Giọgis 2:21 - Edo Bible (E Baibol Ẹdo) Version 1996

²¹ Rhunmwuda ne iran ma na họn ẹmwẹ mẹ, I i ghi khu avbe okpẹvbo ne Jọsua sẹrae ye otọe nii vbe ọ wu.

Giọgis 2:21 ပူးပေါင်းရင်းမြစ်များ

Ezikiẹl 20:24

I ru ọna, rhunmwuda, iran he iyi mwẹ yotọ, iran rraa uhi mwẹ, iran mu Ẹdẹ Ikẹtin rhia, iran keghi vbe gha gho avbe ẹbọ ne avbe erha iran ghoro.

Jọsua 23:13

Wa ghi wa rẹn wẹ e Nọyaẹnmwa Osanobua uwa i ghi ra khulo avbe agbọn ẹvbo nii hin ehe ne uwa ye rre. Sokpan iran zẹ ẹbe ne uwa zẹ vbe ifi ra uye, ọ ghi vbe gha balọ zẹ vbe asan vbe ẹkpiyeke ra igban vbe uwu aro uwa. Erriọ ọ re ọ khian gha ye khian a te miẹn wẹ wa lahin otọe esiesi na ne Nọyaẹnmwa Osanobua uwa mu ne uwa.

Jọsua 23:4

Wa danmwehọ, I ghae avbe ẹvbo ni ghi dekẹe ne avbe ẹwae uwa nẹ ne ọ gha re ọghe uwa, erriọ vbe nọ ne avbe ẹvbo ne I munọ ẹn ke Ẹzẹ Jọdan vbe odẹ ahọ kpao ya sẹ Okun Meditẹrrenian vbe odẹ orrie.

Jọsua 23:5

E Nọyaẹnmwa Osanobua rua gha gie iran laghe iyeke hin ehe ne uwa ye rre, ọ gha vbe khulo iran hin uwa egbe rre. Otọe iran gha khian ọwua zẹ vbene e Nọyaẹnmwa Osanobua uwa yan ma uwa.

Giọgis 1:1

Ugbẹn vbe Jọsua ghi wu nẹ, ivbi Izrẹl nọ e Nọyaẹnmwa wẹẹ, “De ẹwae ne ọ gha ka gha khian ne ọ ya gu ivbi Kenan gbinna vbe uwu ima?”

Giọgis 2:3

Te ime ghi tama uwa na wẹ mẹ I ghi khulo emwa na ladian vbene uwa ya nana ghe odaro. Eghian uwa iran ra gha khin, ẹbọ iran ghi vbe gha re edanmwẹ nọ wegbe ne uwa.”

Giọgis 3:1

E Nọyaẹnmwa keghi sẹ avbe ẹvbo eso rae vbe otọe nii ne a ya danmwẹ ivbi Izrẹl ni ma yo okuo vbe Kenan ghe.

Giọgis 3:3

Iran ne a sẹrae kegha re ẹvbo Filistia isẹn, ivbi e Kenan hia e Saidọn, e Hivi ni rre uhunmwu Oke Lebanọn kevbe Oke Bal rhinrin ya sẹ Ada Hamat.