẹre Mosis na mu Giliad ne ẹwae Makia ne iran gha rre evba.

Jọsua 15:38

E Dilian, Mispa, Joktil,

Jọsua 17:1

Rhunmwuda ighẹ Manasẹ ọrọre ovbi e Josẹf ne ọdiọn, a keghi fian vbe otọe ni mu ne ẹgbẹe Manasẹ, e Makiẹ ne erha Giliad ọ re ọ gha re ovbi e Manasẹ ne ọdiọn, ọ kevbe re ovbiyokuo, rhunmwuda ọnii, a keghi mu Giliad kevbe Basian ne ẹẹn.

Jọsua 18:26

Mispa, Kiefira, Moza,

Jọsua 22:12

Ugbẹn vbe ivbi Izrẹl hia ghi họn ọna, iran hia keghi si egbe koko vbe Siailo ne iran ya gu iran gbinna.

Jọsua 22:9

Ọ re emwa ni rre ẹwae e Riubẹn, Gad, kevbe odẹ ahọ vbe ẹwae Manasẹ na werriegbe gha rrie owa, iran keghi sẹ ivbi Izrẹl ni dekẹe rae vbe Siailo vbe otọe Kenan, iran na gha rrie otọe Giliad ne ọ re otọe iran, ne iran ya ehia khian ọghe iran zẹ vbene Nọyaẹnmwa la unu e Mosis tama iran.

Jọsua 4:13

Vbene e Nọyaẹnmwa na gha ghe iran, arhunmwu arriaisẹn iyeva (40,000) ni mu egbe okuo, keghi fian ẹẹn gberra la otọe ne ọ rriẹe vbe ọkpẹn Jẹriko.

Giọgis 10:17

Ẹre ivbi iyokuo Amọn na si egbe koko, iran na do bu agọ vbe Giliad. Ivbi Izrẹl keghi vbe si egbe koko iran na bu agọ vbe Mizpa vbe Giliad.

Giọgis 11:11

Ẹre Jẹfta ghi na lele avbe ọkaolotu nii gha rre Giliad, iran ke ya ẹe ru ne ọ khaemwisẹ kevbe olotu iran. E Jẹfta keghi hẹnhẹn unu emwi hia vbe Mizpa, vbe odaro e Nọyaẹnmwa.

Giọgis 11:34

E Jẹfta ghi dọlegbe die Mizpa ovbi ẹre ne okhuo keghi ladian, ọ na rhie ukusẹ ọ na gha ku bu ẹre dee. Ọmọ ọkpa kẹkan ne ọ mwẹ ọ re wa nọ, ẹ i ghi mwẹ ọmọ okpia ra ọmọ okhuo ọvbehe.

Giọgis 18:29

Iran keghi fi eni ẹvbo nii werriẹ hin Lais rre gha tie ẹre Dan zẹ vbene a tie erha iran odede ighẹ Dan ne ovbi e Jekọb.

Giọgis 20:11

Ẹre emwa hia ni rre Izrẹl na do sikoko vbe iro ọkpa, ọnii nọ wẹ ne a khọn nene ẹvbo.

Giọgis 20:18

Ivbi Izrẹl kegha rrie owa ugamwẹ vbe Bẹtẹl. Iran na ya nọ Osanobua vbe evba wẹẹ, “De ẹwae ne ọ gha ka dekun e Bẹnjamin?” E Nọyaẹnmwa keghi wanniẹn wẹ, ẹwae Juda.

Giọgis 20:2

Avbe ọkaolotu ẹwae Izrẹl hia kevbe gha rre ehe ne emwa Osanobua na si egbe koko na. Ivbi iyokuo ni ya owẹ khian kegha re arriaisẹn uri eva (400,000).

Giọgis 20:26

Ivbi Izrẹl hia kevbe gha rrie Bẹtẹl ya khiẹ. Iran keghi tota ye odaro e Nọyaẹnmwa vba, iran ma rri evbare ọ te ya sẹ ota. Iran si sara, iran keghi giẹn emwi ne a ya zọ ese eso ohoho vbe odaro e Nọyaẹnmwa.

Giọgis 20:8

Emwa ni hia keghi wa koko kpaegbe, iran wẹẹ, “Ọmwa ne ọ gha yo owa vbe uwu ima i rrọ, ọ re owa ne owa ọ re ọ ye ra owa ukpọn nọ.

Giọgis 21:5

Iran keghi nọ wẹẹ, “Vbe uwu ẹwae Izrẹl hia, de ne ọ ma rre do si koko ye odaro e Nọyaẹnmwa vbọ vbe Mizpa?” Iran vbe vẹn ihẹn nẹ wẹ ọmwa ne ọ ma rre do si koko ye odaro e Nọyaẹnmwa vbe Mizpa, te a gha gbe ẹe rua.

I Samuẹl 10:17

E Samuẹl keghi tie emwa nii hia si koko vbe Mizpa ne iran ru ugamwẹ.

I Samuẹl 3:20

Ẹre ivbi Izrẹl hia, ehe ne ọ sẹe, ehe ne ọ rhanmwẹ, na rẹn wẹ akhasẹ e Nọyaẹnmwa ọ re Samuẹl wa khin.